حد يا جماعه عنده معلومات عن القريه دي
اخبارها ايه ومستواها وخدماتها والعنايه والاهتمام بيها
هل في اقبال عليها
معروض عليا اشتري حاجه هناك
فهل الاستثمار في حاجه هناك مجدي
واخبار اسعار الايجارات ايه
شاكر ليكم مقدما
عرض للطباعة
حد يا جماعه عنده معلومات عن القريه دي
اخبارها ايه ومستواها وخدماتها والعنايه والاهتمام بيها
هل في اقبال عليها
معروض عليا اشتري حاجه هناك
فهل الاستثمار في حاجه هناك مجدي
واخبار اسعار الايجارات ايه
شاكر ليكم مقدما
لازم تروح بنفسك تشوف القرية وفرصة الايام ديه تقدر تحكم عليها فيها خدمات ولا لأ ... لان لو ممفيهاش خدمات فى الصيف وفى عز السيزون ... يبقى امتى حيكون فيها خدمات ؟؟!!
قريه ممتازه ونظيفه عيبها الخدمات قليله مفهاش اماكن كتير للخروج بس برضوا قريبه من اسكندريه وقريبه جدا من مراقيه
بس معرفش الاسعار ايه هناك بصراحه
حضرتك معروض عليك بكام وشقه ولا شاليه على البحر
الف شكر يا جماعه انا فعلا رحت شفت بنفسي
فعلا القريه جميله ونظيفه بس ما فيهاش انشطه
مش عارف اذا كان ده عشان احنا في نهاية الموسم ولا ده العادي
انا معروض عليا شقه هناك في الصف التاني الدور الرابع
غرفتين وريسيبشن ومطبخ وحمام مساحه حوالي ١٣٠
مطلوب فيها ٤٥٠
مش عارف اذا كان ده كتير ولا معقول
خصوصا ان انا ممكن اخدها تبقى استثمار وتتأجر
ومش عارف احكم على القريه اذا كان هيبقى في اقبال عليها في موضوع الايجار ولا لا
يا ريت لو حد يعرف يفيدني ... ولا في حته تانيه افضل ممكن ادور فيها
وشكرا مقدما