معروض عليا بيجو 307 مانوال هايلاين بالاسبويلر
فابريكا بره وجوا عداد ٦٠ الف كم بسعر ٨٢ الف
رأيكم ايه؟
عرض للطباعة
معروض عليا بيجو 307 مانوال هايلاين بالاسبويلر
فابريكا بره وجوا عداد ٦٠ الف كم بسعر ٨٢ الف
رأيكم ايه؟
المنتدى ناااااايم ليه كدا :(
كتير علي المانيوال
بصرحة العربيه دي كويسة جدا بس قطع غيرها غالية جدا جدا هيا مع واحد صحبي مبسوط منها بس لما يجي يغير حاجة فيها يعد يدعي على اليوم الي جبها فية من كتر غلو الاسعار قطع الغيار وكتير المبلغ دة على المانيول
صليت استخارة وشاء المولى عز وجل أن لا تكون ملكي
ولله الحمد والمنه
حاليا معروض عليا 307 sw موديل 2008 أعلى فئة بمرايات ضم انضف من الحالة الأولى عداد 50,000كم
على ٩٠الف اوتو
رأيكم ايه يا شباب؟
بص انا بعت عربيتي 307 هاي لاين كل حاجه بدون مثبت سرعه ب 87 الف بره و جوه و صيانه التوكيل و عامله 80 الف كم و كانت حاله شاذه جدا فعشان كده ب 87 الف لكن السعر علي مانيوال انسي و خلي بالك محدش بيرضي يشتري مانيوال اساسا
العربيه كويسه والتكيف ممتاز بس قطع الغيار نار .
انا معايه الموديل منها ال 2003 مانيوال برضه
انا مغير طرمبة الميه مثلا ب 450 جنيه (أصلى ) و سير الكاتينه ب 225 جنيه أصلى برضه وبليه شداد سير الكاتينه ب 190 جنيه ماركه اسمها سيجال تقريبا فرنسى . تيل فرامل 330 جنيه أصلي
دى بعض اسعار قطع الغيار اللى غيرتها ف عربيتى
هيه غاليه شويه لو كنت راكب حاجه كورى لأنى دايما مقارنتى بتبقى بالعربيه اللى دايما كانت معايه دايو نوبيرا ( وهيه لسه معانا برضه )