نتحب تسمع ايه و انت في العربية ؟

**Qamar** · 23-10-2008 12:18 PM

الجيل بتاعنا الأسف ما عندوش وقت لحضور الدروس الدينية( او ما بيعرفش ينظم و قته) عشان كده باحاول اسمع اى خطب او دروس للمشايخ و العلماء اللى بارتاح لهم ( أكثرهم راحة بالنسبة لى محمد حسان و محمد حسين يعقوب و محمود المصري) و طبعا لازم شرايط القرآن عشان تكرار السمع بيساعد على الحفظ كمان.

**sab3aawy** · 23-10-2008 12:23 PM

الصبح البرنامج العام نشرة سبعة وتقارير المراسلين والحالة المرورية والعميد احمد عاصم(هو لسة عميد وللا بقا لواء؟) وشوية الأخبار السريعة اللى بتيجى قبل 8 ، الواحد بيكون لم الدنيا حاصل فيها ايه قبل ما يروح الشغل، خصوصا ان -والشهادة لله-نشرة 7 وما يليها من مقتطفات اخبارية على البرنامج العام بقت smart جدا وتركز على اشياء تهم الناس مثل التحويلات المرورية وحالة الجو واية تعديلات تشريعية ...الخ

آخر اليوم نجوم اف ام اللى دايما بيكون عبارة عن برنامج فيه مذيعة ومذيع بيتكلموا مع ضيف ما فى حوار انا مش بفهم منه ولا كلمة تتخلله اغانى لا يعلق منها فى ذاكرتى سوى النغامت بس انا بستمتع بالاذاعة دى جدا لأنه بتخلق نوع من انواع الونس داخل السيارة بدون ما اضطر اتابع ولا كلمة من اللى هم بيقولواه وبالتالى افضل مركز فى الطريق

**حماده عزو** · 23-10-2008 12:53 PM

الموضوع ده متكرر لكن ههقول على التجديد
أنا والحمد لله بسمع دائما وأبدا أذاعه القرأن الكريم
وسعات بغير وأسمع الشيخ ماهر المعيقلى أو الشيخ محمد عبد الوهاب طنطاوى أو الشيخ عنتر سعيد مسلم

**hn_kamal** · 23-10-2008 01:28 PM

فى الصبح باسمع اذكار الصباح للشيخ مشاري العفاسي
فى خلال اليوم باسمع عمرو خالد (قصص القرآن الكريم - دي مجموعة دروس كانت فى رمضان السنة دي هايلة جداااا انصحكم تسمعوها)
بعد العصر أو بالليل أذكار المساء للشيخ مشاري العفاسي- واحيانا محمد فؤاد وأحيانا نجوم Fm

**shanodaa** · 23-10-2008 02:59 PM

نجوم fm طول اليوم

**ethan82** · 23-10-2008 03:03 PM

بكااااااااار بكااااااااااار بكااااااااااااااااااااااا ر .

الملك محمد منير ده أساسي في العربي

وأنغااااام طبعا و الباقي عادي

بالنسبة للأجنبي معظمهم movies soundtrackes وفي اغنية اسمها mighty wings لو شغلتها السيراتو بتتحول بقدرة قادر الي طيارة phantom F122 . وانا بحس ان جالي جنون البقر وبقيت اعمل حاجات غريبة.

ومستنيك يا موزارت الشرق والله مؤثر يابني

ويجعله عامر

**Karim_Mohy** · 23-10-2008 07:46 PM

to <hamada 3ezzo>...ana mal2etsh mwdo3 byetkalm 3an ely btsma3o fa 2olna n3raf el a3da2 byhebo yesma3o eh......we thanxxx gdn 3la mosharktk we motafek m3ak w m3 el a3da2 3la en el quran al karim asasy fe el ehsas bel raha w el 5orog mn el sho3or el saye2......we fe sa3a kda mos3ka hadya 3la el fm bta3 7 up....ye2olak <wenta saye2 5alek raye2> da 3la asas en el share3 fady b2a w el say2een byedhako fe weshak we byestanok t3ady mn gher ma had yeksar 3alik

**MedaSam** · 23-10-2008 09:31 PM

أنا عموما بسمع عربي و أجنبي ....... بس و أنا سايق لازم أجنبي لزوم التحول ...... أصل أنا من المتحولين Transformers

HoobStank, LinkinPark, NickleBack, Chris Brown دول الأساسي و في غيرهم حسب المود ....... علي المحور و الدائري لازم حاجه تصحصحني ....... لو في وسط الزحمه و القرف يبقى أي حاجه هاديه