شغل للمدام علي النت

**S.h.a.h.e.r** · 31-08-2014 01:14 AM

السلام عليكم
ف الحقيقة انا مراتي خريجة كليه قمه بس ف المجال الطبي ومش عاوزها تشتغل علشان ال بشوفه ف الشارع بالاضافة اني بستعد للسفر
انا بفكر لو ف دورات معينه علي اليوتيوب في شيء معين نقدر نتعلمه وتعمل من خلاله شغل تقضي بيه وقت فراغها وف نفس الوقت تحس بذاتها فيه
انا عاوز الدورات بالانجليزي علشان تكون مباشرة وسهله الفهم وتكون مجانيه برده
شكرا لحضراتكم

**islam_lee** · 31-08-2014 02:13 AM

بص يا ريس ..
الشغل عن بعد ما فيش أحسن منه ..
بس لا تكون Programmer زي حلاتي كده ..
أو web designer ..
أو ليك في الفتو جاااااامد ..
أو ربنا يكرمك و تلاقي شغل كا data entry ..
و ده محتاج سرعه كتابه ..
و ممكن يتعرض عليك الشغل في فرق و جروبات ..
أو انته تقدم خدمات في مواقع زي .. خمسات ,,
أو تنشيئ ليك بلوج لحد ما تعمل إسم و من ثم تنشيئ موقع ,,

أكثر ما ذكرت ربحاً البرمجه .. بلأخص الـ Objective C , Java ..
عشان تطبيقات IOS والأندرويد .. ثم الـ C# <<
للوندوز أبلكيشن ,,
و أسهلهم تعلماً الفتو ,,
بالتوفيق ,,

**S.h.a.h.e.r** · 31-08-2014 02:55 AM

لا انا طبيب برده بس ممكن ابدا معاها واحده واحده
ياريت لينك لليوتيوب للمواضيع دي

**islam_lee** · 31-08-2014 03:02 AM

أنته .. هتقرر تبداء في إيه ..
و خلي بالك ..
"الجدع إلي قال .. هيا كميا" .. ما كنش يعرف البرمجه ,,
البرمجه صعبه شويه .. مش هقولك مستحيل تتعلمها لوحدك .. لاني تعلمتها لوحدي ..
الفتو موجود شرح ليه بالهبل في الـ youtube ..
الويب ديزان .. مربح و سريع بس عيبه كتر الوب دزينر ..
و شروحاته في عن عموو .. google ..
شوف انته عايز تبداء في إيه .. و اتوكل على الله ,,

**matrix_it** · 31-08-2014 03:20 AM

ايه الفرق بين web designer و web developper
انا اسمع انها مربحة بس هل للدرجة ان الواحد يبقى فرى لانسر ؟

**islam_lee** · 31-08-2014 03:26 AM

المشاركة الأصلية كتبت بواسطة matrix_it

ايه الفرق بين web designer و web developper
انا اسمع انها مربحة بس هل للدرجة ان الواحد يبقى فرى لانسر ؟

عشان ما أفتيش .. لأن تخصصي desktop ..
بس ديفيلوبر .. بيخدم على موقعه بالأكواد و بيفهم في php html js css
و اكيد ليه في SQl .. يعني مبرمج وب ..
الديزاينر في الغالب شغل تمبلات و أكواد مكتوبه مسبقاً و جوملا على شويه شعل فوتو..
و الله أعلم ..
..
و بالنسبه للفري لانسرنج هيا مربحه على قد ذكائك و على قد ما تخدم عليها ..
و أنته و إلي قاسمه ليك ربنا من الرزق ..
ممكن سستم فاشل تعمله لشركه .. تكسب فيه دهب ,,
و ممكن بروجكت عبقري ما حدش يعبره ,,

**Karim Alaa** · 31-08-2014 03:49 AM

المشاركة الأصلية كتبت بواسطة matrix_it

ايه الفرق بين web designer و web developper
انا اسمع انها مربحة بس هل للدرجة ان الواحد يبقى فرى لانسر ؟

ديفولبر او ويب بروجرامار المفروض شغله كله يبقو كودينج للسايت و شغل الجرافيك تامبليتس و فوتو شوب و كل ما ليه علاقه بالشكل الخارجى للموقع يبقى ديزينر بس الاكيد ان مفيش حد عندنا بيفهم ده العميل بيجى عايزك تعمله كل شىء ف اى ديزاينر بيبقى عارف شويه فى البروجرامينج و اى بروجرامار بيبقى عارف شويه فى الديزيننج و التانيه دى هى الاكتر و الاربخ انك تبقى ديقولبر ليك فى الكويدنج

HTML5 /Java/XML/PHP/CSS

و تفهم شويه فى الديزايننج على شويه فوتو شوب و هتبقى بيس

اما السؤال التانى فاجابته

اه ثم اه ثم اه :) بس انت ذاكر كويس و خلى عندك صبر و استعداد انك تشتغل كتير فى الاول بربح قليل لحد متكسب خبره و reputation و بعدين الدنيا هتبقى فل معاك

**abo_hosni** · 31-08-2014 07:41 AM

شوف شغل على مواقع زي odesk, elance
المناسب لزوجتك بمؤهلاتها الحالية وظائف زي الترجمة من و إلى العربي (مطلوبة كتير بس فلوسها مش زي البرمجة)
ممكن تسجيل صوتي بالعربي لو انت موافق و ده مطلوب برضه.

**عبدالحكيم** · 31-08-2014 08:23 AM

أخي الكريم صاحب السؤال

إذا كنت تريد أن تعمل الزوجة عبر الانترنت فأنصحك نصيحة مخلصة بأن تقصر عملها على تخصصها الطبي، ولا تخرج عنه لأي تخصص آخر تبدأ فيه من الصفر ولا يناسب تكوينها الفكري أو اهتماماتها..

وهذه بعض الحلول:

1- العمل كمستشارة لمواقع طبية: بحيث تتمثل مهمتها في الرد على الاستفسارات التي ترسل لتلك المواقع في إطار تخصصها (طب الأسنان مثلاً)، أو مراجعة المقالات الطبية، أو التعليق الصوتي على مقاطع الفيديو الطبية، أو الإشراف على أقسام طبية في منتديات متخصصة في مقابل دخل شهري محدد. أنا أدخل على بعض المواقع أحياناً أجد أطباء موجودين "أونلاين" لتقديم الاستشارات والرد فوراً على الاستفسارات. لماذا لا تجهّز سيرتها الذاتية ثم تتواصل مع تلك المواقع..؟

2- العمل كمترجمة طبية: أي مترجمة متخصصة في ترجمة البحوث والمقالات والدراسات الطبية، أو ترجمة الوصفات الصيدلانية أو النشرات الورقية المرفقة بالأدوية. رأيت إعلانات كثيرة تطلب متخصصين دارسين للطب للعمل معهم كمترجمين متخصصين مقابل مبالغ مهولة. الورقة تصل إلى 150 جنيه، يعني ممكن دخلها يصل إلى 1500 جنيه يومياً لو ترجمت 10 صفحات فقط..

كان لي صديق لديه شركة ترجمة في مدينة نصر زرته عام 2008 وعرفت منه أن لديه فريق عمل من مهندسات يعملن كمترجمات متخصصات في ترجمة المشاريع الهندسية الصناعية والوثائق الفنية للماكينات والسيارات والمعدات المتخصصة، ودخلهن الشهري يزيد عن 15 ألف جنيه، ومن البيت..

إذا عملت الزوجة في أياً من الاقتراحين المذكورين أعلاه (ضمن تخصصها)، فستكون حافظت على دراستها الطبية وتطور تفكيرها بالمعلومات الحديثة أولاً بأول، وفي الوقت نفسه اشتغلت من البيت وحصلت على دخل كبير يشعرها بذاتها..