بفكر اشتري جيب جراند الجديده
كا راي اصحاب الخبره
وهل هي افضل ام مرسيدس glk350
عرض للطباعة
بفكر اشتري جيب جراند الجديده
كا راي اصحاب الخبره
وهل هي افضل ام مرسيدس glk350
الاتنين ما شاء الله
بس انا افضل merc
بصراحة انا شوفت المرسيدس على الطبيعة وركبتها ، العربية كبيرة من بره ، لكن من جوه الصالون صغير جداً زيه زي اي عربية سيدان ويمكن اصغر من عربيات سيدان كتير ، بصراحة السمك بين البودي الخارجي والفرش الداخلي سميك جداً يمكن يوصل ل25 سم او اكتر في بعض المناطق وده طبعاً عشان الامان ، لكن الجيب جراند بحر من جوه ، فرق الموتور لصالح الجيب لانه 5700 سي سي موتور هيمي ، ده طبعاً ديناصور تحت الكابوت ، قوة وتسارع غير طبيعية ، من الزيرو ل 100 في 8 ثواني ونص تقريباً ، بس طبعاً استهلاك بنزين حوت عايز تعلق بنزينة في العربية ، قطع الغيار للاتنين مش رخيصة لكن الجيب هتزيد عن المرسيدس في سعر قطع الغيار ، وده بقي في كل العربيات يعني الكوري بقي قريب في قطع الغيار من قطع الغيار البي ام ، شنطة المرسيدس صغيرة تقريباً قد شنطة بي ام دبليو اكس وان ، شنطة الجيب جراند ممكن راجل بالغ ينام فيا مرتاح ، الجيب والمرسيدس معمرين جداً ، الصنايعية اللي فاهمين في المرسيدس اكتر من اللي فاهمين في الجيب ، توافر قطع الغيار واحد في الاتنين البعض ممكن يكون متاح استيراد والبعض ميجيش غير من التوكيل ، الجراند بقت منتشرة اكتر من المرسيدس جي ال كيه ، الجيب والمرسيدس الاتنين تكنولوجي متطورة جداً ، الجيب تدوس ف اي طريق رمل او جبل او طين او اسفلت ، المرسيدس تتعب شوية في طريق جبلي لو حبيت تروح الواحات او وادي الحيتان ، ميتراحش غير بجيب ، الجيب والمرسيدس معمرين جداً لكن قطع غيار نار يا حبيبي ناررررررر ، يعني طرمبة البنزين تعدي 3000 جنيه ،
الجيب : موتور قوي - استهلاك بنزين عالي - عربية عالية جداً عن الارض - قطع غيار غالية - عربية واسعة جداً تسافر بشنطك ومعدات صيد وغطس وانت مرتاح - انتشار اكتر - توكيل كويس الهيئة العربية للتصنيع ومراكز الخدمة الامريكية وابو غالي - صيانة توكيل او مركز خدمة معتمد فقط عشان العك وندرة الصنايعية اللي فاهمين ، يعني في كهربائي واحد بس اللي بيفهم في الجيب موجود في روض الفرج وده التوكيل كان بيستعين بيه في حاجات معقدة - عربية قوية جداً وتدوس في اي طريق متوفر فيها كل وسائل التكنولوجي والامان
المرسيدس: موتور متوسط اقل من الجيب - استهلاك بنزين اقل - قطع غيار برضه غالية - مراكر الخدمة هي الالمانية - الجيزة الوطنية القاهرة الوطنية - ندرة الصنايعية اللي بيفهموا فيها عشان تكنولوجي معقدة - شنطة صغيرة تاخد شنط السفر بالعافية - شنطة سفر كبيرة وشنطتين صغيرين وكام كيس زي الاكس وان - صالون صغير على جسم عربية كبير - تسارع اقل من الجيب - قطع غيار استيراد قليلة جداً عكس الجيب - الجيب اشيك واحلى واوسع - الاتنين صناعة مصري فهتفرق معاك في الضريبة والترخيص عن المستورد زي اودي مثلاً - تابلوه الجيب احلى واكبر واوسع من المرسيدس واشيك من وجهة نظري - الالماني عمره اطول من الامريكي من وجهة نظري والدليل على كده ان مريدس عربيات موديل سبعين وستين كمان لسه موجودة في الشارع ن جيب اخرها موديل 80 وانت طالع - الجيب عربية دبابة وقوية في كل حاجة - المرسيدس عربية اضعف شوية سواء البودي او التعليق - الجيب عربية العضلات - المرسيدس تعتير عربية بيزنس كلاس شوية
ربنا يهديك للخير ويوفقك للصواب - اعادة البيع - بيتهيالي الاتنين هيكونوا بنفس المستوي - عشان الاتنين بيخاطبوا فئة معينة مش هتلاقي زبونها واقف على الباب هتستني شوية على ما تبيع عشان العربية غالية وبالتالي بيعها تقيل مثال اللي بيبيع غويشة دهب غير اللي بيبيع خاتم سوليتير - القيمة في البيع تقديرية وحسب الحالة مش زي العربيات الاقتصادية بتتباع بسعر ثابت في السوق ومعدل نزول القيمة ثابت ومعروف - الاتنين بينزلوا في السعر جامد عند اعادة البيع
الجراند طبعا
الجراند فئه اعلي من ال glk و اصلا هي مشتركه مع ال ML في بعض الاجزاء
انا شوفت الأتنين فى معرض وركبت جواهم
الجراند تتفوق بصراحة سواء من بره او من جوه وبالذات من جوه ده عالم تانى وواسعة بغباء والشنطة بحررر
أختار الجراند بكل ثقة رغم عشقى للميرك :)
الجراند بقت تقفيل مصري
الجراند تجميع مصري و إل GLK تجمع مصري برضو.
إل جراند أعلى عربية في إل جيب و داه طبعا هتحسو في إل وكيل
أما إل GLK فى هي بي بساطة عربية زي أي عربية عندهم .. مش هي أعلى حاجة يعني اصدي
صالون إل GLK وهمي و إل جراند برضو وهمي
فرق إل مساحة كبير
فارق إل أداء كبير
و لتنين ها تحجز و تستنى حابة حلوين 3ala ما تستلم
أعتقد فل الأخر جيب إلي شكلها عاجبك أكتر :)
الحسيني اشكرك جدا على تقريرك ووقتك وردك الراق والواضح جدا يا فندم
وبكررلك شكري انا معايا مرسيدس cla200
والحقيقه معبجتنيش اوي انا مش هبيعها وهشتري الجراند إن شاء الله على شهر 11
اشكرك لذوقك مرة تانيه
الحسيني اشكرك جدا على تقريرك ووقتك وردك الراق والواضح جدا يا فندم
وبكررلك شكري انا معايا مرسيدس cla200
والحقيقه معبجتنيش اوي انا مش هبيعها وهشتري الجراند إن شاء الله على شهر 11
اشكرك لذوقك مرة تانيه