معدل التسارع لسيارتي الفيات 128 موديل 1977

اولا السيارة لايوجد بها اي تعديلات - لكن ايطالي 100% ، عداد 285 الف كيلومتر ، 1100 CC ، معدل التسارع من 0-100 كيلومتر هو 15 ثانية ! ومع انها موديل 77 ، لكن لا تزال قادرة على الوصول الى سرعة 140 كيلومتر/ساعة

انا بشوف الناس هنا تتكلم عن معدل تسارع سيارتهم الجديدة Lancer/kia/toyota الخ ، وهي تكون غاليا من 9-13 ثانية ، هذه سيارات جديدة بمحركات اكثر من 110 حصان ، يبقى ازاي فيات 128 موديل 77 ، تكون قادرة على التسارع من 0-100 بمعدلات متقاربة من السيارات الحديثة ذات الـ 110 حصان !

الفيات لو جديدة ، قواتها حوالي 55-60 حصان ، لكن العربية بتاعتي دي عمرها حوالي 40 سنة بعني القدرة الحصانية اكيد اقل كتير !

الجديد 1300 سي سي 65 حصان و ماشاء الله على عربيتك ممتازه انها كده انا ركبت 128 1100 و ال 1300 و كنت بجيب بيهم 140 بس ده كان اخرهم بس التسارع كان ابطئ شويه لان فيه واححده منهم كانت فبرقيه كلها و موتورها متفتحش.
بالنسبه للعربيات الجديده مما لا شك فيه انها انعم و اريح فى السواقه بس لايزال عصر السبعنيات هو العصر الماسي للسيارات بقوه المحركات و متانة التصنيع و قوة نظم التعليق و يجي بعدها العصر الفاصل فى صناعة السيارات وهى التسعينيات و ظهور التطور الجديد فى تصنيع السياران من الانسيابيه فى الشكل و نظام الحقن الالكتروني و انتشاره بكثره فى هذه الفتره و و التحكم الكامل الالكتروني فالسيارات عن طريق الحساسات الى وفرت تسارع هايل و رفعت القدره للعربيات و كل ده و كانت السيارات محتفظه بالمتانة و قوه القديم و زن السارات كانت اكثر من طن و السيارات الصغيره كانت قرابة الطن و لذلك الى الان العربيات موديل التسعنيات هى الى بتتباع كتير الى الان و الناس حبها زي (بولو جولف 316 و 318 كرولا لانسر سيفيك البطه 91 بونتو و الأونو الأبيزا و حتى الكوري سواء اكسيل او لانوس .............)
ففى راى انت متقارنش الجديد بالقديم لان القديم مازل الأفضل بس الزمان لازم يمشي و القديم يتغير.......

على فكرة كان معايا 128 ايام الكلية ودة كان سنة 2004 , وكانت موديل 1974 بمحرك 1100 سى سى وفتيس اربع سرعات

كنت بجيب بالاول 50 كم

الثانى 80 كم

الثالث 120 كم

الرابع 160 كم , ودية اقصى سرعة قدرت اجيبها بالعربية

وفعلا فعلا كانت من اقوى سيارات ال 128 اللى تركبها فى حياتك , العربية عزل ممتاز + نعومة غريبة + حتى عصاية الفتيس ماكنتش بتتهز من مكانها اثناء تشغيل المحرك

وكان ثباتها عالى جدااا , لدرجة انى مرة كنت باخد غرزة على سرعة 60 , والراجل اللى ورايا راح خاطبنى من الرفرف الخلفى , العربية لفت ربع لفة بسيطة , ورجعت كملت طريقها عادى جدااااااااااااااا

لدرجة ان واحد صاحبى كان معاة لانوس كانت لسة ماكملتش 8000 كيلو , وجرينا مع بعض , انا تفوقت علية لحد سرعة 130 كم , وبعد كدة بدأ يسبق هو بس بفرق عربيتين بس

محدش يستهون بال 128 لما بتبقى مظبوطة بتكون عفية

العربية دية ليها ذكريات لا يمكن انساها ابدااااااااااااااااااا

بس الحمد لله كانت لازم كل اسبوع عند الميكانيكى

فيات 128 1100cc
كل اسبوع بتسافر بورسعيد رايح جاي في نفس اليوم راكبين فيها ستة اوزان كبيرة كانت بتجيب 120 كيلو متقولش
لحد ما عملت حادثة كل اسبوع او اسبوعين عند الميكانيكي لحد ما اتباعت

عربيات فيات القديمة مش هتكرر
وقولت لو بتنزل زيرو زي زمان
مكنش حد اشتري العربيات ال 800 وال 1100 سي الموجودة حاليا