عربيتي سكودا فانتازيا 2009 من بعد سرعة ال140 العربية بتبقى مخنوقة علي الاخر وبالعافية بتوصل الي سرعة ال160؛ بالرغم قمت بتغيير فلتر البنزين مرتين وفلتر الهواء والبوجيهات.ارجو افادتي عن هذه المشكلة. اشكركم.
عرض للطباعة
عربيتي سكودا فانتازيا 2009 من بعد سرعة ال140 العربية بتبقى مخنوقة علي الاخر وبالعافية بتوصل الي سرعة ال160؛ بالرغم قمت بتغيير فلتر البنزين مرتين وفلتر الهواء والبوجيهات.ارجو افادتي عن هذه المشكلة. اشكركم.
اكشف علي طرمبه البنزين واسلاك البوجيهات
أشكرك علي اهتمامك والرد علي استفساري
فعلا احتمال كبير ضعف طلمبه
وحاول وانت مسافر مشوار طوالى تحط منظف انجيكشن على 20 لتر بنزين تقريبا وتحرقهم وشوف النتيجه
لو لم يكن احتمال ضعف الطلمبه بيكون اكيد
أشكر اهتمامك يا باشمهندس طارق والرد علي مشكلتي.وانا هجرب فكرة منظف الانجكشن.
متابع http://اابب
انا جربت ووضعت منظف الأنجكشن علي 20 لتر ومشيت مشوار طويل ولكن العربية برضة لسة مكتومة وبالعافية جايبة ال160
بص ياباشا علشان تقطع الشك باليقين هتروح لمتخصص فولكس واسكودا وقوله اكشفلي على ضغط طرمبه البنزين بيبقى عندهم عداد بيوصلوه عند الرشاشات وفيه مشترك بيفك خراطيم البنزين ويركبها في المشترك ويركب العداد ويوصله بمدخل المسطرة وبيدور شويه ويبطل ويبص في العداد المفروض أن ظغط الدوره بتاعت الوقود لو الطرمبه سليمه من 3.5-4 بار لو جابت معاك القرايه دي طرمبه سليمه أقل طرمبه عايزه تتغير وان شاء الله بسيطه
أشكركم علي الأستجابة.بس لو ممكن اعرف اروح لمين يكون عنده جهاز الكشف علي طلمبة البنزين او ميكانيكي يكون شاطر.
لو عايز تأكد من الطرمبة
عير فلتر بنزين وبعدها دور العربية لو العربية دارت على طول وبسرعة يبقى الطرمبة سليمة لو ملقتش بسرعة يبئة الطرمبة سليمة
- هل الماكينة بترشح زيت من فوق (غطاء راس المكنة ) ؟
- هل داخل البوابة رشح زيت ؟؟؟
- عملت برمج على الكمبيوتر لاي غرض و بعد كدا حصل الموضوع ده ؟؟
اقتراحات تشخيص العطل من وجهة نظري
- حساس الكرنك بيخرف .
- حساس الكتينة الكونيكتور بتاعه فاصل او متسخ نتيجة رشح الزيت ومحتاج تنظيف .
- محتاج اعادة ضبط مصنع لوحده الكمبيوتر و دي بتتعمل ب vas5054 .
ممكن نقطه من 3 اللي فاتو يعملوا المشكلة اللي حضرتك بتعاني منها
هتضيف بقا عليهم اللي حجات اللي لازم تتعمل
- تنضف بوابة كويس و التنظيف بره العربية و اوعى وانت بتنضف تلعب بالوابة بايدك .. عاوز تمسح الاتساخات هترش منظف كربريتر و تمس بمنديل و هي مقفولة (ماتحاولش تعلب بالوابه نهائيا لانها هتخرب (اللهم اني بلغت اللهم فاشهد)
افحص كمبيوتر اولاً و بعد كدا ندور العيب فين بعد الفحص
هذا و بالله التوفيق
اشكركم علي الرد.بس انا العربية عندي مابتاخرش في الدوارة. ولا ده لا علاقة له بموضوع كتمة العربية من بعد ال140.
اوكتافيا و فيها الكلام دة؟ اومال احنا نعمل ايه
مفيش عندي أي رشح زيت من فوق ( رأس المكنة).وكنت نظفت البوابة بالاسبراي أيضاً. وكنت كشفت أيضاً بالكمبيوتر علي العربية لم يظهر اي عيب على الجهاز.
انت مغير بتوجيهات
الأغلب طرمبه البنزين زي ما قلنا قبل كده
انا لسة مغير بوجيهات.واتمني ان تكون المشكلة في طرمبة البنزين .ما يكونش في مشكلة في حساسات ( كرنك او كامة ) او مشكلة تتعلق بالفتيس.انا منتظر اعود من اجازتي بالغردقة وساتوجه لمهندس كويس لعلاج العربية.وأكرر شكري للباشمهندس طارق.
بص حضرتك على الرشاشات ممكن يكون هوا دة السبب تقبل تحياتي
ايوااااا .. كنت كاشف كمبيوتر عند مين ؟؟ و كمبيوتر متخصص للالماني يعني و لا كمبيوتر بتاع كله ؟؟
احيانا كمبيوتر اللي بيكشف على معظم السيارات بيخرف .
بص العربيه دي يا كمبيوتر .. يا حساس من اللي قلتهم بيقرا غلط (معطوب)
بس انا مش مغسل و ضامن جنه ... لازم فحص كمبيوتر الخاص بسيارات الالمانيه .... هو ده اللي هيقول العيب فين بالظبط
اصل انت ممكن يكون العيب عندك بردوا في بيبات التغزيه لو واحد فيهم مقطوع مع ضغط طرمبه البنزين هيجي عند بار معين و يبتدي يهرب يروح مثبتلك السرعه على كدا مهما تدوس و عايز تزود
احنا هنا في النتدى ياادوب بنساعد لاننا مش شايفين بعنينا
و اسف على الاطاله و متابع
شكراً علي ردك واهتمامك بس انا منت كشفت بالكمبيوتر عند ورشة احمد عبد الوهاب في جسر السويس خلف حديقة بدر واللي كشف احمد عزت وقالي ان الكميوتر لم يظهر اي عيب .وقالي نجرب نغير فلتر بنزين وبالفعل غيرته ولكن نفس النتيجة مع العلم كنت مغير بوجيهات وفلتر هواء.
لو فلتر البنزين مش أصلي يعمل كده,يا ايما طلمبة البنزين,بس هي علي حسب انت ماشي كيلو متر اد ايه!؟,ممكن تكشف عالسيارة بالجهاز,و لو الطلمبة ضعيفة هتظهر عالجهاز.
..............................................
مخالفة القاعدة 11
العربية عاملة 153000.وفلتر البنزين غيرته مرتين.
طيب يا جماعه هو تقريبا مش عارف اوصل لحل مع التوكيل بس فيه واحد اعرفه عنده 3 عربيات فانتازيا حوادث و قالى ان مكنه و فتيس سليمه و مفيهاش اى حاجه و انه ممكن يفكلى فتيس من اى عربيه فيهم زى ما انا عايز و هيبيعهولى بتمن الاستيراد و عن تجربه فهل ده تبقى حاجه كويسه لان كل الى موجود فى الحرفين بتاعa5 و احدث رقم سمعته 2009 فهل لو الحادثه جايه من ورا و العربيه من تحت سليمه ده ممكن يأثر على الفتيس فى حاجه ؟؟؟؟؟
انا اسف حاطيت رد فى الموضوع غلط بطلب من الاداره تمسحه و بعتذر لصاحب الموضوع طبعا
بعد التحية لكل اعضاء المنتدي الكرام؛ انا لسة بأعاني من مشكلة خنقة العربية واقصي سرعة 130؛ بالأضافة الي شئ جديد وهو أرتفاع في أمبير الحرارة بعد سرعة ال120 عند تشغيل التكيف وعند اطفاءه يرجع امبير الحرارة الي المنتصف؛ ذهبت الي المهندس خالد إسماعيل وشرحتله المشكلة وكشف علي دورة المياه وقالي كله طبيعي يمكن مشكلة الحرارة بسبب دورة التبريد وقال لي ان اكشف على سربنتينة التكيف لو مسظوظة ممكن ترفع الحرارة.
أما بالنسبة لمشكلة عدم سحب العربية كشف على طرمبة البنزين ووجدها جيدة وأيضا كشف علي فلتر البنزين والبوجيهات وكلوا كويس.
كشفت بعد ذلك علي سربنتينة التكيف وطلعت كويسة .
المهم عايز نصيحتكم احد الاصدقاء قال لي ان المشكلة دي حصلت معاه في عربيته الa5.وطلعت المشكلة انسداد في علبة البيئة اللي هي تحت الموتور ( علي حد قوله )وبعد تغيرها فاقت تلعربيه والحرارة رجعت لطبيعتها.
عايز نصيحتكم هل ممكن ألغي علبة البيئة. او اقوم بتغيرها مع العلم بعلو سعرها.اشكركم واسف علي الأطالة
على فكره لو علبه البيئه مسدوده او الشكمان ممكن العربيه تتخنق فعلا ...بس ده يحدده فنى واثق من العطل علشان متصرفش على الفاضى
شكراً على رد حضرتك؛ بس لو فعلا علبة البيئة اللي هي عند الموتور مسدودة هل ألغيها وده ممكن يضر العربية.ولا استبدلها.
شكرا لحضرتك؛ الحل ايه؟
وثمنها في التوكيل 12000