معلومة عالماشي .... و استنكار !! - ميجان2

**تامر.محمد** · 22-09-2014 02:58 AM

المشاركة الأصلية كتبت بواسطة s o p h o s

النقاش فالموضوع ده مفيد جدا
وهيخلي الواحد يفكر فكذا شئ الاول
قبل تغير الجنوط

حقيقي
من المعلومات الغير فنية - مثلا - اللي وصلت لها ان الواحد لما تبوظ عنده فردة فيه احتمال يبوظ الطقم كله , لما رحت لأرابكوم اسأل قالوا لي ما بيبيعوش بالفردة لأنهم بيجيبوا الاطقم اربعات !!!

و طبعا معلومة الوزن دي دايما هاحطها في اعتباري ان شاء الله , لو , حصل و جبت جنوط سبور تاني

**تامر.محمد** · 22-09-2014 10:02 AM

المشاركة الأصلية كتبت بواسطة mfraig

معلش ياباشا انا مختلف معاك لعدة اسباب
1-الجمط السبور اتقل واكيد مش بس عشان المقاس كمان لان خامته كويسه وده جنط منزلاه رينو مش جنط صيني كفاءته معدومه وانا شخصيا مشتكتش منه
2- الكاوتش الاعرض بيخللي العربيه اكثر ثباتا
3- فرق الوزن 3 كيلو في 4 يعني 12 كيلو مقارنة بوزن العربيه ولا الهوا مش ده اللي هيتقل العربيه او يخففها
4- العربيه اشيك بمرااااااااااحل بالجنط الاسبور والكاوتش العريض عن الطاسات اللي بتتسرق :)

انا ابصم بالعشرة بخصوص رقم 2 و رقم 4
لكن اختلف بخصوص 3 , لأن الوزن هنا مؤثر لأنه في منظومة الحركة نفسها unsprung weight
بالنسبة لرقم 1 انا متفق , بس انا كنت مفترض ان اي شركة لما تحسن مش هاتحسن الشكل و الثبات على حساب التسارع

**mfraig** · 22-09-2014 09:39 PM

المشاركة الأصلية كتبت بواسطة تامر.محمد

انا ابصم بالعشرة بخصوص رقم 2 و رقم 4
لكن اختلف بخصوص 3 , لأن الوزن هنا مؤثر لأنه في منظومة الحركة نفسها unsprung weight
بالنسبة لرقم 1 انا متفق , بس انا كنت مفترض ان اي شركة لما تحسن مش هاتحسن الشكل و الثبات على حساب التسارع

بخصوص رقم 3 انا حسبتها ان 12 كيلو مش حاجه في اجمالي الوزن الكلي بس ماحسبتهاش زي مانت بتقول ولا حتى فهمت انت تقصد ايه عشان اخوك دكتور اسنان مالوش في الحوارات ده واخري افتكر ان 5*6 كانت ب 30 باين

**Super_Star_h** · 22-09-2014 09:50 PM

المشاركة الأصلية كتبت بواسطة mfraig

انا مش قادر اصدق
هل عاوزين تقولو ان لو جبنا عربيتين ميجان زيرو اول فئه وهاي لاين وشدو مع بعض هيكون في فرق فعلا بسبب الجنوط ؟؟!!

طبعآ هيكون فيه فرق فى الثبات
دى جنوط سبور ودى جنوط حديد
دى 16 ودى 15
وبالنسبه للوزن انا معتقدش ان فيه فرق كبير
لان الجنوط الالمونيوم بتاعة الميجان خفيفه جدآ بالمقارنه بأى جنط سبور اخر بيتباع فى السوق
وده عن تجربتى لجنوط 15 سبور كانت تقيله جدآ يمكن ضعف تقل الجنط الالمنيوم وده خلى العربيه تهبد فى المطبات وتهبد فى الطرق الغير مستويه وثبات العربيه راح فى داهيه

**mfraig** · 22-09-2014 10:03 PM

المشاركة الأصلية كتبت بواسطة super_star_h

طبعآ هيكون فيه فرق فى الثبات
دى جنوط سبور ودى جنوط حديد
دى 16 ودى 15
وبالنسبه للوزن انا معتقدش ان فيه فرق كبير
لان الجنوط الالمونيوم بتاعة الميجان خفيفه جدآ بالمقارنه بأى جنط سبور اخر بيتباع فى السوق
وده عن تجربتى لجنوط 15 سبور كانت تقيله جدآ يمكن ضعف تقل الجنط الالمنيوم وده خلى العربيه تهبد فى المطبات وتهبد فى الطرق الغير مستويه وثبات العربيه راح فى داهيه

لا ياباشا المقارنه مش في الثبات هما بيقولو ان سحب العربيه هيبقى اقل مع الجنوط الرياضيه

**Super_Star_h** · 23-09-2014 06:54 AM

المشاركة الأصلية كتبت بواسطة mfraig

لا ياباشا المقارنه مش في الثبات هما بيقولو ان سحب العربيه هيبقى اقل مع الجنوط الرياضيه

صح بس ده لو الجنوط الاسبور اتقل من الحديد بفرق كبير
الموضوع زي ان يكون معاك شخص او اتنين لازم السحب يقل عشان الوزن
لكن الحقيقه انه مافيش فرق كبير فى الوزن ما بين الجنط الالمونيوم والحديد فى الميجان
بالعكس الجنط الالمونيوم افضل فى ثباتها على الطريق وفى الملفات الحاده
لان مقاس الجنط اكبر والكاوتش ارفع وكمان عرض الكاوتش بيفرق
يعنى انا ناوى ان شاء الله اشترى كاوتش قريب هسأل لو ينفع اركب كاوتش اعرض من اللى معايا ولا لاء

**تامر.محمد** · 23-09-2014 11:41 AM

انا مؤخرا بسبب ظروفي جربت الاتنين ورا بعض و حسيت الفرق
الجنوط الحديد ال15 الأخف وزنا احسن في التسارع (لأن وزن العجل اتقل و لأن عرض الكاوتش اقل ) و أطرى في العفشة (لأن جانب الكاوتش اعلى) و اقل في الثبات فعلا (لأن عرض الكاوتش اقل)
ده بالتجربة

بالارقام , في حال استخدام جنط 15 حديد فابريكة و كاوتش 195, وزن العجلة بالكامل 15 كيلو
في حال استخدام جنط 16 سبور فابريكة و كاوتش 205 , وزن العجلة بالكامل 18 كيلو
يعني فيه 20% وزن زيادة

لتوضيح نقطة الوزن اللي في منظومة الحركة , جرب تجيب تقل وزنه 5 كيلو مثلا و تمسكه في ايدك و تجري بيه , و جرب نفس التقل تثبته في رجلك (في اي حتة ما تضايقكش عشان نوحد العوامل) و شوف هاتعرف تجري ولا لأ

الخلاصة
يعني فعلا لو جبت عربيتين ميجان زيرو واحدة اول فئة و التانية هاي لاين , هتلاقي اول فئة تسارعها احسن و عفشتها اطرى , و الهاي لاين ثباتها احسن و شكلها اشيك
مش عارف بقى الكلام ده في الميجان بس ولا في كل العربيات

ماهو ده اللي غايظني -_-

-

-

-

الموضوع: معلومة عالماشي .... و استنكار !! - ميجان2

LinkBack

أدوات الموضوع

عرض

-

-

-

-

المواضيع المتشابهه

سؤال عالماشي لوحوش المازدا

بمناسبة الي بيحصل ,, نكتة عالماشي ( هم يضحك )

كام نكتة عالماشي !! (وائل عطية)

الكلمات الدلالية لهذا الموضوع

المفضلات

المفضلات

ضوابط المشاركة