الموضوع: انا مخنووووق جدا ، رخصى اتسحبت

من كام يوم كدة كنت كاتب موضوع عن رخصة القيادة اللى اتسحبت منى ، ومن ساعتها وانا دايخ عليها ، لفيت مرور مدينة نصر/المعادى/المعادى 77 ومفيش كل قسم يقوللى الرخصة مجتش ، طب هى فين؟ محدش عارف !! وأدينى ماشى بوصل لغاية ماستلمها بس فيه مشكلة إن الوصل مدته انتهت اللى هى اسبوع !!! طب انا لو اتمسكت فى كمين تانى وقاللى الوصل مدته انتهت هعمل ايه يعنى هدفع 50 جنيه تانى ولا ايه؟ ودة ذنبى يعنى؟.

وانا رايح الكلية انهاردة ، لاقيت كمين عالاوتوستراد كالعادة ، وقفنى على جنب وخد رخصة العربية اللى انا لسه مجددها اصلا فى نفس اليوم ، وراح مديها للظابط ، نزلت للزفت ، فى ايه ؟ ، أمن ومتانة !!!! ، أمن ومتانة ايه ؟ مانا كمان مش فاهم حاجة ، قاللى الفانوس الامامى عندك مكسور !!! ، سبحان الله بقالى شهر بعدى على نفس الكمين وعمر حد وقفنى عشان الفانوس كل مرة يقوللى رخصك ويعدينى ، طب ادفعلك فورى ؟؟ ، لأ الأمن والمتانة مفيهاش فورى والرخصة هتروح حلوان وبعدين تطلع على المرور التابع ليه !!!!!! ، آه يا ولاد ال **** ، يعنى انت غاوى تشحططنى يعنى ، الله يحرقهم كلهم بجاز وسخ ، دة ناقص يسحب المحفظة بالبطاقة بكارنيه الجامعة.

ياريت حد يساعدنى ويفهمنى عشان انا محتاس !!!!

* هى دى كانت أمن ومتانة فعلا ولا تلاكيييك؟؟؟ الفانوس شغال وبينور وتمااام ، الإزاز بس اللى فيه جزء مكسور.

*بالنسبة لرخصة القيادة ، الوصل اللى انا ماشى بيه مدته خلصت وانا لسه مجبتش الرخصة عشان كل مرور يبعتنى للتانى ويقول مش عندى !!!!!! ياترى اتصرف ازاى لو وقفت فى كمين تانى وقالى مدة الوصل انتهت ، ايه هيسحب العربية يعنى ولا ايه؟

* أروح بكرة مرور حلوان ولا هتسوح وأروح عالفاضى؟
* غرامتها كام الأمن والمتانة دى؟
* لازم أصلح الفانوس قبل ماخد الرخصة؟ دانا لسه كنت رايح اصلحها يوم السبت الجاى دة ايه القرف دة بس.
* مش المفروض قانونا ً إنى لما أطلب الدفع فورى يرجعلى الرخص؟ ولا لازم يبهدلنى وألف عليها عشان أخدها؟
* هو انا لو كان ابويا لواء كان الحيوان د عرف يسحب الرخص؟ ، ربنا ياخدهم كلهم.

انا ماشى بوصلات يا جدعان معييش رخص !!!!!!

المشاركة الأصلية كتبت بواسطة ihab

و بالنسبة لرخصة العربية لازم تغير الفانوس و تروح تعمل فحص فنى فى المرور و تأخذ الرخصة

وهدفع غرامة كام؟