تطبيق وصيه المتوفى

**هيثم مجدي** · 31-08-2014 09:35 PM

المشاركة الأصلية كتبت بواسطة بحار

الوصيه فى التلت فقط وكده الوالد وصى بالدورين وهما كل ماتبقى له .. راجع الافتاء وممكن تتصل بيهم بدون عناء المشوار

حسب ما فهمت ان والدهم ملوش حق في انه يورثهم شئ, لأنه لا يملك ذلك
هو طلب منهم تفضلا انهم يتنازلوا عن نصيبهم اللي لهم الحق فيه بناء على مشاركة والدتهم . الموضوع مش محتاج افتاء لو انا فهمته بشكل صحيح.

**S O P H O S** · 02-09-2014 12:36 AM

انا مش عاوز احكم لانه ده شئ شخصي
وبيفرق من شخص للتاني
بس لو انا قادر عالمعيشة هتنازل لاخوتي الاصغر
انما لو محتاج فلوس هفكر اعرض الموضوع علي اهل الخبرة
ويقول رأيهم وايا كان هنفذه
وربنا يهديكم للقرار السليم الي ميبعدكوش عن بعض

**Karim Alaa** · 02-09-2014 01:05 AM

بعيدا عن كلمه وصيه والدك قال "اتمنى" امنيه مش وصيه وصيه دى يعنى يقول ده ليه كذا و ده ليه كذا و عليه والدك موصاش و الدك تمنى عليك انت و اخوك شىء تقدر تنفذه اكراما ليه و لرغبته او متعملوش حسب الموقف اذا انت محتاج الفلوس حقا يبقى غصب عنك و تاخد نصيبك لو فعلا مش محتاجهم يبقى امنيه والدك الى عملك هو و والدتك كل ده و شراء موده الاخوه على المدى الطويل تستاهل كتير خصوصا ان زوجه والدك مش دايمالك و الدايم هو الاخوه و الدم

و عليه لا اعتقد اطلاقا ان الموضوع ليه جانب شرعى او دخل فى الوصيه من اى جانب اتمنى دى مش وصيه يا اخى العزيز

**khaled_sabry** · 02-09-2014 09:32 AM

عذرا على تأخرى فى الرد و شكر كل المداخلات القيمه بدون استثناء

المشاركة الأصلية كتبت بواسطة هيثم مجدي

حسب ما فهمت ان والدهم ملوش حق في انه يورثهم شئ, لأنه لا يملك ذلك
هو طلب منهم تفضلا انهم يتنازلوا عن نصيبهم اللي لهم الحق فيه بناء على مشاركة والدتهم . الموضوع مش محتاج افتاء لو انا فهمته بشكل صحيح.

المشاركة الأصلية كتبت بواسطة karim alaa

بعيدا عن كلمه وصيه والدك قال "اتمنى" امنيه مش وصيه وصيه دى يعنى يقول ده ليه كذا و ده ليه كذا و عليه والدك موصاش و الدك تمنى عليك انت و اخوك شىء تقدر تنفذه اكراما ليه و لرغبته او متعملوش حسب الموقف اذا انت محتاج الفلوس حقا يبقى غصب عنك و تاخد نصيبك لو فعلا مش محتاجهم يبقى امنيه والدك الى عملك هو و والدتك كل ده و شراء موده الاخوه على المدى الطويل تستاهل كتير خصوصا ان زوجه والدك مش دايمالك و الدايم هو الاخوه و الدم

و عليه لا اعتقد اطلاقا ان الموضوع ليه جانب شرعى او دخل فى الوصيه من اى جانب اتمنى دى مش وصيه يا اخى العزيز

ده فعلا اللى حصل - هو ماقلهاش بصيغه امر هو قالها بصيغه تمنى لإشفاقه على اخواتى الصغيرين من صعوبات الحياه من بعده (مع العلم بإن سعر العقار تضاعف بعد الوفاه - مما يعنى ان انصبتهم الشرعيه الان اصبحت جيده من وجهة نظرى )
الوضع من الناحيه الرسميه لا يعتبر وصيه - بس احنا اعتبرناها كده - و برضه اخى الاكبر اتصل بدار الافتاء و تأكد من ذوى العلم ووصل الى انه لايجوز تنفيذ الوصيه (لو اعتبرناها وصيه) شرعا و لكن يجوز تنفيذها عن تراضى
فهو كان سؤالى من الناحيه الاجتماعيه اكثر من الناحيه الشرعيه او القانونيه

خاصه انه بصرف النظر عن الناحيه الماديه شعرت ان موضوع التنازل حيسيب ترسبات فى النفس لدى انا و اخوتى الاخرين المتنازلين و ده لاحظته بقوه فى خلاف سابق بين شقيقى و زوجه ابى
فعلى ايه نقعد على قنبله موقوته - بلاها احسن

المشاركة الأصلية كتبت بواسطة باسم يوسف

انا شايف انكو تبيعو العقار كله بالارض و كل واحد ياخد نصيبه بما يرضي الله علي حسب الشرع

و انسي موضوع وصيه الوالد الله يرحمه خصوصا انها غير مسجله في الشهر العقاري اساسا

و انتو اصلا اخوات في بعض و مفيش داعي تعملو مشاكل بسبب الفلوس عشان متخسروش بعض

هو احنا فعلا قررنا اننا نبيع الشقق المشتركه و توزيع انصبتها بشكل شرعى - المشكله فى زوجه ابى اللى معتبره ان الشقق المشتركه دى هى شقق اولادها فقط و اننا اخدنا انصبتنا مسبقا فى ورث والدى من الشقق اللى باعها ووثقها بنفسه لينا فى حياته على الرغم من اعلانه سبب البيع (تقديره فى ورثنا من والدتى المتوفيه لى و لشقيقى و ضمان حق اخى الاكبر اللى بنى بفلوسه ) فى اكتر من مناسبه امامها

المشاركة الأصلية كتبت بواسطة هيثم مجدي

لو هتشتري اخواتك بتنازلك دا . يبقى اخواتك أولى من الفلوس مهما كانت.
لو انت مش هتعرف تعمل كدا و هتفضل طول حياتك تندم بسبب تنازلك وممكن يدفعك دا للعوز أو للندم. يبقى اديهم نصيبهم الشرعي

علاقتى باخوتى فوق الممتازه و معتقدشى انها حتتأثر بقرارى على الاقل مش فى المدى القريب (ممكن تتأثر بعد مده لو امهم لوثت عقلهم و اظهرتنى فى دور مغتصب حقوق اليتامى ) - لكن اللى تقريبا حتدمر علاقتى بيه هى زوجه ابى - و هى لسه متصله بيا امبارح و بتقولى انها حتعرض الموضوع على محامى و لو قالها ان لدى ابنائها حق لن تتردد فى المطالبه بيه و الوقوف فى المحاكم
مع العلم ان موقفها القانونى هش جدا و مافيش اساس اصلا ممكن تبنى عليه قضيه - بس نقول ايه - الطمع بقى

**amr011111** · 02-09-2014 10:04 AM

لو فعلاً الادوار اللى انتوا خدتوها بيع وشرا لان والدتك يرحمها الله ساهمت فى بنائهم بالكامل فلو ناوين توزعوا الدورين الاوليين على كل الورثه يبقى حاول تتاكد برضه من ان والدتك ساهمت بنسبة تمن الارض من الشقق ايضاً وليس البناء فقط بحيث تبقى القسمه قسمة العدل رغم انها مسجله ليكم بيع وشرا
وفى كل الاحوال عليك وعلى دار الافتاء المصريه

**احمد المصرى** · 02-09-2014 10:10 AM

ربنا يكون فى عونك قرار صعب وان شاء الله توصل للصح بس نصيحه ليك وانا عارف انك عاملها اساسا بس من باب تذكره اخ لاخوه خلى بالك على اخواتك دول اهم من الفلوس وربنا يخليكم لبعض

**Abo Yasso** · 02-09-2014 10:17 AM

قضيه ايه اللى ترفع مرات والدك !!!!!!!هو فين القضيه انت بتقول ان كل حاجه متباعه سواء الدور الخامس او الثالث والرابع بيع وشر من والدك ليك ولآخوك
بص المحامى اللى هيقبل القضيه دى يبقى عاوز قرشين منها ويقعد يلعب بقى والموضوع ياخد وقت ويفضل يشد فى فلوس

**khaled_sabry** · 02-09-2014 10:33 AM

المشاركة الأصلية كتبت بواسطة Abo Yasso

قضيه ايه اللى ترفع مرات والدك !!!!!!!هو فين القضيه انت بتقول ان كل حاجه متباعه سواء الدور الخامس او الثالث والرابع بيع وشر من والدك ليك ولآخوك
بص المحامى اللى هيقبل القضيه دى يبقى عاوز قرشين منها ويقعد يلعب بقى والموضوع ياخد وقت ويفضل يشد فى فلوس

الموضوع فعلا اهبل
القصه اننا فى الفتره اللى قررنا فيها ننفذ وصيه والدى عليه رحمه الله كتبنا عقد (عقد قسمه و تراضى) بس العقد ده فيه الادوار متلخبطه (يعنى مكتوب فيه ان الشقه بتاعتى هى الدور الثالث بدلا من الدور الرابع و شقيقى الثانى بدل الثالث و الشقه الورث تبقى الرابع بدلا من الثانى )
و العقد ده ما اتعملوش صحه توقيع و لا اي حاجه و اخى لغى تسجيله ولم يتم تسجيله اصلا

بس للاسف اكتشفنا ان زوجه ابى معاها اصل من العقد ده عليه توقيعنا

لكن بعد كده اخى الاكبر عمل حكم محكمه بالقسمه الشرعيه
و انا امبارح سألت محامى قالى ان العقد اللى معاها مالهوش لزمه خاصه انه غير موثق و مافيش منه خطوره طالما عملت حكم محكمه القسمه الشرعيه

فهى قالتلى انها حتاخد العقد ده و تروح بيه للمحامى و يقولها اللازم

**mohamed_selim** · 02-09-2014 10:44 AM

باشا طالما علاقتك مع اخواتك كويسه طلع مرات ابوك من الكلام و اتكلم معاهم و فهمهم الوضع عشان ميحسوش انهم مظلومين
رأيى ان من حقكم الميراث يتوزع بالشرع بس مفيش مانع انكم من باب الهديه و تنفيذ امنية الوالد الله يرحمه ان اخواتك ياخدو جزء اكتر شويه ... يعنى مثلا لو نصيبهم 700 الف زى مانت بتقول مفيش ما يمنع انك و اخوك تتنازلو شويه و توصلوه لمليون مثلا بس الوصايه متكونش للام .... او المبلغ الزياده تحطوه وديعه باسمهم تحت اشرافكم و ده برضه تامين لمستقبلهم بس اتكلم معاهم كتير و فهمهم