الموضوع: تطبيق وصيه المتوفى

المشاركة الأصلية كتبت بواسطة عبدالحكيم

أنت تعرف أن الفلوس - كما يقول المثل - بتغير النفوس. أنت اسأل نفسك بتجرد: لماذا وافقت في البداية على بدء اجراءات تسجيل الدورين المذكورين لإخوتك ثم مع تعثر الإجراءات تغير موقفك؟ لا تقول لي بحجة تصرفات زوجة أبيك، بل الحقيقة هي: ارتفاع ثمن العقار..


لا أجادلك في حقك مطلقاً، بل أدعوك بأن تحسن إلى أرملة أبيك وأخويك الصغيرين مهما حصل.. لا تتخذ من كلامها الغاضب حجة للتشدد بل أنصحك بالتفكير في حل وسط يرضي جميع الأطراف، وأظن أن هذا الحل لن يخلوا ولو بقدر يسير من التنازل..

لا انكر ان ارتفاع ثمن العقار هو احد الدوافع و لكن بالتأكيد ليس الدافع الوحيد ولا اكبر دافع لقرارى - بالعكس هو يمثل 20% من نسبه باقى الدوافع بالنسبه الى على الاقل

اللى لاحظته فى خلال الفتره التى قررنا تطبيق وصيه (او امنيه ) والدى بإحساسى انا و اخوتى بالظلم و قد ظهر هذا جليا فى احدى المشادات بين شقيقى و زوجه ابى حيث انه فى قمة غضبه قام (معايرتها ) بإنه اعطاها من ماله
بالطبع هذا التصرف حدث فى لحظه غضب و لكنه يظهر عدم الرضى فى النفوس و لا انكر اننى ايضا كنت اشعر بالظلم خاصه مع عدم تهاون زوجه والدى فى اى حق من حقوقها مهما بلغ بساطتها (مثل مطالبتنا بمؤخرها الذى يبلغ 5 الاف جنيه بعد وفات ابى و و مطالبتى انا شخصيا بنصيب اولادها (9 الاف) فى سياره والدى القديمه التى احتفظت بها للذكري والدى ) و تذكيرنا فى اكتر من مناسبه بإنها مظلومه لإنه ليس لها نصيب فى التقسيم الذى قسمناه و الذى ذهب بالكامل لصالح ابنائها (كإنها تطالبنا بالتنازل بجزء من الشققه المسجله باسمائنا من قبل)
كل هذا و اكثر حدث فى فتره التى قبلنا فيها بالتنازل مما يؤكد وجود قنبله موقوته سوف تنفجر بيننا كإخوه فى المستقبل او حتى بين اولادنا فى ما بعد لإن مابنى على باطل فهو باطل
و لكن صدقنى - القيمه الماديه ليست هى السبب الرئيسى لإن شقتى فقط (ميراثى من والدتى) تكفى كل طموحاتى الماديه

المشاركة الأصلية كتبت بواسطة عبدالحكيم

لا أجادلك في حقك مطلقاً، بل أدعوك بأن تحسن إلى أرملة أبيك وأخويك الصغيرين مهما حصل.. لا تتخذ من كلامها الغاضب حجة للتشدد بل أنصحك بالتفكير في حل وسط يرضي جميع الأطراف، وأظن أن هذا الحل لن يخلوا ولو بقدر يسير من التنازل..

احنا فعلا طبقنا مبداء الاحسان معها - فوجدناها تعتبره حقها الشرعى و احيانا تتمادى و تدعى انها لاتزال مظلومه !!!!!!!

مثال علشان تعرف عقليتها
فى اخر مكالمه مكالمه منها حاولت ان تكون ضغينه بيني و بين اخى الاكبر بإدعائها بإنه ليس له حق تملك شقته (التى يملكها فعلا بعقد من والدى) لإنه هو قام ببنائها فقط و بالتالى من المفروض ان شقته تدخل فى الارث و يخصم منها فقط ثمن تكاليف البناء التى دفعها اخى مسبقا !!!!!!!!

سابقا برضه جعلت نفس هذا الاخ يعتقد انه لانصيب لنا فى البيت لإن والدى قد بنى الشقتين (عن ارثنا من والدتنا ) من ماله الخاص و ليس من مال والدتى !
فمثلا بفرض ان والدتى قد ساهمت بمبلغ 10 الاف فى سنه 1992 - ففعليا ثمن بناء الشقتين كان 30 الف فى سنه 2004 (سنه بناء الشقتين) مما يعنى اننى انا و شقيقى اخذنا فعليا اكثر من حقنا (طبعا هى تجاهلت ارتفاع الاسعار و التضخم و ارثى من جدى و جدتى فى مرحله لاحقه و معاش والدتى نفسها و العديد من العوامل الاخرى )
و هكذا لو فتحت لها باب الجدال تجد نفسك تسقط فى دوامه من المغالطات و المجادلات تجد انك تفقد بها اى حقوق لك

اولا اخوك لايملك الدور الخامس ولكنه يملك المبانى فقط وليس قيمة الشقة علشان الشقة ليها حصة فى الارض و مينفعش يدخل شريك فى الارض لانه بنى الشقة يعنى لو حتبيعو العمارة حيتعوض مثلا ب 100 الف ثمن مبانى الشقة .

ثانيا لو والدتك ساهمت بالنص مثلا فى شراء الارض وبعدين والدتك توفت انت واخوك ملكوش نصيب والدتك كله
انت واخوك ليكم ثلاث ارباع نصيبها و الربع لوالدك يعنى كده والدك له 5/8 من البيت و انت واخوك ليكم 3/8 من البيت وبعد وفاة والدك المفروض ال 5/8 دول يتقسمو عليك انت واخواتك مراتك والدك ليها 1/8 و الباقى ليكم للذكر مثل حظ الانثيين
يعنى زوجة والدك تاخد 7% من اجمالى البيت والباقى ليكم .

اعتقد ان ده حق ربنا ان اخوك ملوش غير ثمن المبانى مش ثمن الشقة لانه لو دخل شريك فى المبنى حيبقى قبل اى حاجه اخد الخمس وده مش حقه . ثانيا لاتنس ان والدك له ميراث فى المبنى من نصيب والدتك وبعد وفاة والدك اصبحتم كلكم شركاء فى هذا النصيب .

ارجو ان الموضوع يكون بقى واضح و طبعا دى مش فتوى . والله اعلم

نسيت اقول لك ان والدك قال اتمنى واعتقد انها مش وصية ولكن يتمنى انك تعمل كده .

وحتى لو وصية لاتجوز للوارث ( لا وصية لوارث ) . يعنى لو حد حيورث اصلا مينفعش ياخد حاجه تانية موصى بها . لو كان عاوز يديه كان اداه وهو عايش .

المشاركة الأصلية كتبت بواسطة ahmed abdkarim

اولا اخوك لايملك الدور الخامس ولكنه يملك المبانى فقط وليس قيمة الشقة علشان الشقة ليها حصة فى الارض و مينفعش يدخل شريك فى الارض لانه بنى الشقة يعنى لو حتبيعو العمارة حيتعوض مثلا ب 100 الف ثمن مبانى الشقة .

ثانيا لو والدتك ساهمت بالنص مثلا فى شراء الارض وبعدين والدتك توفت انت واخوك ملكوش نصيب والدتك كله
انت واخوك ليكم ثلاث ارباع نصيبها و الربع لوالدك يعنى كده والدك له 5/8 من البيت و انت واخوك ليكم 3/8 من البيت وبعد وفاة والدك المفروض ال 5/8 دول يتقسمو عليك انت واخواتك مراتك والدك ليها 1/8 و الباقى ليكم للذكر مثل حظ الانثيين
يعنى زوجة والدك تاخد 7% من اجمالى البيت والباقى ليكم .

اعتقد ان ده حق ربنا ان اخوك ملوش غير ثمن المبانى مش ثمن الشقة لانه لو دخل شريك فى المبنى حيبقى قبل اى حاجه اخد الخمس وده مش حقه . ثانيا لاتنس ان والدك له ميراث فى المبنى من نصيب والدتك وبعد وفاة والدك اصبحتم كلكم شركاء فى هذا النصيب .

طبعا احى حضرتك على المشاركه دى
لكن مع احترامى ليك حضرتك وقعت فى نفس الفخ اللى مرات والدى بتحاول تجرنا فيه و هو تحليل تصرفات والدى فى حياته

هو كان (عليه رحمه الله) كان بيحاول يوفى حقوقنا قدر استطاعته فى حياته - لو كان اخطاء فى التوزيع فده كان عن غير قصد
فبالنسبه لموضوع ورثى من والدتى زى ماقولتلك من الصعب حسابه اصلا بالمنظر اللى بتقوله لإن وفاتها كانت قبل وفاته ب 19 سنه حصلت فيها احداث كتير انا شخصيا ماعرفهاش و بتفاجئ بيها و زى ماقولت سابقا دخل فيها ورثى انا شخصيا من جدى و جدتى و فيه معاملات ماديه كتير اوى و انا نفسى ماعرفشى مدى الشراكه اللى كانت بينهم ايه بالظبط علشان اتكلم بشكل دقيق كده لإن مش كل التعاملات الماديه بنهم كانت موثقه
يعنى انا شخصيا كنت لظروف معينه واخد من زوجتى مبلغ 40 الف و لغايه الناهرده مارجعتهاش - هل لو زوجتى دى اتوفت و انا تزوجت باخرى مش حيبقى دين عليا انى ارد المبلغ لاولادها حتى لو خصمت نصيبى فيه !! على الرغم انه غير مكتوب اساسا

اما بالنسبه لشقه اخى الاكبر - لو طبقت النظريه اللى بتقولها يبقى المفروض نبقى ماسكين ورقه و قلم و نشوف كل قرش دفعه لاى حد من اولاده من اول لما اتولد لغايه لحظه وفاة والدى و نقول مين اللى اخد اكتر من التانى

شوف الموضوع بسيط - وقت ماهو اتوفى كان يملك ايه و باع ايه
هو باع الشقق (بصرف النظر عن الاسباب) قبل وفاته ب 6 سنين - و كان قادر على التراجع عن الخطوه دى طول ال 6 سنوات
وبالتالى صعب دلوقتى انى اقول والدى كان المفروض يعمل ايه و مايعملشى ايه و اللى معترض دلوقتى (اقصد زوجه والدى) ما اتكلمتشى ليه مع والدى فى حياته - ماهو كان فيه فرصه 6 سنين
و بالتالى ممتلكات والدى وقت وفاته كانت ايه - الدور الاول و الثانى فقط , خلاص نقطه و من اول السطر . و مانقدرشى نتكلم فى الحجات اللى باعها (بصرف النظر عن باعها لمين و لا ليه) ياسيدى افترض انه باع الشقق دى لحد غريب علشان تتخيل ابسط