عرض للطباعة
معلومه هامه من داخل توكيل مرسيدس ان العربيات السي الجديده ١٨٠ جابت طرمبه بنزين وفي سته عربيات غيروها في القاهره بس برده التوكيل بيحطلك نفس الطرمبه تاني الي هيا مش بتستحمل البنزين الرائع بتاعنا ال ٩٢ وبتتحرق ودلوقتي التوكيل وهو بيسلمك العربيه بيمضيك حاجه شبه الاقرار كده تفيد علمك بان السياره يجب ان تستخدم لها بنزين 95 عشان الشركه تخلي مسؤليتها ومتجيش تعيطلهم تاني والمعلومات دي والله من مهندس في الشركه وممكن يكون حضراتكم سمعتم عنها فعلا لذا لزم التنبيه
طرمبة البنزين ملهاش علاقه بأوكتان البنزين
طلمبة البنزين دي موتور بيشفط البنزين من التانك يوصله للموتور ... ملهاش اي مهمة تاني غير دي ... ولا ليها اي علاقة بالاوكتان
واللهي با بهوات انا واللهي قلت الي سمعته من مهندس في التوكيل بكل امانه انما المسائل الفنيه دي انا مبفهمش فيها
شكرا لك على نقل المعلومه ...
الموضوع مش مستاهل اى مسائل فنيه لان كما وضح الاخوه ... ان طرمبه البنزين ليس لها اى علاقه بالاوكتان او نوع البنزين ... يعنى تشتغل على اى حاجه سائله حتى لو ميه ...
الى له علاقه بالاوكتان هو نسبه الانضغاط فى الموتور نفسه compression ratio ...
من الواضح انه يوجد عيوب فى الطلمبه ...
تحياتى ...
يا جماعة عندي وجهة نظر ممكن تخلي الكلام ده صح لو فيه سينسور على الpump هو اللي بيعمل مشكلة و مش مشكلة اوكتان طبعاً بيكون كوالتي البنزين ... لأن السينسور اكيد لن يستطيع تحديد الأوكتان في البنزين المستخدم ولكن ممكن بسبب رداءة البنزين يكون السينسور بيعمل على تعطيل ال pump او ايقاف عملها وبالتالي كفائتها بتقل وهما مش بيلاقوا حل غير تغيرها وده ممكن يكون بسبب تكنولوجيا ال blue_efficiency واللي بيتم تطويرها بواسطة مرسيدس للحفاظ على البيئة لضمان ملائمة العوادم للبيئة ... طبعاً كل الكلام ده اجتهاد شخصي وليس بناءاً على معلومات ... مجرد افكار للحوار والمناقشة.
طيب ده يودينا لسؤال و هو ايه علاقه رقم الاوكتان بكواليتي البنزين او نظافته يا فندم؟ ال ٩٥ ممكن يبقي فيه شوائب او مغشوش زيه زي ال ٨٠ و ال ٩٢ . ده حتي لو غشوا فيه هيكسبوا اكتر لانه أغلياقتباس:
المشاركة الأصلية كتبت بواسطة moodymooner
واضح ان انا معرفتش اشرح وجهة نظري ... انا بتكلم على عطل ال pump مش على رقم الاوكتان يعني فعلاً رقم الاوكتان مش هو السبب الرئيسي ولكن جودة الوقود بشكل عام هيا السبب ... وزي ما حضرتك بتقول ان كل انواع الوقود عندنا سيئة بسبب عوامل كثيير فطبيعي هيبقى اقلهم سوءاً هو البنزين ال ٩٥ اللي ابتدي الناس في التوكيل يوجهوا ملاك العربية ليه ... يعني قصدي اقول ببساطة كده ان ده احسن نوع متوفر حالياً في السوق فهيقلل الاضرار . وبأكد تاني دي وجهة نظري المتواضعة لتفسير المشكلة لو صحت و خاضعة للنقاش والمراجعة.اقتباس:
المشاركة الأصلية كتبت بواسطة Land_Cruiser
لأ يا فندم وجهه نظر حضرتك واضحه . اللي انا قلته و باكرره لحضرتك ان ال ٩٥ مش دائما الاقل سوءا و لا حاجه و مش علشان غالي يبقي نظيف. في اعتبارات كتير بتدخل في الموضوع و بتؤثر علي درجه نقاء البنزين منها كميه الشوائب المترسبه في تنكات البنزين الموجوده في البنزينات خاصه لو بتمون قبل ما التنكات دي تفضي وممكن لو بتمون الصبح بدري يجيلك مياه مع البنزين ده غير بقي لو كانت البنزينه نفسها بتغش في البنزين و بتخلط معاه اي سوائل تانيه زي التنر او الجاز و ما خفي كان اعظم و منطقي ان اللي بيغش مش هيفرق معاه رقم الاوكتان لانه عايز مكسب سريع و خلاص .يعني ممكن تلاقي في بنزينه معينه ان البنزين ال ٩٢ انضف من ٩٥ في بنزينه تانيه مثلا او ممكن العكس و ده يؤدي في الاخر انه لا يجوز التعميم بأن ال ٩٥ انضف من ال ٩٢ و ده بالاضافه الي ان محدش هيحط رقم أوكتان اعلي و اغلي لمجرد انه انضف يعني ببساطه ممكن يبقي يجرب يحط من بنزينه تانيهاقتباس:
المشاركة الأصلية كتبت بواسطة moodymooner
كلام صحيح ... الموضوع يتلخص فى غش البنزين و اضافه مياه او مواد اخرى ... و كذلك نسبه نقاءه ...اقتباس:
المشاركة الأصلية كتبت بواسطة land_cruiser
وعن تجربه الاسبوع الماضى .. و انا بحط ٩٢ فى الفلوانس بعد ملو ٣٠ لتر المضخه وقفت لان التنك خلص !!!
و انا مكمل مشوارى لاحظت ان الاداء قل و فيه كركره خفيفه على السرعات المنخفضه .. و فضلت كدا كام يوم ...
ده طبعا بسبب الرواسب و الشواءب ... وطبعا بعد ما البنزين خلص و مونت تانى ... العربيه رجعت طبيعى مثل الاول ...
تحياتى ...
معلومة ان التوكيل يمشى الناس على إقرار باستخدام gasoline RON 95 صحيحة ١٠٠٪ للأسف و ذلك لإخلاء مسؤليتهم فى حالة حدوث مشكلة فى الموتور
السؤال هنا، هل فيه حد قرا الmanual و شاف الgasoline المفروض استخدامه فى تلك السيارة؟ لانه فى حالة انه يقبل RON 92، هيكون ده اسمه غش تجارة و فى الحالة دى لازم شوكتهم للشركة الام بألمانيا، انا لو مكتوب RON 93 على الأقل، يبقي معهم الحق
اصل كده العربيه مش حتنجح النجاح المتوقع مين يقدر يفول ب ٤٠٠ او ٥٠٠ جنيه مش اي حد يقدر لى كده وبالتالي لازم يشوفوا حل للموضوع ده
طب ظروف e200 اية بقا الواحد كدة يقلق
كل العربيات ال ميرسيدس الجديدة ROn 95 و فيه إقرار بكده
الكلام الي حضرتك قولته في مجمله صحيح ، أنا لسه جاي من توكيل مرسيديس من ساعتين ، أصلنا حجزنا c180 و المفروض هنستلم كمان كام يوم، لما سألنا المهندس هناك عن مشكلة البنزين دي و إننا سمعنا شائعات عن الموتور قالنا : المواتير الجديدة كلها تيربو ، و نسبة الأحتراق فيها عالي جدا ، و ده بيخليها ما تستحملش شوائب أو بنزين الأوكتان نمبر بتاعه قليل ، و عشان كدة لازم تستخدم بنزين ٩٥، و أن في حالة أنك مثلا أستخدمت بنزين ٩٢ و حصلك مشكلة فهما يعرفوا من التحليل عندهم ... و أداني مثل أن في واحدة حطط بنزين ٩٢ في cla 180 و العربية جابت موتور !!!!!! و لما كشفوا على البنزين لقوه مغشوش و هو ٨٥ !!!!! و الموتور ثمنه ١٥٠ الف جنيه العميل بيدفعهم !!!!!
و في الأخر نصحنا بأستخدام ٩٥ من بنزينات معروفة و موثوق فيها !!!!!
عليه العوض طيب اشمعنا البى ام وبرضه فيها تربو صامده ومفيش منها مشاكل
ونسبة انضغاط السى كلاس الجديده كام ؟؟