السلام عليكم ورحمة الله
الرجاء من لة تجارب شحن حاويات من الصين يقول انا عارف ان كتير هنا لهم شغل مصانع و تجارة واكيد عارفين في الحاجات دى
الفكرة ان عايز اجيب حاوية من الصين جوانتي مطاط وواخد الايزو والشهادات الجودة
الكونينر حيكون 20 قدم
غير كدة معرفش حيتكلف كام شحن
لانى سمعت ان وزن الحاوية بيتحسب و نوع البضاعة بيتحسب
وهل نطلب السعر fob ولا اية
ولا الكلام دة بيكون مع مكاتب تجارة ؟
والتخليص الجمركي اية نظامة
الرجاء الافادة وبارك الله لكم
انا مشحنتش
بس اقدر اقولك لغايه الناس ما تدخل
-سعر الشحن متغير تماما وغير ثابت وتبعا لاسعار البترول والمواسم زى رمضان الاسعار بتزيد
-اه ممكن وزن البضاعه يكون له عامل لكن لو البضاعه تقيله جدا وفى حالتك اعتقد متعملش وزن
-اهم شهاده معترف بها لدى الحكومه المصرية ciq ودى سهله جدا هناك وهما عارفينها
-لو الصفقه مجازية معاك حاول تسافر ومن خلال مكتب تزور المصانع وتحاول توصل لاقل سعر لان اغلبيه المصانع هناك شركات عاملين مصانع وفى منهم اللى متعاقد مع مصنع صوريا عشان اما تيجى تلاقيه مصنع زى بلدل يا بيه بسعر المصنع بتاعه وسط البلد....ولو تقدر توصل لمصانع بنفسك وتاخهد مترجم يبقى احسن وتوفر المكتب لانه بياخد من 3-5 فى المئه
-لو فيها مكتب يبقى هو يمسكلك كل ورقك كشهاده الجوده ciq وبلد المنشأ والشحن ...الخ
-لو السعر فوب يبقى مش هتحتاج المكتب اوى بس كمبتدأ دور على مكتب احسن
اقتباس:
المشاركة الأصلية كتبت بواسطة mk3
من ناحية مبتدئ فمبتدأ جدا عشان كدة قلت اسألأ اصحاب الخبرة واللى لة تعامل مع مكتب يرشحللى مكتب رجاء
هو تقريبا بيبقي في حدود كام الشحن ال 20قدم
السعر متغير بمعنى الكلمة
سعر 15-8-2014 من شنزن الى السخنه 1450 دولار للكونتينر ال 20
دة كدة نص المكسب حيروح شحن و جمارك !!
يبقى تأجلها شويه لغايه ما تقدر تجيب حاويه 40 او تجيب رساله عده حاوياتاقتباس:
المشاركة الأصلية كتبت بواسطة ashouhdy
ومش شرط دلوقتى ممكن ادام
المبلغ اللى معاك يجبلك سعر دهب من المستورد الكبير فى مصر وبدون استيراد ولا حرقه اعصاب ولا تحويل فلوس ولا السعر اتغير ولا قرف الاستيراد ولا طلعوا نصابين .....الخ الخ
العبره امسك سعر مش ابقى مستورد واخسر يا فرحتى
المستورد الكبير مربط مع الموزعين بتوعة وحاطين مكسب 400% عالكرتونة :(
نصابين.
اوردلك وحجمه اللى تعملك موزعاقتباس:
المشاركة الأصلية كتبت بواسطة ashouhdy
ومفيش حاجه اسمها نصابين بعد اذنك كله لازم يلتزم
اية اللي يلزم اي مستورد انة يلتزم بسعر معين
هل في ضوابط او شروط
انت عارف ان تجار الادوات الطبية دول اباطرة و مليونيرات مثلهم مثل تجار الحديد.
الحاجة اللي بشتريها منهم ب 150 جنية تمنها علي باب المصنع مش fob 1.75 دولار
تفتكر شحن و جمارك يخليها تبقي لل مستخدم الاخير ب 150 جنية
Sent from my SM-C115 using Forum Runner
اقتباس:
المشاركة الأصلية كتبت بواسطة ashouhdy
لا انت فهمتنى غلط :alien21:
كله لازم يلتزم بالسعر العالى :helloogreen:
خلي اول كونتنر ده تجربه و افرش السوق
لونجت هيبقا ليك حلين
يا هيخدوك تحت جنحهم وتشتغلو سوا يا هيحربوك
انا راي لوعندك التاجر اليشيل هات الكونتنر و اكسب قليل وهتجر بعضها
سعر الشحن قريبا كان 1650 دولار للعشرين
الله ينور عليكم
انا حنزل شركات شحن و تخليص جمارك في اسكندرية وافهم منهم محتاجين شهادات اية
غير كدة هل محتاجين سجل تجاري
و ياريت حد يفهمني معني الكلام دة اية
Terms and Conditions:
1) Payment: Irrevocable L/C at sight; or 30% Advance Payment, 70% upon presenting B/L copies
**Must receive L/C or Advance Payment as confirmation of order.
Sent from my SM-C115 using Forum Runner
1 شركه استيراد ورقها سليم لدخول الشغل
2- شركه شحن وتخليص محترمه زى اكيو لاين فى الشغل الكبير ده
http://www.eculine.net
3- CIQ + Original Invoice + Packing List
ونصيحه اخيره هات عينات من 3 الى 4 قطع وروح هيئه العرض فى الجمرك وشوف الحاجات ديه هتاخد عرض صحى ولالا قبل ماتجيب الشغل ويقف منك فى المينا وتفضل تدفع ارضيه وهتلاقى نفسك مش كسبان حاجه خالص بل ممكن تخسر جامد
وربنا يوفقك ان شاء الله فى شغلك
اقتباس:
المشاركة الأصلية كتبت بواسطة ashouhdy
الدفع: عن طريق اعتماد مستندى غير قابل للإلغاء (يتم الدفع بمجرد تقديم مستندات الشحن)
او 30% دفعة مقدمة والباقى عند تقديم صور بوليصة الشحن.
يجب استلام اخطار الاعتماد المستندى او التحويل المقدم لتأكيد الاوردر
يا دكتور الحاوية ال20 قدم بتشيل لحد 27 طن (المهم حجمهم يناسب حجم الحاوية)
حضرتك لما بتحجز حاوية بتكون يا اما FCL full container load يا اما LCL less container load
معنى FCL ان الحاوية شايلة بضاعتك انت فقط حتى ولو شايلة طن واحد.
معنى LCL ان الحاوية شايلة بضاعتك وبضاعة ناس تانية (بيجمعوا بضائع من الشاحنين لحد ما يكمل وزن الحاوية وتتشحن) وكل واحد بيدفع على حسب وزن او حجم شحنته
فنصيحتى ليك انك تشوف مكتب شحن فى الصين وتشحن البضائع LCL ها يكون اوفرلك ما تدفع تمن الحاوية كلها وانت بضاعتك وزنها قليل.
الشحن البحرى بالمتر المكعب وليس بالوزن.اقتباس:
المشاركة الأصلية كتبت بواسطة damasry
متابع
جرب في lcl يااحمد الاول عشان متلبسش في الحيط ولو خسرتمش هاتخسر كتير وبعد كدة هات الكونتينر
متغامرش بكونتينر موظف سخيف يوقفهولك
مصيبة
بكلم المورد الماليزي و قلت بلاش الصين عشان اضمن جودة عالية
اداني سعر عجيب اغلي من هنا بدون ما نضيف شحن و جمارك و موزعين الخ. ..
الشحنة كانت علي جوانتي طبي Latex و اللاتيكس دة مادة مطاط عازلة.
المهم
راسلتة تاني و قولتلة اية ياعم السعر دة ... دة هنا بيتباع كذا.
قاللي دة سعر ال copy latex و موجود لو عايزة.
حتي الجوانتيات الطبية كوبي ! و بعدين بنسأل هي البلد مش بتتقدم لية
انة الجشع والفساد يا سادة.
Sent from my SM-C115 using Forum Runner
حضرتك لو موش معاك سجل مستوردين يبقى ها تستورد عن طريق مكتب وهاياخذ عمولة تقريبا 5 % وهو هايعمل كل حاجة وهاتبقى الشحنة كدة باسمة
سعر شحن الكونتنر 20 قدم 1700 $ سعر الشهر الماضى
حضرتك شوف مكتب امين وهو يعمل كل حاجة وطبعا مستخلص جمركى
اهم حاجة اطلب عينات علشان تتاكد من جودة المنتج
ياترى دة مصنع ولا تاجر خذ بالك من كدة ممكن يكون نصاب
علشان تتاكد من المعلومة دى ممكن افيدك اكتر لو حبيت
حضرتك لو موش معاك سجل مستوردين يبقى ها تستورد عن طريق مكتب وهاياخذ عمولة تقريبا 5 % وهو هايعمل كل حاجة وهاتبقى الشحنة كدة باسمة
سعر شحن الكونتنر 20 قدم 1700 $ سعر الشهر الماضى
حضرتك شوف مكتب امين وهو يعمل كل حاجة وطبعا مستخلص جمركى
اهم حاجة اطلب عينات علشان تتاكد من جودة المنتج
ياترى دة مصنع ولا تاجر خذ بالك من كدة ممكن يكون نصاب
علشان تتاكد من المعلومة دى ممكن افيدك اكتر لو حبيت
حضرتك اتأكد ازاى اذا كان مصنع ولاتاجراقتباس:
المشاركة الأصلية كتبت بواسطة dedi
و الله يا جماعة انا مش عارف اقول اية
الناس هنا كنوز
انا عامل اكتب وراكم
dede
حبعتلك عالخاص و قولنا برضوا بتعرف منين هنا يمكن نستفيد بخبرتك
fcl انت كده كده دافع تمن الحاوية بس ليك ليمت للوزن ميعديش 27 طن وساعات بيوصل 28 طن.اقتباس:
المشاركة الأصلية كتبت بواسطة mk3
لو lcl يبقى ممكن بالحجم (المتر المكعب)
ازيك يا شهدى
انا كنت مشيت فى موضوع الاستيراد ده من فترة بس مكملتش بسبب الاحداث الكانت فى البلدو فحقلك على شوية حجات لازم تعرفها عن الصين عموما
- فى كتير نصابيين على فى alibaba و غيرهم اون لاين و النصب انه ممكن ياخد المقدم و ميوردش
- او يورد منج سىء جدا او مش مطابق للمواصفات لازم تعرف انت بتتعامل مع مين و مين زباينه لان الزباين بتديك فكرة عن الجوده.
- لازم تجيب عينات , ابعتله تمن الشحن من paypal و يبعتلك عينات ب EMS تشوفها بعينك
اياك تشترى عميانى لو طال ياخد المبلغ منك كله و ميبعتش حاجة يعملها
- انصحك فى الاول تشوف شركة محترمة هنا تخلصلك الورق لان CIQ فى منها مضروب و الجمارك هنا بتعلم على اليعمل كده, ليه بيضرب لان فى حجات بيكون تكلفته عالية و لازم المصانع نفسها تكون خاضعة لشروط معينة عشان ينفع يتعمل للمنتج بتاعه الشهادة
- اللاتيكس الطبيعى غالى مش رخيص لازم تقراء شوية فى الموضوع ده و يسلام لو عرفت تعتر على مصنع يكون ليه انتاج عالمى و معروف او يكون بيقفل منتج ليه اسم عالمى و بيكون اكتسب خبرة من الشركة دى.
- لو انت حابب موضوع الاستيراد ده يبقى جرب الاول حتى لو العائد المادى قليل او مفيش لان المكسب الحقيقى حيكون فى اكتساب الخبرة البعد كده تخليك تنزل البضاعة نضيفة و تعمل اسم.
الحجات الممكن تصدمك
- اغلب تجار الجملة مش بيشترى بضاعة كاش يعنى بتوردله و هو ينقطك انا معرفش الصيدليات و المستشفيات وضعهم ايه
- السوق المصرى اتعود على الرخيص و اول لما يشوف الحاجة النضيفة و سعرها اعلى يشك فيها ويقولك نصابيين.
موضوع مهم ومفيد جداً واعتقد هيكون مرجع لكل من يريد تجربة الاستيراد
جزاكم الله خيراً علي المعلومات والخبرات التي سيتسفيد منها الكثيرين
وبالتوفيق للجميع ان شاء الله