اصلاح سيارة بونتو كلاسيك بعد حادث مروع
تعرضت لحادث مروع بسبب واحد مستهتر ماشى بسرعة جنونية ... كنت ماشى على يمين الطريق وفى تريلا بتعدى من على شمالى وفجأة سمعت صوت فرامل جامدة ولسة بشوف فى ايه ورايا .... كان خبطنى جامد ودخلنى فى الرصيف اليمين وكمل هو لحد ما خبط فى الحاجز الأسمنتى اللى فى نص الطريق ... الحمد لله على كل شىء
طبعا كنت مصور لكم العربية لانه كان هيلبس اصلا فى التريلا وفى اخر لحظة كسر يمين فدخل فى عربيتى فى نص الشنطة ببوز عربيته الشمال ... طبعا ده دمر النص الخلفى كله عندى وطبعا هو بعد الحادثة ادعى انه تعبان وراح المستشفى مع انى انا ايدى الشمال اتفتحت عند الكوع من الخبطة واخدت عرزتين فيها بعدين وطبعا هو اختفى ولم يعود ولكنى عملت المحضر وربنا يوفقنى اعرف اجيب حقى منه على الأقل عشان الناس دى لازم تتربى وتعرف ان القيادة لها أصول لانها ممكن تضيع ارواح ناس.
معلش طولت عليكم .. كنت مصور لكم العربية بس للاسف الصور ضاعت منى ... والمشكلة دلوقتى انى محتاج خبراتكم فى البحث عن نص خلفى كامل لبونتو كلاسيك 2011 وخصوصا انى مش لاقيه فى الحرفيين او عزبة شلبى او الوكالة او حتى الكيلانى ... وفى الوكالة وجدت فقط نصف خلفى لبونتو كلاسيك 2008 فاضى وحاسس انه مختلف عن 2011 ولا ايه رأيكم يا خبراء البونتو ؟؟؟
الحمد لله دى نسخة من الصور ... انصحونى اشترى نص خلفى من فين ؟؟؟
http://nileup.com/up/uploads/nilemotors_14095229471.jpg
http://nileup.com/up/uploads/nilemotors_14095229472.jpg
http://nileup.com/up/uploads/nilemotors_14095229473.jpg
الحمد والشكر لله ... كما ينبغى لجلال وجهه وعظيم سلطانه :)
[justify]السلام عليكم يا أحلى وأجدع أعضاء بأقوى منتدى فى مصر فى مجال السيارات ،
الحمد والشكر لله كما ينبغى لجلال وجهه وعظيم سلطانه ... إستلمت عربيتى إمبارح من ورشة نايل موتورز ... وأحب أعرفكم ان التأخير ده كان بسبب قطع الغيار والعيد وأجازته الطويلة :shyy:
بجد انا مش عارف أشكر المهندس / كريم إزاى ... :120105~352:
ربنا يكرمه من أول يوم وإهتمامه بالعربية والمتابعة فى ظل مشاغله الكتير وكمان توصيته ومساعدته وانه كريييييم جدا لدرجة ان الورشة بدأت فى العربية وخلصتها سمكرة كاملة بدون ما يستلموا منى حتى عربون ... ربنا يكرمه كان مقدر ظروفى جدا ... وكمان ما شاء الله عندهم فى الورشة صنايعية تحفة وعلى رأسهم الأسطى أحمد قدورة "دوكو" :Ta_clap[1]: والصور تتكلم وان شاء الله هنزلكم صور الصالون بعد ما أغسلها تانى من جوة .... دعواتكم ... ولو عندكم أى إقتراحات ياريت تفيدونى بيها [/justify]