السلام عليكم
ان شاء عاوز اسافر الساحل الشمالي الاسبوع اجاي
كنت عاوز اعرف امشي اي عشان اوصل لي قريه عايده الكيلو77
وهل الطريق امان اليومين دول والاحيتاط الي اخد بالي منها اول مره بقي :) :)
عرض للطباعة
السلام عليكم
ان شاء عاوز اسافر الساحل الشمالي الاسبوع اجاي
كنت عاوز اعرف امشي اي عشان اوصل لي قريه عايده الكيلو77
وهل الطريق امان اليومين دول والاحيتاط الي اخد بالي منها اول مره بقي :) :)
بالنسبه للامان ما تقلقش حركه السفر اليومين دول كتير وهتلاقى عربيات كتير مسافره معاك على الطريق
انا لسه راجع من مطروح والطريق كان ونس وامان
بالنسبه بقى للكيلو 77 الصراحه مش عارف الطريق بالضبط لانك مش هتمشى طريق العلميين انت هتكمل لفى اسكندريه الصحراوى وهتدخل طريق من هناك هيوصلك الساحل من اوله الصراحه انا معرفوش
لو حضرتك عايز تروح الكيلو ٧٧ عند شاطئ عايدة فممكن جدا تاخد طريق وادي النطرون العلمين عادي جدا و تمشي حوالي ١٠٠ كيلو و عندها هتاخد تاني طريق فرعي يمين و ده طريق مباشر طوله ١٥ كيلو تقريبا بيوصلك مباشرة للكيلو ٨٢ بطريق اسكندرية مطروح الساحلي فتاخد يمين مع الطريق باتجاه اسكندرية حوالي ٧ كيلو فقط حتى تصل للكيلو ٧٧ المطلوب. خد بالك تاني طريق فرعي يمين و ليس اول طريق فرعي لان اول تفريعة يمين توصلك لمدينة الحمام مباشرة و ليس الطريق الساحلي مباشرة. عموما في يافطة عند تاني تفريعة مكتوب عليها الى فندق شاطئ عايدة للتأكد انك ماشي صح و بالسلامة يا زعيم ان شاء الله.
الطريق ونس وأمان و مش هتبقي لوحدك بس حاول تكون عند بوابات القاهرة في وقت هادي الناس مبتسافرش فيه عشان البوابات فيها اصلاح و ممكن تقرفك انا كنت عند البوابات علي 5 الفجر كان الموضوع هادي وموقفتش ولا دقيقة
اسهل طريق للكيلو 77 هتاخد الصحرواي لحد ماتلاقي كوبري علي اليمين ينزلك علي طريق العلمين (كان زمان بتاخد يو تيرن و تاخد طريق العلمين دلوقتي بقي كوبري علي طول) عامتا قبل الكوبري بشوية هتلاقي يفط بتقول المتجه لطريق العلمين يلزم اليمين
هتمسك طريق العلمين لحد الحمام ادخل من الحمام وخليك طواااالي او الدخلة اللي بعد الحمام وخليك طواااالي برضه انا بدخل من اللي بعد الحمام عشان اقرب لقريتي لحد ماتتطلع علي الطريق الدولي الساحلي انت كده في اتجاه اسكندرية خد اول يو تيرن و ارجع خلاص انت كده عند القري شوف القرية بتاعتك فين بالظبط و تروح بالسلامة ان شاء الله
خش علي maps.google.com وشوف دخلة الحمام اقرب لقريتك ولا اللي بعد الحمام
و بلاش تكمل لاسكندرية عشان الطريق زحمة وممل عند اسكندرية وعند الكيلو 21 خليك في طريق العلمين احسن و اريح