الموضوع: تقييم سيارة

المشاركة الأصلية كتبت بواسطة أحمد جودة

بصو يا جماعة موضوع العداد وعاملة كام الف كيلو مش دة اللى بيشغلني لية بقي

علشان انا اشتريت عربية كانت عاملة اقل من 120 الف كيلو وحالتها ميئوس منها رجعتها بعد 24 ساعة

واللى معايا حالياً 240 ألف وحالتها الحمد لله كويسة

فممكن العربية يكون ماشية كتير بس صاحبها مهتم بيها وبصيانتها وممكن تبقي ماشية كيلوهات قليلة بس متهانة وبتمشي فى طرق مكسرة دايمن


وبعدين الاهم من دة كلة في موضوع العداد بيتلعب فيه

وأهم من المهم كمان أنتا تقدر تأكدلي أن لوحة العدادات اصلا تكون بتاعت العربية


المقصود من كلامي ان عداد الكيلومترات مش دايمن مقياس لحالة العربية اللى يهمني حالة العربية ومكوناتها مش العداد وبس

ده احلى كلام قريته .. العداد عمره ما كان مقياس لانه فعلا ممكن يكون مش بتاعها
ثانيا موضوع السمكرى مهم جدا .. ايه اللى ضمنك انها مافيهاش بارومة فى الحتت المستخبية .. يعنى اللى عايز يسلق عشان يبيع بيسلق
الاهم بقى تعرف منين انها مش مغيرة نص و ممكن يعمل لك مشكلة فى المرور
الموتور تعرف منين انه سليم او لا الا لو متخصص شافه
طبعا الكلام ده مش علشان التشكيك فى العربية , لكن الاحتياط و الاخذ بالاسباب ضرورى خاصة لو باشترى من حد ماعرفهوش شخصيا
انا اعرف ناس كتير اتضحك عليهم و انا كمان زيهم اخدت عربية من صالة و كان معايا ميكانيكى و بعد يومين اكتشفت دخنة فى الموتور و احتاج لعمرة و ديسك و اسطوانة
عموما القرار قرارك فى الذهاب بدون سمكرى و الله الموفق

الحمد لله على كل حال كنت مسافر النهاردة الثلاثاء اشترى العربية كلمته الاثنين بالليل قالى للاسف اتباعت . متشكر جدا يا رجالة تعبتكم معايا