يا جماعه ممكن مساعده انا معايا رينو فلوانس فيس ليفت 2013..
وعايز ابيعها واجيب bmw 320i 2007 ..
افيدوني افادكم الله..
عرض للطباعة
يا جماعه ممكن مساعده انا معايا رينو فلوانس فيس ليفت 2013..
وعايز ابيعها واجيب bmw 320i 2007 ..
افيدوني افادكم الله..
رأيي لو مضمونه ونظيفه توكل على الله غير كده بلاش
الفلوانس مش وحشة للدرجة ديه و أعتقد فيها كل ما تحتاجه في عربية ... اللي يفرط في عربية موديل السنة اللي فاتت عشان يجيب عربية من سبع سنين يبقي ماحسبهاش صح حتي و لو البي ام فئة أعلي من الفلوانس و أحلي ... إلخ
ممكن حضرتك تقولي ايه اللي انت شايفه في البي ام أحسن من الفلوانس !!!
بمعني اخر ايه اللي انت كنت عايزه و مالقيتوش في الفلوانس ؟!
الفلوانس أوسع و أعلي من البي ام و يا سيدي لو طالبة معاك ألماني ممكن تجيب أسترا كوزمو و هي عربية زيرو و ألماني و فيها esp
عارف واحد ابن حلال هيدخل دلوقتي يقولي الاسترا بولندي مش ألماني و لكن هي ألماني تجميع بولندي و حتي لو كلها بولندي الاتحاد الأوروبي كله زي بعضه بس اللي بيفرق هو الفئة السعرية
الفلونس جميلة مش معقول تنزل من 2013 ل 2007
طيب ايه سبب التغير ؟
مصاريفها عالية
و برستيج مبقاش ذي زمان الجديدة مسحتها مسح
هي ركوبة حلوة و تقفيل طبعا غير الفلوينس خاااالص و ثبات غير عادي غير كدة ... يبقي لا
لأ هو هنتكلم على الفروق يببقى موجود ومعروفه للاعمي
لكن فرق الحالة بقى لو البي ام سليمة وتمام يبقي اتوكل على الله انما غير كده لأ
الفروق بقي ثبات لايقارن بين الاتنين - واسترا مين يا فندم واتحاد اوروبي ايه وبي ام ومرسيدس ايه ؟؟؟؟؟؟؟؟؟؟؟؟ منضحكش على نفسنا علشان نقنع نفسنا بعربياتنا لأ احنا الجمارك مخليانا مش راكبين عربيات من الشركات العالية انما نقنع نفسنا ان عربياتنا حلوه وتقارن بيهم يبقي احنا بنضحك على نفسنا
واعتقد معظم الناس شافت مناظرة بيني وبين عضو هنا هو للاوبل وانا للبي ام لانه مصمم ان الاوبل ممتازه لكن طبعا ده كلام غير صحيح اوبل لا ترتقي للمقارنة ببي ام نهائيا وده كان اخر ما توصلنا اليه في المناظره هنا في المنتدى