عاوز محل لبيع قطع غيار التويوتا مضمون ويكون حد جربه وعارف أنه محترم وبيبيع حاجات التويوتا اليابانى والتيلاندى
وكمان محتاج عفشجى نضيف وبيفهم صح فى العفشة وتركيبها
أرجوكم الموضوع مهم وياريت اللى يكتب يكون عن تجربة ومش عن طريق السمع لانى اتهاريت من التجارب فيه
ومشكورين مقدما
بالنسبه للجديد الشرقاوى فى جسر السويس بعد حديقة بدر وانت جاى من الحرفيين فى اتجاه مصر الجديده ناس محترمين وامنا عن تجربه شخصيه وعندهم الاصلى واليابانىو كذا صناعه تانيه ومجربتهم كتييييييييييير ماشاء الله وحتى لو عايز ترجع حاجه بالفاتوره بيرجعها مبيعدوش يحوروا.
والاستيراد فى واحد فى الحرفيين تقريبا اسمه محمد عوض مش متذكر عنده الحاجه واسعاره كويسه بس بصراحه مجربتوش لسه شارى منه ومركبتش :) وفى محمد على محترمين بس حاجتهم غاليه شويه.
شاكر ياباشا على الرد والاهتمام ، لو ممكن لو سمحت رقم محل الشرقاوى يبقى كتر خيرك جدا
لو بتدور على قطع غيار أصلية يبقى انصحك بالبرجيسى فى ميدان الجيزة أو محمد جابر فى شارع دمشق
ولو بتدور على أصلى وبديل نضيف وسعر لا يقارن يبقى البلطى فى التوفيقية