اقتراح بسيط وهو عباره عن احلال للميكروباصات عن طريق ان اي حد معاه ميكروباص قبل 2004 يكون مترخص يتسلم وياخد بدالو واحد تاني جديد كاش بقي او تقسيط بس يكون من غير جمارك يعني مثلا لوميكروباص ثمنو 235 الف من غير جمارك هيبقي ب100 الف عشان بيبقي تبع فئه الجمارك 135% وبكده نستفيد

1-نوفر بنزين عشان موديلات جديده
2-العادم بتاعها هيبقي قليل
3-هيبان مين الي ماشي من غير رخص لانو مش هيقدر يغير الميكروباص
4-اعطال الميكروباص هتبقي قليله
5-هيبي شكلنا حلو يعني مثلا لو مكنش اتعمل مشروع التاكسي ده كان هيفضل معظم التكاسي لادا وبيجو
6-السوائين هيلتزموا الي حد ما ومش هيحسس الراكب انو في لعبه gta لانو هيبقا سايق وخايف علي الميكروباص ليتخبط
7-ممكن بالميكروباصات القديمه نعدلهم و نعمل بيهم عربيات لنقل الزباله او نسيهحهم ونعمل عوميد نور او صناديق زباله برضو