الموضوع: أتسرقت في أبو رواش!

عارف لو كنت قلت سرقوا اى متعلقات منك شخصية هقول عادى مش مشكلة ممكن تحصل

لكن دول بيسرقو في العربية نفسها!!!!!!!!!

يعني الواحد يدخل مثلا التوكيل و يلاقي الكاسيت مسروق؟؟؟ ليه حطاها فى الشارع!!

معلش ربنا يعوض عليك بس لازم برده متسكتش على حقك بجد لازم تروح تانى و تبهدل الدنيا على

دماغهم

السلام عليكم
أولاً ممكن حاجات تتاخد من العربية ... و خصوصاً الحاجات الشخصية الصغيرة و أحنا بنأكد لكل العملاء من فضلكم شيلو الأغراض الشخصية من العربية و فيه عامل مخصوص بيلم الحاجات دي في شنطة و يديها للعميل وقت أستلام العربية ... كمان الأمن بيسجل موجودات السيارة زي كاسيت ... أستبن ... طفاية الي آخره .. لكن زي ما فيه فني بيلاقي ألاف الجنيهات منسية بالعربية أو قطع دهب ... فيه فني بيحط حاجات في جيبه و الأمن مش هايقدر يفتش بدقة كل الفنيين ... أحنا كافئنا فنيين كتير علي أمانتهم ... بس فيه عملاء أشتكو من فقدان أغراض صغيرة مثل سماعة بلوتوث ... أشياء صغيرة ... و مستحيل هانقدر نغير في نفوس كل الفنيين و العمال ... بس العميل يساعدنا بالحرص أولاً ... و أحنا لما بنسك واحد سيء بنمشيه فوراً ...
و لو العامل بسبب ضفط العمل ما لمش الأغراض يا ريت العميل يساعدنا و يلمها هو من باب المحافظة علي أغراضه
انا شخصياً كنت اتمني أن الموضوع ده يكون آخر ما أفكر في التعليق أو الرد عليه لكن الدنيا كده ... الجنة الوحيده هي اللي في الآخره .

و تقبلوا وافر تحياتي

و ألأستاذ / أبو النجا ... أنا متشكر جداً علي أهانتك لينا و هاوضحلك :
أولاً : لو أحنا حراميه ماكنتش عربياتنا ماليه البلد و تحديداً بتغطي فئة تركز جداً علي كلفة تشغيل العربية و ده يؤكد مصداقية غبور
ثانياً : بالنسبة للسعودية و التي تشرفت بالعمل فيها 18 عام أنا و أغلب الزملاء و كنت فيها مدير فرع و مدير عام خدمة بأكبر الوكالات هناك و زملائي برضه ... و أوضح للجميع أن تدليل العميل بمصر أفضل من دول الخليج و ده مش مرتبط بسياسة حكومية و لو أنها بدأت تسير في هذا الأتجاه و أنما مرتبط بحدة المنافسة ... علاوة علي أن شعار أرضاء العميل هو واقعي بمصر بس الفرق بين مصر و الخليج ... أن الخليج قادر علي أستقطاب أفضل أنواع العمالة من جميع دول العالم و لكن في مصر الأعتماد كله غالباً علي العمالة المحلية ... و ده الفرق و بيكون واضح للعميل علي سبيل المثال الفلبيني بيصر علي لبس جونتي و هو بيشتغل في العربية و سفتي شوز و لكن أخونا المصري مش متعود و علشان كده بتلاقي فرق في نظافة السيارة ... و مهما عملت أجراءات و تدريب مش هاتقدر تقلب رأساً علي عقب سلوكياتهم بين يوم و ليلة ... بألأضافة لفرق التعليم و ده محتاج كتب تتكتب ...
أحنا بنطور ... و لكن هل تعلم مركز خدمة أبور رواش بيستقبل كام عربية يوميا مثلاً ... حوالي 400 عربية يومياً سيدي و هو و بالشكل ده بيكون أكبر مركز خدمة في الشرق الأوسط ... أنا كنت بالجميح Gm بجده .. و هو أكبر مركز خدمة بالسعودية و رقمنا ضعف رقمه سيدي ... أرجوك ... أرجوك بلاش نتسرع بالحكم علي الناس لأن ده ببساطة حرام و بيحملك أثم ...
ربنا معاك
و تحياتي للجميع