لما تيجي تحط زيت في موتورك الحديث .. حط ال 5w30

امبارح ركبت مع زميل كروز اخر 2013

اول ما لاحظت ان موتورة اهدي من عندي ولما كان بيجري كان اهدي برضوا

بصراحة استعجبت ولما سألتة عالزيت لقيتة 5w30 !

النهاردة ... نزلت ال 40 و حطيت ال mobil1 5w30

و طبعا خسرت 270 جنية تمن الزيت الاولاني


انا كنت فاكر ان عربيتي هادية

طلع مع ال 30 اهدي اكتر كمان ... الصوت قل جدا

سبحان الله

ملاحظة تانية ... العربية استجابتها خفت و جريها بقي اخف كأن بقت اقوي.

ياريتني كنت حطيت من الاول 5w30


الحمد لله


نصيحة بجد ... من واحد مجرب الاتنين

المواتير الحديثة الزيرو ميتحطش غير ال 30

طبعا 5w40 تقيل على المواتير الحديثة و خلوصاتها و يزود استهلاك البنزين

بس موبيل ده قلق الصراحه ...طب هو موبيل ده 5 الالاف ولا 10 الالاف ..وهل في حاجه تانيه غير موبيل 30

موبيل 10 تلاف
والله انا لفيت البلد مفيش غير الموبيل وقليل جدا جبتة من موزع زيوت قبل ما يورد للتوكيلات

مفيش: شل كاسترول بترومين بيزول فالولين ولا حتي لقيت توتال

اللي موجود بس mobil1 esp formula

Sent from my SM-C115 using Forum Runner

بس اعتقد فى البلاد الحاره يفضل 5w 40

لو العربية بتاخد 30 يبقي 30

ال 30 الجديد بيحافظ علي جودتة في اسوأ الظروف

انا قعدت شهور في الموضوع دة

موتور جديد حديث يبقي 30

Sent from my SM-C115 using Forum Runner

هعمل صيانة ال 5000 اول الاسبوع الجاي ... ربنا يسهل
قررت اشتري 5w30 بناءا علي نصيحه الاعضاء
اجيب كام لتر ؟ و اشتريه من البنزينة و اروح بيه التوكيل و لا اطلب من التوكيل الزيت اللي انا عايزه و هو يجيبه ؟

بص يا صديقي

التوكيل بيحط 5 لتر ودة غباااااااااء

الكروز في العالم كلة للمواتير البنزين 1600 و 1800 بتاخد بالضبط 4 لتر و ربع بالفلتر

و 4 لتر بس من غير فلتر


دة المظبوط اوى

و دة اللى انا عاملة و على مقياس الزيت 10 على 10

و مغيرة في بنزينة موبيل و الراجل كان فاهم برضوا المقياس


العربية اخرها 4 لتر ونص اكتر من كدة غلط غلط غلط


5w30 mobil1 esp formula

صووت الموتور فرق جدا بعد 5w30 ... شكرا للنصيحه و انصح بها اي حد

انا معايا اكسنت 2012 بحط في توكيل غبور زيت شل 5w30 فعلا الموتور هادي جدا وتسمعلوش صوت

اقتباس:

---

المشاركة الأصلية كتبت بواسطة ashouhdy

بص يا صديقي

التوكيل بيحط 5 لتر ودة غباااااااااء

الكروز في العالم كلة للمواتير البنزين 1600 و 1800 بتاخد بالضبط 4 لتر و ربع بالفلتر

و 4 لتر بس من غير فلتر


دة المظبوط اوى

و دة اللى انا عاملة و على مقياس الزيت 10 على 10

و مغيرة في بنزينة موبيل و الراجل كان فاهم برضوا المقياس


العربية اخرها 4 لتر ونص اكتر من كدة غلط غلط غلط


5w30 mobil1 esp formula

---

هشتريه من ينزينة موبيل و اروح بيه التوكيل و اطلب منهم يحطوا 4.5 لتر فقط ... و هاخد النص لتر الزياده كمان
شكرا ع النصايح القيمه :)

انا غيرت ف التوكيل شيل 5w30 وصراحة مهدى معايا العربيه

اقتباس:

---

المشاركة الأصلية كتبت بواسطة ahm.mega007

انا غيرت ف التوكيل شيل 5w30 وصراحة مهدى معايا العربيه

---

الحمد لله

ان شاء الله تستقر علي ال 30
كل سنة وحضرتك طيب

طيب لو اوبترا ٢٠٠٧ احط 5w30 او 5w40؟

العربيه ماشيه ٩٩٠٠٠ كم

اقتباس:

---

المشاركة الأصلية كتبت بواسطة Hany kiriazi

طيب لو اوبترا ٢٠٠٧ احط 5w30 او 5w40؟

العربيه ماشيه ٩٩٠٠٠ كم

---

5w-30
مفيد جدا في الشتاء و خصوصا للناس اللي بتدور وتتحرك علي طول
عشان سرعه انتشاره احسن

لزوجه الزيت مرتبطه بحاله الموتور

لو الدنيا تمام خليك في 5w-40 او 30 خصوصا انك لسه في حدود 100 الف الاولي

لزوجه 10w-40 تفضل للمواتير المتوسطة

Sent from my SM-N900 using Forum Runner

كلامك صح

شكرا لصاحب الموضوع

انا جربت الموضوع من سنه تقريبا