الموضوع: تجربتي السيئة مع تليفون سامسونج جديد

Samsung Galaxy Grand 2 (SM-G7012)
بعد شراء التليفون بشهرين بدأ يظهر به عيب يتكرر من وقت لاخر وهو تسقيط شبكة وتم إدخال التليفون للصيانة أربعة مرات بنفس العيب "تسقيط شبكة mobile network not available".
أول مرة دخل الصيانة قالو أنهم اصلحو العيب وقاموا بعمل سوفت وير للجهاز
ثاني مرة دخل الصيانة بنفس العيب تسقيط شبكة بالإضافة إلى عيب جديد الا وهو عدم تمكني من الدخول على الانترنت بسبب عيب في الاندرويد وعند استلامي للجهاز قالو انهم قاموا بتغيير المكونات الداخلية للجهاز وأن المشكلة لن تظهر مرة اخرى.
بعد مرور يوم من استلامه من الصيانة ظهر العيب مرة أخرى تسقيط شبكة بالإضافة إلى عيب الإنترنت بالإضافة إلى عيب جديد هو ان الجهاز يقوم بفتح الواي فاي Wi-Fi من تلقاء نفسه وادخلته الصيانة للمرة الثالثة وعند الاستلام قالو أنهم قاموا بعمل سوفت وير للجهاز وأن العيوب لن تظهر مرة أخرى. ولكني بعد هذه المرة قمت بتغيير الشرائح الخاصة بالتليفون SIM Cards لعل وعسى تكون هي السبب، وبعدها شغلت التليفون ولم تمر أيام إلا وظهرت نفس المشكلة مرة أخرى "mobile network not available". وقمت بأخذ أكثر من 40 سكرين شوت للعيوب اللي ظهرت بالتواريخ والتوقيتات. وأدخلت التليفون للصيانة للمرة الرابعة وحتى الآن التليفون في الصيانة تحت الفحص من تاريخ 17/8/2014، وبيقولو التليفون مفيهوش مشاكل –على الرغم من وجود سكرين شوت بالمشاكل على التليفون- وطالبين تغيير الشرائج ثاني. ولا أعرف ماذا أفعل!!!!

ارسلت شكاوى الكترونية لرئيس الشركة وعدة شكاوى الكترونية على الموقع لكن دون فائدة.
أسوأ خدمة عملاء شفتها في حياتي وعندهم خط دفاعي للرد على العملاء first line دول اول ناس بيردو عليك ولما ميعرفوش يعملوا معاك حاجة يحولوك بصعوبة second line وعلى كده وانتهى الموضوع لانهم حافظين مش فهمين يقولك هو دا اللي عندنا .. يعني اخبط دماغك في الحيط ومستحيل تعرف تكلم مسئول محترم في سامسونج مصر.
اخر مرة كنت بسلم التليفون في الصيانة لاقيت هرج ومرج لحد ما عرفت ان كان فيه ضابط عنده مشكلة في تليفون عمل محضر لمدير مركز الصيانة لانه مش عاوز يحل مشكلته .. الضابط علشان ضابط راح جاب ناس من القسم علشان مدير الصيانة مكنش عاوز يطلع بطاقته للراجل اللي بيعمل المحضر ولما ضابط اخر جه بنفسه من القسم مدير الصيانة وشه ضرب ميت لون وطلع البطاقة زي الباشا واتعمله محضر والناس طبعا اللي في مركز الصيانة فضلوا واقفين مع الضابط وواحد من بتوع الصيانة قاله انا هحللك مشكلتك وهستبدلك التليفون (طبعا دا علشان ظابط)

حسبي الله ونعم الوكيل في سامسونج مصر واللي بيبخس حقوق الناس علشان يحافظ على شغله.

ابعت برة مصر شكوى