عرض للطباعة
السلام عليكم
اخوكم محتاج اقتراحتكم او تجاربكم لمشروع لشاب في بدايه حياته
المبلغ حوالي 150 الف ولو محتاج راس مال اكبر فيه شريك بنفس المبلغ
ايه رأي حضراتكم مع العلم انا معنديش خبره في اي تجاره عشان عارف هيتسال سؤال بتفهم فيه انا شغلي كله في منشآت سياحيه ملوش علاقه بشغل في المدن العاديه
ايه اقتراحتكم لاني تعبت من كتر اللف فعلا بدون الاستقرار علي حاجه
اولا و اخيرا الارزاق فى يد الله سبحانه .
صراحة ماحدش بقدر يقترح عليك بمشروع معين و ذلك لاسباب التاليه
1- لانه من الممكن ان نشير اليك بمشروع معين وبعد سنه يخسر و بالتالى من اقترح عليك ذلك المشوع يشيل ذنب ما اقترحه
بل من الممكن ان الزائرين الموضوع بياخذو براى من اشار عليك و يعملو مشوع و فى الاخر يفشلوو قد يكون اوكلو كل مداخرتهم فى ذلك المشروع و بالتالى النتيجه ستكون تشرد و ضياع الاسر
2- لانه حال السوق متغير مثال لذلك محل شغال و تلاقى المحل الى فى الشارع اللى وراه مش شغال .
3- محدش يعرف ظروف التانى ايه ( لان امور الانسان لا يعلمها الا الانسان نفسه )
يعنى واحد معاه محل و واحد معندوش محل , الاول يقدر باقل التكاليف يعمل مشروع ام الاخر اللى معندوش محل فدا اكيد محتاج الى تكاليف ضخمه جدا لبدا عشان يعمل مشروع مثل شراء وحده تجارية او تاجير وحده +
تكاليف توضيب الوحده + تكاليف شراء البضاعة
4- انا شاهدت بعينى ناس عملو محلات و تكلفو توضيبات اكثر من 300 الف جنية و فى الاخر المحل قفل عشان مشتغلش بالرغم من انهم درسو السوق جيدا و المنطقه مفهاش شبيه لتجارتهم
انت لو تقدر تزود المبلغ اكتر من كده يبقى كويس
وممكن تستثمر فى العقارات
بحيث انك تاخد ارض فى منطقه الاراضى فيها رخيصه وتبنى وتبيع بس ده عاوز خبره بالسوق او تعتمد على مهندس شريك
يا رجالة يا رييييت افكار فى حدوووود المبلغ فقط .
مش لازم بتفهم فى اية او خريييج اية ... و لكم خالص الشكر و التقديييير
ايه رايكم يا جماعه في موضوع تسمين المواشي
حد عنده تجارب او معلومات?
رايي علشان تكون في الأمان دور على محل تمليك صغير حتى لو 9-10 متر في حدود 100000وفتح اى مشروع في ملكك حتبقى متطمن اكتر وتعبك ليك انت حتى لو المحل في شارع جانبي او متفرع اسمك حيجيبلك زباين وفى أسوأ الظروف حتلاقى راس مالك موجود سواء في تشطيب او في بضاعه او في المحل نفسه علشان السوق دلوقتى يوم تمام ويوم لا فخليك في الأمان علشان انت لسه حتتعلم وتغلط ووتخسر وتكسب فكل متخليك في الأمان زى المكان التمليك والبضاعه الكاش حتثبت رجلك وتعمل اسم .
تحياتى .
كلام موزون وعاقلاقتباس:
المشاركة الأصلية كتبت بواسطة eslamrace
كلام حضرتك جميل جدا بس محتاج نصيحتك تاني مع تغيير المجال بمعني اني حابب ابدا حاجه فيها انتاج زي المصانع والمزارع وكدا بعكس المحلات مثلااقتباس:
المشاركة الأصلية كتبت بواسطة eslamrace
ايه رايك اضمن حاجه
عايز تنتج خش على مكنه سلك مواعين
مع العلم انا معرفش اى حاجه عن المشروع ده الا اسمه..لكن انا زيك بحب الانتاج
Car Care
Laundry
بص المبلغ اللى معاك مش كبير وخللى بالك ان التصنيع بيحتاج راس مال كبير وبتكون المخاطره فيه اعلى لانك لو "لا قدر الله "خسرت فتبقى لا تملك شيء غير سويه مكن بيتضرب بسعرهم الأرض وبتغلب علشان تبيعهماقتباس:
المشاركة الأصلية كتبت بواسطة medo_2060
فانا رايي خليك في مشروع تجارى الأول ولما ينجح خش في تصنيع المنتج اللى انت بتشتغل بيه زى مثلا اشتغل في تجاره الملابس ولو مشي الحال صنعها او استوردها او اشتغل في تجاره الدواجن ولما الحال يمشي اعمل مزرعه وهكذا علشان حتى لو عملت المنتج ومش عارف تسوقه تبيعه في محلك
بس لو مصمم يبقى انزل اشتغل في مجال معين مع حد ما "بدون النظر لمقابل مادى" لحد متتعلم الموضوع وبعديها اعمل مشروعك ووانت بتعمله حاول برضه تقلل مخاطرتك بمعنى ان مكان المشروع يكون ملك المعدات تكون ملك وكاش وهكذا او تشارك حد ذو خبره في المجال بس تاخد احتياطاتك وتكون بتثق فيه "وانا شخصيا مبحبش الشركه"
فكر ووانت بتفكر خللى قدامك موضوع تقليل مخاطرتك في اى مجال تدخله حتى لو حتصبر شويه او حتيجى على نفسك شويتين .
تحياتى.
افضل مشروع
اخلع من البلد دي
و الله احسن مشروع
اخلع من البلد دي
و الله احسن مشروع
مش لازم تصنيع الفكره مشروع انتاجي زي المزارع بتاع الاسماك ةالماشيه ايه رايكوا في الموضوع دا
وراس المال ممكن يتضاعف ل 3 مع شركاء
انا من زمااااان و انا نفسى اعمل مشروع مواشى ..
بس عايز مكان كبير .. والافضل يكون فى ارض زراعية .. و عايز حراسة .. واهتمام شديد
بس اهم حاجة المكان .. ولو حضرتك عامل دراسة جدوى ممكن تقلها او تدهالى على الخاص
مشروع جميل جدا
و بالتوفييييق ان شاء الله ...
مشروع جيد جدا و راس مالة مش كبير ..... بس سؤال هل هيمشى فى القاهرة ولا الناس هتروح تغسل فى بنزينة ؟؟اقتباس:
المشاركة الأصلية كتبت بواسطة secret-man
ولو حضرتك عامل دراسة جدوى لة ياريييييت تفدنى ... او اى معلومة عن المشروع دة
اول حاجه اعمل دراسه تسويقيه بسيطه كده لمنطقه تكون خاليه من الخدمه ديه او يكون على الاقل مكان واحد بس بيخدم منطقه كبيره يعنى مفيش تشبع من الخدمه ديه لسه وبالاخص المناطق الجديدهاقتباس:
المشاركة الأصلية كتبت بواسطة hesham fawzy h
اكتوبر - التجمع وهكذا
دراسه الجدوى مفصله جدا على جوجل اكتب بس دراسه جدوى حديثه لمشروع كار كير فى مصر وهيطلعلك ملفات كتيييييييير جدا ودقيقه .
المشروع مربح جدا جدا وراس مال مش كبير وباذن الله فى اقل من سنه هتلاقى نفسك فتحت فرع تانى ان شاء الله
التصنيع فى مصر حاليا مشجعوش بالاخص مفيش راس مال قوى ولا حد يدعمك وهتتعب فى امور كتير انت فى غنى عنها اهمها الخبره فى المجال التصنيعى ده
الف شكر يا باشااقتباس:
المشاركة الأصلية كتبت بواسطة secret-man
قرات عنه كتير الكلام جميل والفكره انك تجيب عجول وتسمنها في فتره 5 شهور وتبيعها ودي فكره كويسه بس الله اعلم ايه مشاكلها ياريت لو حد عنده فكره او تجربه يشاركنااقتباس:
المشاركة الأصلية كتبت بواسطة hesham fawzy h
مشاكلها ان المشروع عايز متابعة شديدة جدا فى كل شئ مثلاقتباس:
المشاركة الأصلية كتبت بواسطة medo_2060
عندما تاكل المواشى لازم تكون موجود علشان بتحصل سرقة لاكل المواشى ( دى من الحاجات المشهورة)
عايز مكان كبير ونظافة باستمرار
متابعة طبية علي طووووووول
حراسة موثوق بها علشان المواشى متتسرقش
واكيد فى مشاكل تانية بس معرفهاش
بس هى تجارة تمام ... و موفق ان شاء الله
ربنا يكرمك،طيب هل موضوع تربيه المواشي دا هيبقي سهل لحد ملوش خبره بالمواضيع دي ولا ايه رأيكماقتباس:
المشاركة الأصلية كتبت بواسطة hesham fawzy h
في حد مجربه هنا يا جماعه
مفيش حد عنده اي معلومات عن تجربه
انا كنت فكرت في مشروع تسمين مواشي و اغنام
اقرا هنا هتستفيد شوية, بس اعتقد محتاجة دراسة جدوى من شخص في المجال
[url=http://www.entej.com/blog/20261/%D8%AA%D8%B3%D9%85%D9%8A%D9%86-%D8%A7%D9%84%D8%A3%D8%BA%D9%86%D8%A7%D9%85/]تسمين الأغنام | مشروع تسمين الأغنام | تربية وتسمين الأغنام | شروط عملية تسمين الأغنام | حظائر تسمين الأغنام | أمراض خراف التسمين | البرامج ا
شكرا يا باشااقتباس:
المشاركة الأصلية كتبت بواسطة هيثم مجدي
قرأت كتير بس دراسات الجدوى مش لازم تتطبق فى الواقع المهم نشوف تجربه حقيقيه ونعرف ايه مشاكلها وهل الموضوع مشجع ولا لا
متابع
هل من جديد
مواشي للتعليف يعني علف - امراض والتحصين ضدها - ادوية - لحوم مستورده من السودان ممكن تضربلك السعر - رعاية دايمة (عمالة) - مكان مناسب - تامين صناعي - حيوانات انتاجيتها عالية
مواشي للالبان - كل ما سبق + حلابة + تسويق للمنتج
انا لخصتلك كل المخاطر - ال ممكن تبني عليها مشروعك
رأي حضرتك المخاطر دي مزعجه لدرجه الابتعاد عن المشروع مع العلم اني معنديش خبره بالمجال دا نهائياقتباس:
المشاركة الأصلية كتبت بواسطة s.h.a.h.e.r
وايه انسب طريقه حضرتك شايفها للتعامل مع المخاطر دي
ممكن تفكر في محل دهانات بالكمبيوتر
ماكينة خلط الالوان في حدود المبلغ دا وبتيجي بالقسط كمان..
وعندك بقى يوتن - سيايبس - سكيب - الجزيرة..
وممكن تزود مستلزمات ديكور (ورق حائط - مقابض ابواب - ..........)