هام جدا لملاك البيكانتو

**Mohamed Bander** · 01-09-2014 04:29 PM

السلام عليكم يا حضرات

طبعا انا معايا بيكانتو و زى ما كنت مش مبسوط منها دلوقتى بقيت بحب اركبها اكتر من الفانتازيا ،، على الرغم من فقرها من ناحية الامكانيات الا انى اتعودت عليها .

طبعا الوكيل بيهزر ززيادة عن اللزوم و كمان بعد الموديلات الجديدة اللى نزل فيها حاجات ممكن البعض يشوفها مهمة الا ان العربية لازالت فقيرة فى حاجات مهمة جدا محطوهاش حتى فى الفئة اللى ب 108000 يعنى مش معقول السعر ده و العربية من وجهة نظرى ينقصها حاجتين مهمين جدا و ممكن يمنعوا كوارث:

1-لمبة ستوب خلفية فى الشنطة (سبويلر ستوب)

2-اشارات جانبية فى المرايات

طبعا وانا سايق العربية ببقى مش حاسس بالامان ،، بحس ان لو ورايا عربية نقل مش هتاخد بالها انى مفرمل ولا لأ،، نفس الحال لما بلف يمين او شمال لو حد جنبى مبيخدش باله،، طبعا التوكيل مبيركبش الحاجات دى ولا اى حاجه فى العربية دى مع انها خطر جدا عدم وجودها.

انا شايف اننا لو اتجمعنا كلنا و بعتنا للتوكيل و لو مردش نبعت لكوريا انهم يركبولنا الحاجات دى تحت ضمانهم على حسابنا لأن كدة العربية السواقة بيها مش مطمئنة

ياريت اعرف رايكم ايه و لو موافقين نتفق هنعمل ايه

**ENG\AHMED** · 01-09-2014 09:59 PM

بالنسبة للاشارات .. مرايات الخليجى فيها ممكن تجيبها استيراد وتركبها
بالنسبة للمبة الاستوب .. اللى لاحظتة ان السبويلر بيبقى فيه لمبة استوب او رشاش للمساخات الخلفية .. حاجة واحدة مش الاتنين مع بعض

**eslamsubaru** · 02-09-2014 12:43 AM

و فيه حاجة مهمة كمان : التوكيل بيرفض تركيب انزار ( او سنتر لوك بريموت ) للموديلات اللى مفيهاش !!!! و مش عارف ليه !!!

لو حد يعرف ايميل الشركة بكوريا يا ريت يقوله

**Mohamedjetta** · 02-09-2014 02:16 AM

ولله حضرتك زيي بالظبط بقيت بحب اركب الالنترا اكتر من الجيتا :d ...... الواحد اتخنق من البط البلدي :d
بالنسبه لاشارات ممكن تجيبها استيراد زي ما الاخ الفاضل قال

**J A G U A R** · 02-09-2014 03:25 AM

لو على اشارات المرايات مش مشكله
المشكله فى الاستوب وده الاهم
بس اكيد ممكن يركب عادى ستوب

**Mohamed Bander** · 02-09-2014 10:46 AM

المشاركة الأصلية كتبت بواسطة eslamsubaru

و فيه حاجة مهمة كمان : التوكيل بيرفض تركيب انزار ( او سنتر لوك بريموت ) للموديلات اللى مفيهاش !!!! و مش عارف ليه !!!

لو حد يعرف ايميل الشركة بكوريا يا ريت يقوله

مش عارف ليه بيعملوا كده ،، مع ان اعرف ناس معاهم ريو ركبولهم الانذار بضمان ،، المفروض يوفروا الموضوع ده و خصوصا للحاجات المهمة

**Mohamed Bander** · 02-09-2014 10:48 AM

المشاركة الأصلية كتبت بواسطة mohamedjetta

ولله حضرتك زيي بالظبط بقيت بحب اركب الالنترا اكتر من الجيتا :d ...... الواحد اتخنق من البط البلدي :d
بالنسبه لاشارات ممكن تجيبها استيراد زي ما الاخ الفاضل قال

فعلا انا ساعات بتخنق من الفانتازيا ،، بفكر اغيرها بسيراتو ههههههههه

انا بحب الحاجه تتعمل فى التوكيل علشان الضمان.

مين طيب عنده قطع الغيار الاستيراد؟ لانى عايز الكاسيت البلوتوث كمان

**Mohamed Bander** · 02-09-2014 10:51 AM

المشاركة الأصلية كتبت بواسطة j a g u a r

لو على اشارات المرايات مش مشكله
المشكله فى الاستوب وده الاهم
بس اكيد ممكن يركب عادى ستوب

للاسف مبيركبوش اى حاجه ولا انذار حتى

انا لو اعرف اوصل لحد مش تبع التوكيل علشان يركب بنضافة ياريت بس مش عارف اوصل لحد!

**Mohamedjetta** · 02-09-2014 12:49 PM

المشاركة الأصلية كتبت بواسطة mohamed bander

فعلا انا ساعات بتخنق من الفانتازيا ،، بفكر اغيرها بسيراتو ههههههههه

انا بحب الحاجه تتعمل فى التوكيل علشان الضمان.

مين طيب عنده قطع الغيار الاستيراد؟ لانى عايز الكاسيت البلوتوث كمان

هههههههههههههههههههه
لو انت من الهرم زي ما كاتب يبقي معرفكش هههههههههههههه
لو من الاسكندريه يبقي روح شارع صلاح الدين و هناك فيه كل حاجات الكيا حتي انصاص السيراتو 2014 برضو موجوده

-

الموضوع: هام جدا لملاك البيكانتو

LinkBack

أدوات الموضوع

عرض

هام جدا لملاك البيكانتو - انشر الموضوع فى :

-

-

-

-

-

-

المواضيع المتشابهه

نداء لملاك البيكانتو -- برجاء الدخول --

لملاك السول و لملاك التريوس gtx

سعر البيكانتو

I10 ولا البيكانتو kia

عتب البيكانتو

الكلمات الدلالية لهذا الموضوع

المفضلات

المفضلات

ضوابط المشاركة