الموضوع: مكونات العفشة الامامية والخلفية للفليشيا

المشاركة الأصلية كتبت بواسطة أحمد جودة

طبعا أنتا أكتر واحد بتبقي حاسس بالعربية وتكون عارف اللى فيها بس عاوز أقولك على حاجة من فترة كان عندي مشكلة فى السوست روحت لعفشجي وعلشان أنا أول مرة أروحله ومش هروح تاني كبر الموضوع وعمل من البحر طحينة وقاللي المساعدين كلها تعبانة والسوست والعفشة ودخلني فى متاهات وكنت هصرف كتيييييييييير

روحت لوحد معرفة صديق راجل محترم واكتشف من مصدر الصوت ان العربية محتاجة بس كاوتشة شكمان وصدادات للمساعدين وسوستة واحدة فقال نغير الاتنين بالمرة وركب نفس العلايات

أما لو كنت سمعت كلام الاول كنت غير مساعدين ع الفاضي


أدينا ياسيدي بنتعلم وبنحاول نستفيد من تجارب بعضنا


تقبل تحياتي

الله ينور عليك
انا ملاحظ من اكتر الناس الى بتحب تساعد هنا ربنا يكرمك
انت بتقول انك كنت هتغير مساعدين بدون لازمة
انا عاوز اقولك اني مرة روحت لميكانيكي ما فيش عنده اي ضمير وانا برضه مش زبونه العربية كانت مش مظبوطة والحرق مش تمام والبوجيه عليه بقايا بنزين ووهباب اسود قالي يابيه ده زيت والمكنه عاوزه عمرة روح بس هتالي الحاجة وانا هخلصهالك على طول وبسيطة وشوية كلام من جو النصب ده . ... روحت للصنايعي بتاعي قالي ده بنزين وظبط العربية والكربيراتير والدنيا بقت تمام

اه من الصنايعية معدومة الضمير ومعدومة الخبرة

الزميل العزيز الحمد لله ان الكتالوج عجبك واستفدت منه وباقي الكتالوجات في المشاركة بعنوان كتالوجات سكودا فليشيا والله يكون في عونك من الصنايعيه انا برضه عندي نفس المشاكل وبرضوا باضطر لما العيب يكون ظاهر عشان حد يتعرف عليه ويصلحه وساعات كتيره اعاني من العيوب الخبيثة اللي تظهر وتختفي كل شويه بس الواحد دايما بيحاول يكون فاهم ايه اللي بيحصل ومتابع عربيته حته حته انا باشتغل فيها بايدي واللي ماقدرش اعمله بروح للميكانيكي اللي باتعامل معاه واقوله انا عايز اعمل ايه والصراحة هو امين وحنين وفوق كدا بيريحني ويطاوعني