السلام عليكم ورحمة الله
ممكن شرح تفصيلي لعفشة الفليشيا الامامية والخلفية
ياعنى الامامية بطاحات ومساعدين ومقصات واسكاترا ؟؟
الخلفية مساعدين و مقصات ؟؟؟
عرض للطباعة
السلام عليكم ورحمة الله
ممكن شرح تفصيلي لعفشة الفليشيا الامامية والخلفية
ياعنى الامامية بطاحات ومساعدين ومقصات واسكاترا ؟؟
الخلفية مساعدين و مقصات ؟؟؟
طيب افسر الكلام شوية يمكن الناس تفهمني وتساعد
انا عاوز اشد العفشة واحدة واحدة وقولت ابدأ بالمستهلكات في العفشة وغالباً كل الاجزاء الكاوتش تحديداً عشان انا ما بحبش احس بالطريق وتقريباً دلوقتى انا ماشي على الحديد
دورت في الكتالوج مش شارح اجزاء العفشة يا اما بقى النسخة الى عندي مش كاملة
وكمان انا تقريباً عارف اغلب الاجزاء
الامامية مساعدين على بطاحات مع مقصين وفيهم جلب كبيرة وصغيرة واسكترا
الخلفية مساعدين على علايات ومقصين برضه
هل انا بقى غافل حاجة تكون مسببة القلق في العربية ؟؟ هل فيه حاجات بتتغير بصفة دورية تانية في عفشة العربية ؟؟
غدا ان شاء الله يا استاذ أيمن هشرحلك
العفشة كلها حتة حتة و هقولك اية اللى يظبط معاك
بس الاصوات اللى عندك خبط و له ترزيع
انتظرنى غدا
ربك المستعان
الف شكر لاهتمامك يابشمهندس
الاصوات عندي مش واضحة اوي عشان كده بتتعبني مع الصنايعية انا بس الى اغلب الاصوات ببقى عارف الفرق بين الطبيعي والحالي عن طريق استخدامي للعربية وانا ببقى مركز في اي صوت او تغيير في العربية من واقع التعود برضه
الاصوات اولا في خشونة مع المطبات الصغيرة وزي خبطة مع المطبات الكبيرة (( العربية مش بتمتص الصدمات وتبقى متومة زي الطبيعي لاء بحس بخبطة المطب وبحس بطوب واعجواج الارض بش كبير ) ... طبعا العربية في حالتها الاولي ما كانتش كده
تاني حاجة المساعدين خفاف شوية
فيه اصوات طقطقة بتسمع في الطارة وانا بلف الدركسيون وانا بركن وانا طالع الصبح بتبان لان العجل بيبقى تقيل في الارض وحاسس بالطقطقة في ايدي
العربية لو ضغطت عليها من الخلف طالع نازل بيبقى في صوت طقطقة برده مسموعة
الزميل العزيز ممكن ان شاء الله تلاقي اللي انت عازه في الكتالوج ده وارجو انه يكون مفيد وشكرا
Running gear : FileRio : : Cloud File Storage
عاوز أقولك أن عفشة الفليشا بتبقي نشفة شوية العربيات الكوري والياباني ودة يعتبر ميزة لتحمل الطرق المكسرة والمطبات وعيب في احساسك بالطريق والتأثر بأقل تفاصيل الطريق
أما بخصوص مشاركتك الاخيرة عند عفشجي كويس ويشوف المساعدين الامامية والخلفية والسوست وباقي العفشة بالتفصيل
فممكن حضرتك يكون النشوفية دي طبيعي شوية
الف شكر لردك واهتمامك
للعلم اغلب الصنايعية بيقولوا نفس الكلام وبيخلوني استني لغاية ما يبقى فيه مشكلة ملحوظة
ده حتى الصنايعي اخليه يسوق العربية عشان يجرب وبرضه ما يحسش بحاجة فيها
انا بقى من كتر ما اتعودت على العربية وعشرتي 4 سنين يومياً بحس باي فرق في العربية والعربية فعلا بقى صوتها عالي في العفشة والطقطقة البسيطة الى بحس بيها وحركتها مع المطبات وحركة المساعدين بحسها جداً وعارف الاختلاف بس انا بواجه مشكلة مع الصنايعية في المرحلة ديه لانه بيبقى اما عاوز يفتح شغل بعيد عن المشكلة يا اما مش حاسس المشكلة فين ومش قادر يحدد العيب وساعتها بمشي وانا مضطر واستني لما المشكلة تبقى واضحة واروحلها تاني واقوله شوفت اهيه بانت اهيه ويفك ويخلص شغل في خمس دقايق
المشكلة ديه في كل العربيات القديمة والى ما فيهاش كشف وكمبيوتر اعطال ومش بتكشف عليها باجهزة بتضطر تعتمد على الصنايعي في التشخيص وده اسوء شي ء
انا اسف طولت بس ديه مشكلتي الازلية والى بتخليني ما اسيبش المنتدي هنا طول الوقت بحاول احدد مكان المشكلة واجيب قطعة الغيار واغيرها واشتري دماغي
طبعا أنتا أكتر واحد بتبقي حاسس بالعربية وتكون عارف اللى فيها بس عاوز أقولك على حاجة من فترة كان عندي مشكلة فى السوست روحت لعفشجي وعلشان أنا أول مرة أروحله ومش هروح تاني كبر الموضوع وعمل من البحر طحينة وقاللي المساعدين كلها تعبانة والسوست والعفشة ودخلني فى متاهات وكنت هصرف كتيييييييييير
روحت لوحد معرفة صديق راجل محترم واكتشف من مصدر الصوت ان العربية محتاجة بس كاوتشة شكمان وصدادات للمساعدين وسوستة واحدة فقال نغير الاتنين بالمرة وركب نفس العلايات
أما لو كنت سمعت كلام الاول كنت غير مساعدين ع الفاضي
أدينا ياسيدي بنتعلم وبنحاول نستفيد من تجارب بعضنا
تقبل تحياتي