البلوكه ادمرت ومحتار اسقط مكنه ولا بلوكه

العربيه وانا ماشى مره واحدده وقفت وتلتت ومش عاوزه تدور
وبعدها ب 20 ثانيه دارت بس كل شويه بتقطع وبطلع دخان ابيض بغباء بس جابت ال 170 بالرغم من ده
المهم روحت للاسطى عصام على طول قالى متلته
فكينا البوجيهات لاقيت البوجيه التالت مهرى وراسه مفتته المهم غيرناه وبرده متلته راح شايل السلك التالت للبوجيه مفرقتش
شال الرابع مفرقتش راح جه يجرب الاول و التانى قطعت وفصلت
وقالى البلوكه بترزع معنى كدا انها ماشيه على 2 سليندر و بتقطع وياعينى على صوت الجرار الى انا كنت راكبه بس الدخنه راحت معرفش ازاى
المهم الخلاصه البلوكه ضاعت ومطلوب الان اما
1- اجيب بلوكه نفس النوع واركبها والحوار هيدخلى فى 3 ونص
2- اجيب مكنه جديده والصراحه برجح الفهد الابيض ال AFT علشان بحبها ياما ال AbF وده هيددخل فى من 5 ل 7 الاف
ياريت تساعدونى علشان انا محتار ومش عارف اعمل ايه

تلتت و جابت 170 كم ؟؟؟؟
دا كويس العربيه دي منفجرتش

مانا روحت لاقيت البوجيه مدمر جداااااا و ال 3 شامعات ماتبقاش منهم غير شمعه واحده بس

بص ياباشا
قدر الله وماشاء فعل
قبل اى حاجة وقبل ما تاخد اى قرار لازم تفتح المكنة وتشوف ايه اللى حصل وجايز يكون الموضوع بسيط

متزعلش منى فى اللى انا هقوله, انا بقول النصيحة لله واكيد بكون عايز مصلحتك

طريقة سواقتك غلط ولازم تغيرها لأن مفيش موتور هيستحملك حتى لو هتسقط VR6 والكلام ده قولناه من ايام ما كانت عربيتك 1.4

انت من اول يوم سقطت فيه المكنة دى وانت بتقرص عليها وكلنا نصحناك انك مينفعش تقرص على مكنة استيراد وانت لسه مسقطها

الشكمان اللى عندك كان كاتم المكنة وده خلاها تودع بدرى

لازم تحس بالموتور تحت رجلك لأنه ليه قدرة احتمال حسب الجو والحرارة ونوع الزيت والبنزين وادوات التغذية اللى بتغذيه اللى من اهمها طرمبة البنزين وكمان اسطوانة الدبرياج عليها عامل برده ودورة التبريد تكون سليمة والكهرباء اللى داخلة تكون مظبوطة

الجرى والفرهدة مش على طوول لأن دى مش عربيات سباق او عربيات رالى

التوب سبيد مينفعش تفضل مثبتها فترة طويلة لأن مهما كان ده موتور صغير و 8 صباب

سرعة التجميع مش انك تكبس اخر الدواسة من اول النقلة لغاية اخرها

ومش لازم فى كل نقلة تجيب اخرها وتدخل فى الريد زون عشان تجمع بسرعة لأن كل موتور ليه الرينج بتاعه اللى بيطلع فيه اقصى عزم وبعدها بيبدأ الأدء يضعف والعزم يقل

موتورك الـ perfect shift بتاعه 4800 RPM
بعد كده بيبدأ العزم يقل

فى النهاية اهم حاجة لما تجيب موتور كبير يبقى تظبط كل حاجته زى الطرمبة والشكمان سواء AFT, ABF, 2e وبعدين تجرى بيه براحتك لكن غير كده يبقى انت بتموته بالسريع

استاذ كريم جاب المفيد ربنا يبارك فيه

الملاحظة بتاعتى وياريت ننوه بيها للجميع ان الزيت اللى كان محطوط عند احمد هوا شيل الاصفر والزيت ده بقى مضروووووووووب جدا وده نفس الزيت بردو اللى كنت حاطة لما المكنة بتاعتى قفشت وانا شاكك اصلا ان موتور احمد قفش بردو وهوا قرص عليه

ربنا يعوضك وواحده واحده فكر واختار صح و بلاش تحير نفسك وبالتوفيق

ربنا يعوض عليك والحمد لله على كل شئ ..طبعا انا من كام يوم عامل مشاركه ان المكنه انكسرت بتاعتى...وفعلا والله انا مكنتش بغير الا شل اصفر..انا جبت مكنه امبارح من بورسعيد aee 1600 جبتها من غير فتيس وعملت 2500
وكان قدامى ب 2300 وافاصل كمان بس معجبتنيش بكره ان شاء الله هنركبها وندور ونشوف المكنه جاى معاها مارش ودينمو ودسك واسطوانه متشال منها الكومبروسور وطرمبه الباور ..ولو عاوز تجيب من بورسعيد انا هكون هناك قريب ان شاء الله والاسعار ارخص من حرفيين القاهره..

الف شكر ليكم كلكم
انا عاوز اجيب مكنه كبيره ليه لان انا معظم سواقتى على 140 علشان كدا عاوز اجيب مكنه بفتيس كبير علشان يبقى تحميل القرص على الفتيس مش الموتور يعنى يدى سرعات عاليه على Rpm قليل علشان كدا انا رجحت ال AFT , AbF لان انا شايف ان ال 2e فاشله لانها 115 hp و ال 1600 101 يبقى ال 1600 احسن بكتير

تانى حاجه انا طرمبه البنزين يتاعتى الى راكبه بتاعه مكنه VR6 و 4 بار
بالنسبه للموتور فهو البلوكه بتعته ضاعت مبقتش تنفع وده فعلا ارجح بسبب الزيت لان برده المكنه القديمه لما فوتت حطيت شيل ودى اول مره احط فيها شل فى المكنه دى بس اعمل ايه مكنتش لاقى غيره الى اكتشفته شيل مبيستحملش الجرى وبيتحرق بسرعه
بالنسبه للشاكمان فانشاء الله ناوى اجيب مع المكنه شاكمانها او شاكمان ال 2E علشان يبقى اوسع ربع بوصه وبالتالى هيدينى اداء اعلى

اقتباس:

---

المشاركة الأصلية كتبت بواسطة nesr6060

الف شكر ليكم كلكم
انا عاوز اجيب مكنه كبيره ليه لان انا معظم سواقتى على 140 علشان كدا عاوز اجيب مكنه بفتيس كبير علشان يبقى تحميل القرص على الفتيس مش الموتور يعنى يدى سرعات عاليه على Rpm قليل علشان كدا انا رجحت ال AFT , AbF لان انا شايف ان ال 2e فاشله لانها 115 hp و ال 1600 101 يبقى ال 1600 احسن بكتير

---

الفكرة مش صح
الصح ان Top speed و rpm واطى يبقى موتور السى سى بتاعه عالى عشان يبقى مرتاح
لما تبقى ماشى 180-200 بموتور 2000 سى سى غير لما تبقى ماشى نفس السرعة وبموتور 1600
وبرده مش ده بس المقياس لان ممكن موتور 1400 تكون التوب سبيد بتاعته اكتر من موتور 2000
المقياس فى حجم غرفة الاحتراق كامل ومش بس القطر ( اللى هو السى سى)

يعنى انا على ال 140 على المكنه ال 1600 القديمه كان ال Rpm على 40 فى حين ان اقصى عدد دوران للمحرك كانت 4700 معنى كدا ان 40 ده قرص
انما ال 140 على ال AFT هتبقى 35 مش 40 لانه فتيس كبير بتاع ال 1800 ده غير ان اقصى عدد دوران للمحرك 5600 يعنى حتى لو Rpm 40 مش هبقى قارص على المكنه وجايب اخرها دى وجه نظرى

اقتباس:

---

المشاركة الأصلية كتبت بواسطة mahmoudelsayed

استاذ كريم جاب المفيد ربنا يبارك فيه

الملاحظة بتاعتى وياريت ننوه بيها للجميع ان الزيت اللى كان محطوط عند احمد هوا شيل الاصفر والزيت ده بقى مضروووووووووب جدا وده نفس الزيت بردو اللى كنت حاطة لما المكنة بتاعتى قفشت وانا شاكك اصلا ان موتور احمد قفش بردو وهوا قرص عليه

ربنا يعوضك وواحده واحده فكر واختار صح و بلاش تحير نفسك وبالتوفيق

---

هو إيه موضوع شل الأصفر ومشاكل شل الأصفر ..هو شل بقى رايح في داهيه للدرجه دي ولا إيه

طبعا أنا ياحمد دائم النصح ليك بس قدر الله وماشاء فعل والحمد الله على كل حال
موضوع زيت شيل ده مشكله باه ونا ليا سبقى معاه وكمان بعض الاصدقاء نفس الموضوع
أنا فاهم انتا عاوز تعمل ايه بالنسبه للفكره بتاعدك فى أختيار نوع الماتور
أنتا كل ما هتختار ماتور السى سى بتاعه كبير كل ماهتاخد سرعه عالية على RPM منخفض
وده الى انا قلتهولك قبل كده وطبعا موضوع الشكمان لانه القديم كان بيكتملك الماتور ويسخنه كمان وبيزود عليها الحمل
طيب لو جبت ال 101 حصان و 1600CC هيديك أداء افضل من AEE بس مثلا السرعه 140كم لحد 180كم بشكل مستمر وقرص من الثبات وحرق على الغيارات هياثر عليه ألا لو مظبط الماتور وسرفس مستمر زى بتوع الراليات كده بتكلم جد
طب انتا محتجها فى السرعات ديه او لحد 160 كم مافيش مشكله بس تاخد الماتور لحد مايوصل للسرعه ديه وحده وحده slow بدون قرص وحرق وبكده عمره يطول
وربنا يوفقك أن شاء الله

بالنسبه للموضوع زيت شيل الاصفر ده رابع او خامس موتور معانا فى القسم يقفش بسبب شيل الاصفر لدرجه انا نفسى اعمل تحذير فى القسم من استخدامه و يثبت لانه بجد اثبت فشله عمرى ماشوفت زيت بيتحرق بسرعه كدا زيه

بالنسبه للموتور انا لسه قدامى 3 شهور عقبال ماركب واحد تانى ونشاء الله ناوى يبقى الموتور و التابلو مع بعض على ضفيره واحده يركبوا علشان يبقى خلصت بس ياريت الى عنده اى افكار اعملها قبل تسقيطه يقولى لسه قدامى 3 شهور
اول فكره هعملها ان هعمل عازل كامل جوا الحوض حوالين الموتور ايه رايكم فى الكلام ده ولا الكلام ده هيسخنه؟

اقتباس:

---

المشاركة الأصلية كتبت بواسطة nesr6060

يعنى انا على ال 140 على المكنه ال 1600 القديمه كان ال Rpm على 40 فى حين ان اقصى عدد دوران للمحرك كانت 4700 معنى كدا ان 40 ده قرص
انما ال 140 على ال AFT هتبقى 35 مش 40 لانه فتيس كبير بتاع ال 1800 ده غير ان اقصى عدد دوران للمحرك 5600 يعنى حتى لو Rpm 40 مش هبقى قارص على المكنه وجايب اخرها دى وجه نظرى

---

كل موتور ليه الفتيس الخاص بتاعه حتى لو شبه فى الشكل لكن ال ratio بتاعه بيكون مختلف
اللى هيحصل لو ركبت فتيس موتور 1800 على 1600 ان التوب سبيد هتزيد لكن التجميع هيقل
ولو ركبت فتيس 1600 على موتور 1800 التجميع هيزيد لكن التوب سبيد هتقل