فضيحة يونايتد جروب الدراسة وخناقة كبيرة واخر تعامل مع مراكز الصيانة
بسم الله الرحمن الرحيم: انا معايا نيو صنى بقالها معايا حوالى 5 او 6 شهور وعاملة معايا
حوالى 6100 كيلو .. مع ال3000 كيلو بدأ موضوع الصفارة مع الفرامل المزعج وروحت
مركز صيانة السبع اللى فى المعادى وصنفروا التيل ونضفوه ورجع الصوت تانى بعد يوم واحد ..
بعد كدة روحت يونايتد جروب الدراسة وصنفروا التيل ونضفوه والصوت رجع فى نفس اليوم بليل
... روحت بعد كدة فى صيانة ال5000 واخلص بقة من موضوع التيل ده وقولتلهم
انا مش همشى غير لما تشوفولى حل وكل مرة بتعملوا صنفرة وتنضيف للتيل والصوت بيروح اقل
من يوم وبيرجع تانى قالولى هنكشف ونشوف قولتلهم انا مش همشى لو اتعمل اللى بيحصل كل
مرة والصوت يرجع تانى قالولى ماشى نكشف بس .. قعدت حوالى ساعة ونص عشان العربية
تدخل حاجة منتهة قلة الادب مع انى حاجز وجاى فى ميعادى لكن والله والله بلا مبالغة اسوء
مركز صيانة شوفتوا فى حياتى منتهى اللامبالاة وقلة الادب .. العربية دخلت قعدت حوالى نص
ساعة بس جوة فهمت اللى فيها وانهم عملوا قصة كل مرة وفعلا ده اللى حصل .. قالولى احنا
كشفنا والفرامل سليمة وزى الفل ومافيش حاجة ونضفنا التيل وصنفرناه طبعا عملت مشكلة لان
ده اللى حذرت منه قبل العربية ما تدخل وفعلا حصل وعملت مشكلة ودخلت للى اسمه كريم ده
مدير الضمان بنى ادم منتهى البرود قاللى خلاص انت خد العربية واحنا هنبعت لشركة نيسان
ولو الصوت رجع تانى هنطلب منهم يبعتوا لجنة تيجى تشوف العربية وقد كان .. الصوت بليل
رجع تانى فعلا لكن بيبقى خفيف ومع الوقت بيبتدى يعلى زى الاول .. سافرت يومين واتكلمنا
اتفقنا على ميعاد اروح تكون اللجنة دى جاية فيه ويبص على العربية ونشوف ايه اللى هيتم .. مع
العلم ان صوت الصفارة اغلب الوقت بيكون موجود لكن احيانا بيبقى ضعيف بذات لو العربية
مريحة يوم مثلا او حاجة .. المهم روحت انهاردة على اساس انى هدخل علطول على اساس كلام
البنت اللى حجزت معاها انى استثناء وانى مش هعمل صيانة عادية ومش هستنى لقيتهم بيدولى
رقم كأنى حاجز صيانة عادى وهقعد استنى! قعدت شوية لقيت مافيش اى اهتمام ولا حد معبرنى
قولتلهم انا اصلا مش جاى اعمل صيانة عادى والست اللى حاجز معاها قايلالى مش هستنى
وبعد مناوشات وهرى كتير استلموا العربية وقالولى هتدخل فى خلال 10 دقايق استريح حضرتك
فوق .... طلعت فوق نزلت اوشوف ايه الدنيا بعد ساعة لقيت العربية واقفة زى ما هيا فى مكانها!
اتجننت وندهت المهندس اللى استلمها قولتله هو فى ايه انتوا بتهزروا قاللى المهندس من شركة
نيسان هييجى يجربها مع حضرتك دلوقتى!! طب اومال كنتوا من الاول مطلعنى ليه وخلتونى استنى
ساعة فوق! المهم جه المهندس بتاع نيسان اللى عملت معاه الجلاشة بعد كدة هو ومدير الضمان
ركبوا العربية وجربوها وزى ما توقعت رجعوا بيقولولى مافيش حاجة! ركبت معاهم وصوت
الفرامل كان خفيف الصفارة ماكنتش عالية لكن زى ما قولتلكوا ساعات الصوت بيبقى عالى جدا
كأن حد بيصرخ وساعات بيبقى خفيف لكن عالسرعة العالية بيبقى عالى جدا لكن مش فى كل
الاوقات لكن فى الاغلبية .. المهم المهندس راكب جنبى وبيفرمل احيانا الصفارة مش بتظهر و
احيانا بيبقى فى صفارة خفيفة لما سمعها قالى لا ده تراب عادى قولتله طب ولما هو تراب
الموضوع مش بيتحل ليه لما بتنضفوه! على حظى صوت الصفارة ماكنش راضى يعلى عشان
الراجل يتكتم لكن فى كل الاحوال انا مش رايح اتسلى معاهم انا واحد عربيتى بتصفر وانا فى
ال3000 يعنى بقالى 3000 كيلو ماشى بالقرف ده ... المهم قالى هندخل العربية ونشوف وزى
ما توقعت بعدها بربع ساعة ببص لقيت العربية واقفة تحت نزلت لقيتهم بيقولولى العربية مافيهاش
حاجة والفرامل سليمة وزى الفل!! وهنا بقة بدأت الخناقة اتجننت عليهم وكنت خلاص فاض بيا
من شوية النصابين دول تخيل لما تبقى فى مركز صيانة محترم ومدير الضمان يقولك روح اشتكى
فى خدمة العملا! قلة ادب وسفالة حاجة بصراحة والله ماشوفت كدة فى حياتى طبعا اتجننت
وزعقت لأنى اتأكدت انى مش هاخد معاهم لا حق ولا باطل وطلعت اللى جوايا لأنى مخنوق وعلى
اخرى كل مرة اروح وامشى بنفس المشكلة ودى الناهية معاهم لأنى فعلا قررت ماروحش تانى
مراكز صيانة وهقضيها مع ميكانيكى معرفة ومحترم ولا ان الواحد يقلل من نفسه مع شوية
ال.... دول ... معاملة زبالة وعدم اهتمام ولا مبالاة والعربية اتخبطت وهيا عندهم وخليتهم
يصلحوها غصب عنهم والحمدلله انى اخدت بالى من الخبطة! ياريت لو حد عنده نصيحة ليا فى
حوار الفرامل ده عشان انا فاض بيا هل تغيير التيل بنوع تانى هيحل المشكلة دى ولا لأ؟ ياريت حد
يفيدنى