ابسط الحلول للحفاظ علي ارتفاع اكسنت اربي اثناء الحموله

الموضوع ده يخص أي عربيه تعليقها بالشكل ده وبتوطي مع الحموله

http://www.hamanual.com/images/books/850/srbss1037c.gif
تعبت قوي ودوخت ناس كتيير قوي في المنتدي بخصوص الاكسنت وخدت اراء كتيير لغايه ما ربنا وفق ووصلت لعفشجي جاب الحل من الأخر

الموضوع ببساطة للي مش متابع ان العربيه لما بيركب فيها اثنين ورا او واحد مليان ..العربيه بتوطي فما بالك بقي ب3 افراد وشنط كمان

المهم رحت للعفشجي وتم عمل الاتي:-0
اولا دي العربيه من تحت

1:الاكس 2المساعد 3:السوست وراكب ليها جلب من فوق ومن تحت

http://www.hamanual.com/images/books/850/srbss1037c.gif

وده المساعد
http://www.hamanual.com/images/books/850/synss0023l.gif
وطبعا زي ما انتوا شايفين ان مينفعش يتحط له صدادة لانه لازم يتقطع ويتلحم تاني
وللي مش عارف الصدادة دي عبارة عن حاجه عمله زي الدبله بس كاوتش بتخش في عمود المساعد عشان ميضغطش للأخر فتخلي العربيه عليه في الحمولة

اما دي فهي السوسته
http://www.hamanual.com/images/books/850/srbss1036c.gif
زي ماانتو شايفين 1:جلبه عليا ومعاها صدادة كاوتش
2 الياي 3 جلبه سفليه

طب ماهو في صدادة اهي ايه المشكلة بقي؟؟؟

المشكلة ان الصدادة دي قصيرة

طب نعمل ايه؟؟ نطولها شويه وكل لم تطول الانخفاض هيقل لكن علي حساب نشوفيه العربيه

وده اللي اتعمل

راح العفشجي مركب صدادة سفليه قصدها في المكان اللي في النص ده من تحت وبكده العربيه معدتش بتوطي في الحمولة

طب الفتحه دي معملوه عشان صداده سفليه تركب فيها ولا ليه؟؟؟

معموله عشان تصافي المياة لو دخلت هنا ومع ذلك هو طمني وقال لي ان في فتحات كتيير غير دي عشان المياة تتصفي برده

شكرا ليكم جميعا

وجاري التجربه ومتابعه هذا التغيير

متابع باهتمام

العربيه عليت يا ساده والحمد لله
طبعا مقدرش اعدي مطب عادي كده لازم اهدي جدا زي ما كنت متعود لكن مفيش خبط والحمد لله
التكلفة بسيطة جدا

العيوب
كان نفسي لو فرملت في المعقول وكان معايا حموله وكلت مطب الناعم كده يعني ميخبطش

اللي ورا في أي مطب هوائي(جزء منخفض في الطريق يخلي العربيه تنط من مكانها) بيتشال وينزل
كأني نشفت العفشه شويه بس ارحم بكتير من الاول

التقييم النهائي :
نسبه التحسن 55 % عن الاول
الثقه في العربيه اثناء الحموله 70 % بدلا من 25%

هل الموضوع ده ينفع للألنترا md برضه ولا لأ ؟

اقتباس:

---

المشاركة الأصلية كتبت بواسطة mr a7med

هل الموضوع ده ينفع للألنترا md برضه ولا لأ ؟

---

العفشجي قال لي انا زي عربيتك بالظبط

قولت له اكنست ولا النترا

فكر شويه وقال لي النترا

معني كده انها تنفع:018a1d~146:

أنا عاملها في الانترا 2009 نسبة الأحتكاك في المطبات وأنا معايا حمولة قلت بنسبة 80% عن الأول بس علي حساب نشوفية العربية حاجة بسيطة بس أرحم من الاول بكتير والعلاية اللي ركبتها بتاعة سوزوكي حديد لكن ممكن نجيب العلاية الكاوتش بدلا من الحديد عشان النشوفية تقل

اقتباس:

---

المشاركة الأصلية كتبت بواسطة roland_yamaha

أنا عاملها في الانترا 2009 نسبة الأحتكاك في المطبات وأنا معايا حمولة قلت بنسبة 80% عن الأول بس علي حساب نشوفية العربية حاجة بسيطة بس أرحم من الاول بكتير والعلاية اللي ركبتها بتاعة سوزوكي حديد لكن ممكن نجيب العلاية الكاوتش بدلا من الحديد عشان النشوفية تقل

---

حضرتك عملت علايات ...ودي مش اللي معمول في الموضوع هنا اللي راكب صداده مش علايه

يعني العربيه متعلاش ....ولا توطي

الفرق بيني وبينك إن عندي في الالنترا ركبت علاية علي الجلبة الكاوتش في أعلي السوست لكن انت من اللي فهمته انك مركب جلبة كاوتش من أسفل السوست بس أتخن من الأستوك صح كده؟

معايا اكسنتmc ومش بشتكي من الارتفاع اكتر من شكوتي من مطبات الهوا هل لما عملت كده الاحساس بمطبات الهوا زاد ولا قل ( بالنسبة للركاب اللي ورا)

اقتباس:

---

المشاركة الأصلية كتبت بواسطة michohat

معايا اكسنتmc ومش بشتكي من الارتفاع اكتر من شكوتي من مطبات الهوا هل لما عملت كده الاحساس بمطبات الهوا زاد ولا قل ( بالنسبة للركاب اللي ورا)

---

مطبات الهوا مرتبطة بنفس مشكلة الحكة فى المطبات
الفكرة كلها فى سوست ومساعدين ضعاف على وزن العربية
بمجرد ما تحمل على الكنبة بتحك ومع السرعات العالية ومطبات الهوا العربية بتطلع وتنزل على مساعد وسوست ضعيفة فتظهر المشكلة
وبالخص السوست
ارخص حل هو العلايات بتصغر مدى السوست
افضل حل تغير السوست بواحدة اقوى زى السيراتو الشكل القديم او اى سوست اقوى وتظبطها على نفس المقاس

[QUOTE=michohat;3875751690]معايا اكسنتmc ومش بشتكي من الارتفاع اكتر من شكوتي من مطبات الهوا هل لما عملت كده الاحساس بمطبات الهوا زاد ولا قل ( بالنسبة للركاب اللي ورا)[


انا عارف كويس انت بتتكلم عن ايه لان الموضوع ده كان عندي واختفي بمجرد ما غيرت االمساعدين تبع الضمان لان قالوا لي ان ده عيب العربيه نزله بيه وعشان ككده غيروا المساعدين لزيت بدل من غاز والغاز هو اللي كان عامل المشكلة دي مع السوست الضعيفه

انت محتاجد تروح لعفشجي كويس عشان متتفعش فلوس علي الفاضي او تكلف نفسك اكثر بدون داعي لان المشكلة اللي عندك ممكن يكون خح حلها في السوست انها تتغير افضل من المساعد عشان لو السوست ضعيفه بتخلي المساعد يستجيب اكتر ويعمل الحركه دي اما لو غيرت المساعد زي ما انا عملت فممكن تلاقي مشكلة انخفاض العربيه

ولو ان من كلامك بتقول ان العربيه مبتوطاش في الحموله يعني معني كده ان المساعد بتهيألي تمام وسلم

اقتباس:

---

المشاركة الأصلية كتبت بواسطة roland_yamaha

الفرق بيني وبينك إن عندي في الالنترا ركبت علاية علي الجلبة الكاوتش في أعلي السوست لكن انت من اللي فهمته انك مركب جلبة كاوتش من أسفل السوست بس أتخن من الأستوك صح كده؟

---

http://www.kspec.com/img/suspension/md_torsion.jpg

بص علي رابع صورة كده هتلاقي عفشه الاكسنت فيها ان السوسته فاضيه من جوه مش جواه المساعد لكن جواها كاوتشه بيسموها صداداة سوست
في بقي طبق تحت بيقابل الصداده دي
انا بقي ركبت واحده زيها تقريبا في الطبق ده عشان الصدادتين يقبلوا بعض

اظن كده وضحت اكتر

اقتباس:

---

المشاركة الأصلية كتبت بواسطة amagroup

العفشجي قال لي انا زي عربيتك بالظبط

قولت له اكنست ولا النترا

فكر شويه وقال لي النترا

معني كده انها تنفع:018a1d~146:

---

تمت التجربه وعملتها عندى فعلا
رحت امبارح لعفشجى معرفه وعرفته اللى هيتم وجبت 2 صداده كاوتش ودى اتركبت جوه السوسته من تحت بحيث تقلل مشوار السوسته من الأنضغاط لاخر يعنى العربيه ارتفاعها زى ما هو بدون اى تغيير فيه كل الحكايه انى خليت العربيه تبقى بنفس الأرتفاع مع التحميل
وتم التركيب بس قعدت فتره لغاية اما اتظبطت لأن كان فى صوت رزع جامد اوى مع اى حفره او مطب وانت نازل منه
كذا مره اطلع اجرب العربيه انا وهو لغاية اما ظبطها خالص والرزع اختفى بشكل شبه كامل
احيانا بسمع تزييقه خفيفه اوى دلوقتى
وتمت التجربه النهارده من السفر من الأسماعيليه الى القاهره ولسه واصل من شويه والعربيه فيها 5 اشخاص بالغين وطفل صغير والشنطه كمان محمله والصراحه كنت مقلق جامد وخايف يحصل حاجه والحمدلله العربيه تمام والحك اختفى تمااااماااااا مع التحميل الجامد ده مع مطبات كنت متعود منها دايما تحك مع التحميل فردين بس كمان
وكنت طول الطريق ماشى على سرعه 120 تقريبا وعملتلى بتاع 6 غرز كده اجرب العربيه وزى الفل ولا تعويم او اى حاجه مختلفه عن العادى قبل ما اركب الصدادات

العربيه على فكره النعومه بتاعتها زى ما هى مش حاسس بأختلاف كبير اوى يعنى

التكلفه دخلت معايا فى 120 جنيه شامله المصنعيه وتمن الصددات

تحياتى ليك

طب يا جماعه الصدادات دي ايه عيوبها وعادي اركبها في الالنترا hd ؟ لان الالنترا hd برضو مع التحميل برضو بتوطي جدا وبتحك

من غير زعل انا شايف تغيير السوست هو الحل

[QUOTE=amagroup;3875751985]

اقتباس:

---

المشاركة الأصلية كتبت بواسطة michohat

معايا اكسنتmc ومش بشتكي من الارتفاع اكتر من شكوتي من مطبات الهوا هل لما عملت كده الاحساس بمطبات الهوا زاد ولا قل ( بالنسبة للركاب اللي ورا)[


انا عارف كويس انت بتتكلم عن ايه لان الموضوع ده كان عندي واختفي بمجرد ما غيرت االمساعدين تبع الضمان لان قالوا لي ان ده عيب العربيه نزله بيه وعشان ككده غيروا المساعدين لزيت بدل من غاز والغاز هو اللي كان عامل المشكلة دي مع السوست الضعيفه

انت محتاجد تروح لعفشجي كويس عشان متتفعش فلوس علي الفاضي او تكلف نفسك اكثر بدون داعي لان المشكلة اللي عندك ممكن يكون خح حلها في السوست انها تتغير افضل من المساعد عشان لو السوست ضعيفه بتخلي المساعد يستجيب اكتر ويعمل الحركه دي اما لو غيرت المساعد زي ما انا عملت فممكن تلاقي مشكلة انخفاض العربيه

ولو ان من كلامك بتقول ان العربيه مبتوطاش في الحموله يعني معني كده ان المساعد بتهيألي تمام وسلم

---

طيب هل في سوست نوعها كويس ومعروفه وكويسة لاني دورت ومش لقيت و لما سئلت حماده غزي لقيت عنده سوست مناسبه بس ب 1600 جنيه

في كاوتشات زي صدادات بتركب بين حلقات السوسته زي اللي لونها اصفر في الصورة دي هل حد شافها؟؟
http://imageshack.com/f/hjMkcpKVj][I...631/MkcpKV.jpg

http://s15.postimg.org/4vq09cznf/100...ox_default.jpg

اقتباس:

---

المشاركة الأصلية كتبت بواسطة michohat

http://s15.postimg.org/4vq09cznf/100...ox_default.jpg

---

حاولت اوصل لها معرفتش ولو اني اعتقد انها هتحقق نفس الفكرة اللي انا عملتها

هل الحكاية دي تنفع مع ريو 2015 انا قرفان من حكاية الحك في المطبات

اقتباس:

---

المشاركة الأصلية كتبت بواسطة mr a7med

تمت التجربه وعملتها عندى فعلا
رحت امبارح لعفشجى معرفه وعرفته اللى هيتم وجبت 2 صداده كاوتش ودى اتركبت جوه السوسته من تحت بحيث تقلل مشوار السوسته من الأنضغاط لاخر يعنى العربيه ارتفاعها زى ما هو بدون اى تغيير فيه كل الحكايه انى خليت العربيه تبقى بنفس الأرتفاع مع التحميل
وتم التركيب بس قعدت فتره لغاية اما اتظبطت لأن كان فى صوت رزع جامد اوى مع اى حفره او مطب وانت نازل منه
كذا مره اطلع اجرب العربيه انا وهو لغاية اما ظبطها خالص والرزع اختفى بشكل شبه كامل
احيانا بسمع تزييقه خفيفه اوى دلوقتى
وتمت التجربه النهارده من السفر من الأسماعيليه الى القاهره ولسه واصل من شويه والعربيه فيها 5 اشخاص بالغين وطفل صغير والشنطه كمان محمله والصراحه كنت مقلق جامد وخايف يحصل حاجه والحمدلله العربيه تمام والحك اختفى تمااااماااااا مع التحميل الجامد ده مع مطبات كنت متعود منها دايما تحك مع التحميل فردين بس كمان
وكنت طول الطريق ماشى على سرعه 120 تقريبا وعملتلى بتاع 6 غرز كده اجرب العربيه وزى الفل ولا تعويم او اى حاجه مختلفه عن العادى قبل ما اركب الصدادات

العربيه على فكره النعومه بتاعتها زى ما هى مش حاسس بأختلاف كبير اوى يعنى

التكلفه دخلت معايا فى 120 جنيه شامله المصنعيه وتمن الصددات

تحياتى ليك

---

نوع الصدادات دي ايه أو اسمها بعد اذنك؟

اقتباس:

---

المشاركة الأصلية كتبت بواسطة roland_yamaha

نوع الصدادات دي ايه أو اسمها بعد اذنك؟

---

هى مالهاش نوع محدد يعنى
هى لونها اصفر ومعموله من الكاوتش كان مكتوب على الكيسه k100

اقتباس:

---

المشاركة الأصلية كتبت بواسطة mr a7med

هى مالهاش نوع محدد يعنى
هى لونها اصفر ومعموله من الكاوتش كان مكتوب على الكيسه k100

---

طب لما روحت تشتريها قلت للراجل ايه؟

اقتباس:

---

المشاركة الأصلية كتبت بواسطة roland_yamaha

طب لما روحت تشتريها قلت للراجل ايه؟

---

انا مشترتش العفشجي سبني لمده 5 دقايق وراح جبهم
للاسف معرفش اسمها ايه
هما عباره عن كوتشه كده عامله زي القرطاس بس نازله مسحوبه
هو بقي قطع منهم حته من الناحيه الرفيعه عشان يكون لها بوز عريض عشان تقابل الصداده الاصليه اللي قصدها وراح جاي علي القاعده وزرع فيها مسمار بدون راس(حديده قلاوظ بس)

ومعاها صاموله

ركبها في العربيه وربط عليها

موضوع مهم