محتار في نوع الديب فريزر أرجو النصيحة

السلام عليكم ورحمة الله وبركاته

نويت أشتري ديب فريزر راسي

طبعاً افضل ماركة موجودة هي توشيبا لكن غير متوفر وبيتباع سوق سوداء ب 3500 جنيه
طبعا كمسالة مبدا مش حشتريه باغلي من سعره الرسمي اللي هو 2740 وان حد يحط في جيبه 750 جنيه زيادة من فلوسي اونطة فوق مكسبه كمان

المهم

الانواع الموجودة كريازي جيد لكن تقفيله سئ جدا جدا تحس انه معكوك

الاسكا صغير وصيانته فيها مشاكل

وايتويل غالي علي امكاناته وخاماته ضعيفة

اخيرا توصلت لديبفريزر زانوسي سعره 3220 تقفيله جديد ومساحته مقبولة

المشكلة هي ان في ناس مخوفني من الصيانة بتاعة شركة زانوسي (اوليمبك جروب)


فلو حد من حضراتكم يقدر ينصحني بلافضل اكون شاكر


تحياتي

ارستون كويس برضو

اقتباس:

---

المشاركة الأصلية كتبت بواسطة 7oda.mohamed

ارستون كويس برضو

---

بس غالي جدا 4900 جنيه

وايت بوينت واحسن من توشيبا كمساحه ادراج وشكله شيك

لو شوفت توشيبا على الطبيعه هتلاقي ادارجه صغيره بالمقارنه بوايت بوينت

اريستون

لسه جايب توشيبا 5 درج ورف من اسبوعين 3300 وعارف انه غالي بس جبته علشان ضمانه 10 سنين ومعقول جدا مش ضيق ولا حاجة، ولما روحت معرض توشيبا علشان اسال عليه قالو مش موجود وهتلاقيه بصعوبه وممكن سعره يوصل على العيد 4000 جنيه. وكنت محتار بينه وبين زانوسي التركي 6 درج بس قلقت من الترموستات الديجتال وانه مستورد وقطع الغيار والكلام دا ومن ضمان أوليمبك 5 سنين على فكرة الزانوسي 6 درج في عمر افندي 3090 اللون الأبيض.
قبلها كنت سألت اثنين من بتوع الصيانة كنت بتعامل معاهم في تصليح أجهزة منزلية قالولي توشيبا لو لاقيته أو الاسكا دي فروست مش نو فروست مع ان فيه فرق شاسع بين الاثنين في السعر حوالي 900 جنيه بس قالو دول احسن حاجتين وصيانتهم سهلة. وفي النهاية صليت استخارة وجبت بعدها التوشيبا.

السلام عليكم
لو حضرتك ممكن تصبر شويه ممكن تزور أي معرض من توشيبا و تسيب إسم حضرتك في قائمه إنتظار و أول ما بينزل بيكلموا حضرتك و بتدفع فقط السعر الرسمي بدون زياده و ده حصل معايا في خلال إسبوع

لو الفكره ديه مش ممكنه...ممكن حضرتك تشوف نوع إسمه بيكو...ماركه تركي جيده في السعر و الجوده
بس بصراحه أنا لم أجربها و لكن شاهدت كثير من منتجاتها و مستوي تقفيلها

ربنا يكتب لحضرتك الخير و مبروك مقدما

جزاكم الله خيرا

توشيبا موجود وفوق الممتازروح اسواق عبد العزيز فى مدينه نصر موجود هناك كا الالوان ماعدا السلفر بالحجز والسعر بتعهم 2899 ده الخمسه درج ورف بس الرف كبير ب = درج
سيبك من التيلفون متكلمهمش فى التيليفون المعرض قريب من النادى الاهلى والتوصيل مجانا لآى مكان
بس حاول تنجز عشان انت داخل على موسم لحمه والناس بتبقى عاوزه تخزن ف بيزيد الطلب
ربنا معاك وابقى طمنى عملت ايه

بعد بحث حوالى اسبوعين توشيبا اكنه مخدرات ولما لقيته لقيته صغير جدااااااااااااااااااااااا افضلهم من وجهه نظرى زانوسى افضلهم كمساحه وصيانه والحمد لله اشتريته من اسبوع تقريبا

انا عندي تلاجة زانوسي من اكتر من سنتين بضمان اوليمك جروب هي الصراحة زي الفل و تقريبا معملتش مشاكل الا مرة واحدة من حوالي شهر التلاجة مش راضية تشتغل خالص, كلمتهم تاني يوم كانوا عندي و الراجل بتاع الصيانه اللي كلمتوا في التيلفون خد مني توصيف العيب بالضبط و جي تاني يوم و غير التايمر في اقل من 10 دقائق و قالي ان باظ نتيجة الكهرباء اللي بتقطع و ترددها اللي مش مضبوط, بس غيرلي التايمر و حسبه من الضمان (5 سنين) و ما خدش ولا مليم
بضراحة عاجبني الصيانه و خدمة العملاء بتاعتهم بيتصرفوا بسرعة و فاهمين شغلهم كويس

انا كمان في نفس مشكلة بدور علي توشيبا 7 درج

اقتباس:

---

المشاركة الأصلية كتبت بواسطة mohamed hussei

انا كمان في نفس مشكلة بدور علي توشيبا 7 درج

---

مفيش توشيبا 7 درج هما مودلين
5 درج ورف
4 درج ورف

اقتباس:

---

المشاركة الأصلية كتبت بواسطة mohamed hussei

انا كمان في نفس مشكلة بدور علي توشيبا 7 درج

---

مفيش 7 درج توشيبا
5 و رف او 4 و رف

طب اية احسن نوع لو ملقناش توشيبا ؟

اقتباس:

---

المشاركة الأصلية كتبت بواسطة mohamed hussei

طب اية احسن نوع لو ملقناش توشيبا ؟

---

مش هقدر افترض الافتراض ده
لآنه موجود فعلا وبالسعر اللى ده فى المكان اللى قلتلك عليه
لازم تاخد قرارك بسرعه اكبر من كده عشان انت داخل على موسم

ديب فريزر سبعة درج زانوسي التركي بضمان اوليمبيك
بصراحة الضمان والخدمة بعد البيع اكتر من ممتازة
وشوف الموضوع دا هيفيدك
http://forums.fatakat.com/thread4253440

كنت فى نفس حيرتك
واتوكلت على الله وشوفت الزانوسى 7 درج وعجبنى جدا ومساحته ممتازه
واشتريت اللون الابيض منه لان اللون السلفر كان خلصان
والحمدلله اختيار موفق
وضمان اولمبيك كويس جداااا عن تجربه معاهم فى السخان وبيستجيبوا بسرعه

انا عندى زانوسى 7 درج بقالو سنة محترم جدااا وكان تقريبا 3250

اقتباس:

---

المشاركة الأصلية كتبت بواسطة abo yasso

مش هقدر افترض الافتراض ده
لآنه موجود فعلا وبالسعر اللى ده فى المكان اللى قلتلك عليه
لازم تاخد قرارك بسرعه اكبر من كده عشان انت داخل على موسم

---

طب هات رقم تليفون المحل و العنوان بالظبط

اقتباس:

---

المشاركة الأصلية كتبت بواسطة abo yasso

توشيبا موجود وفوق الممتازروح اسواق عبد العزيز فى مدينه نصر موجود هناك كا الالوان ماعدا السلفر بالحجز والسعر بتعهم 2899 ده الخمسه درج ورف بس الرف كبير ب = درج
سيبك من التيلفون متكلمهمش فى التيليفون المعرض قريب من النادى الاهلى والتوصيل مجانا لآى مكان
بس حاول تنجز عشان انت داخل على موسم لحمه والناس بتبقى عاوزه تخزن ف بيزيد الطلب
ربنا معاك وابقى طمنى عملت ايه

---

اقتباس:

---

المشاركة الأصلية كتبت بواسطة mohamed hussei

طب هات رقم تليفون المحل و العنوان بالظبط

---

16 شارع الطاقه - مدينه نصر - القاهره - مصر
التليفونات 02-24704071 - 02-24726292 - 01225080521 - 02-24720383
التصنيف اجهزه كهربائيه - اجهزه منزليه
بأكد تانى سيبك من التيلفون والكلام اللى فى التيلفون
روح المعرض وادفع واحجز وانت واقف الارقام اللى موجوده دى الاداره

انا اشتريت وايت ويل محترم جدا روح اتفرج عليه وشوف تقفيله عامل ازاى

اقتباس:

---

المشاركة الأصلية كتبت بواسطة mo7a_mo7a

بس غالي جدا 4900 جنيه

---

الارستون
لو تعرف تجيبه من اسواق المنطقه الحرة
بيفرق مبلغ كبير


عموما
عندى وايت بوينت جميل وصوته هادى وحجمه كبير
7 درج فى حدود ال3200 وممكن اقل

حط فى اعتباراتك نوع اسمه بيكو
ماركة محترمة جدا ومعروفة عالميا ولهم مركز صيانة فى مصر

انا كنت فى نفس مشكلتك
و بقيت اشترى اون لاين من cairo sale بنفس السعر مع التوصيل مجانا و توشيبا موجود
الاربعة درج
توشيبا فريزر نو فروست 195لتر 4 درج GF-18H – القاهرة للمبيعات – TOSHIBA مصر
الخمسة درج
توشيبا ديب فريزر 5درج + رف نوفروست GF-22H – القاهرة للمبيعات – TOSHIBA مصر
اطلبهم و هيوصلو لحد البيت

أمانة عليك يا شيخ بلاش كريازي حتى لو حتشتري منهم حنفية
خدمة العملاء تحسهم ناس جايه عشان البقشيش
الثلاجة عندي كريازي وصوتتها عالي جدا جم مرة بيحركوا التلاجة بيقولي : ان المفروض محركهاش بس عشان حضرتك يا فندم :)

نيجي للانواع التانية
توشيبا على الرغم انه حلو فهو صغير جدا على ديب فريزر اتعمل عشان التخزين وصدقني برضه المدام حتشتكي لك ان الديب فريزر مليان ومش لاقيه مكان تحط فيه حاجه
متتخيلش ان حجم الديب فريزر لما بتفتحه انك حتملاه لحمه وفراخ :) :) فتتخيل انه يشيل 100 فرخة مثلا Absolutely

بمجرد ما الديب فريزر بييجي بيتشال فيه حلل وتخزين كل ما تتخيله وما لا تتخيله من خضار وطماطم وفاكهة موسمية ولحوم وسمك وحتى الشوربة المجمدة

عشان كده هات الاكبر زي مانا عملت : Zanussi فريزر 7 درج تركي
بعد سنة استخدام لاحظت انه بديني Low Freezing
جت الصيانة تاني يوم وضبطت الدنيا وكان العيب مروحة مش اكتر وشغال زي الفل
صيانتهم في منتهى الادب والاحترام
انصحك بيه

اولا انا سعيد جداً جداً بالتفاعل الكريم ده
وبشكر كل اللي شاركوا في الموضوع بالنصيحة المخلصة
تحياتي لكل الزملاء الافاضل


وعلشان ابشركم ... المشكلة الحمد لله اتحلت واشتريت بالفعل


ولكي تعم الفائدة اسمحولي انقل التجربة بالتفصيل علشان ناس اكتر تستفيد من التجربة دي




انا بدابة قسمت الماركات لفئتين
اولا ماركات مقبولة حختار منها:
توشيبا
زانوسي
ارستون
وايت بوينت
وايت ويل
سامسونج



ثانيا ماركات مستبعدة تماماً:
الكتروستار : السبب ان شكله مش عاجبني
كريازي: لان التقفيل سئ جداً جداً جداً ممكن يكون الموديلات الاقدم احسن لكن الحالي مش كويس ابداً
يونيفرسال: ليا صديق بيشتغل في المصنع وقالي بلاش لان الصيانة بتاعتهم مش كويسة وعندهم مشاكل كتير في الموضوع ده لدرجة ان الشركة بتبيع بعض المنتجات بدون ضمان!
ألسكا: هي شركة جيدة ومنتجاتها محترمة لكن بردو الشكل مش مقنع وكمان التكنولوجيا اقدم شوية



وبدات الخطوة الاصعب اللي هي المقارنة

أولا توشيبا:
هو كان اختياري الاول وبقالي مدة طويلة بدور عليه ومش لاقيه ابداً
ورحت فرع الشركة في ش فؤاد ومجاش يقاله اكتر من 3 شهور وموجود عند بعض الموزعين بسعر 3500 للخمس ادراج
((ولاني من الاسكندرية فكل الحلول اللي اقترحوها الزملاء عن شارع عبد العزيز ومدينة نصر والشراء الالكتروني لا تناسبني – ولهم جزيل الشكر طبعاً))

ثانياً زانوسي:
معنديش معاه مشكلة بالعكس شكله حلو جداً وشيك ومساحته رائعة وممكن اشتريه من الشركة والتوصيل مجاناً وسعره 3220 للابيض 7 درج والضمان كويس والشركة معروفة ومتجرب

ثالثاً وايت بوينت:
مش موجود كتير وهو هو نفس الزانوسي فمفيش الحاح اني ادور عليه

رابعاً وايت ويل:
ماركة مش وحشة وانا عندي منتجات ليها ومش بطالة بس تصميم الديب فريزر مش منافس وكنز شوية واقل في الحجم بسيط

خامساً سامسونج وارستون:
خرجتهم من المقارنة علشان السعر غالي وفوق الميزانية اللي انا محددها

وبالتالي التصفية الاولي نتج عنها
زانوسي


وفي يوم رحت لمعرض قريب من البيت قلت اسال علي السعر لو لقيته اقل من الشركة يكون احسن وهناك صاحب المعرض قالي متاخد ديب فريزر فرش!
بصراحة انا مكنتش اعرف انهم بيعملوا ديب فريزر
المهم اتفرجت عليه ولاحظت انه هو هو نفس الديب فريزر بتاع زانوسي ووايت بوينت ويونيفرسال وكمان تركي وارخص لان سعره 3050 للكبير 7 درج ابيض
وكمان لاحظت ان حتى الملصقات الداخلية والتحذيرية اللي موجودة علي الاجهزة متطابقة ونفس الشكل والطباعة واحدة ودي مش ممكن تكون صدفة
فلما سالت صاحب المعرض قالي اصلهم كلهم بيتعملوا في مصنع واحد في تركيا
فقررت اجيب قرار الموضوع ده وافهمه كويس
فقعدت قعدة محترمة علي النت لمدة 4 ساعات واكتشفت الاتي:
انهم كلهم (زانوسي ووايت بوينت ويونيفرسال وفرش) بيتصنعوا في نفس المصنع في تركيا فعلاً وهو اسمه Arçelik A.Ş وهو من اكبر الشركات هناك اتاسست سنة 1955 وفيها 25 الف عامل
وكل الشركات المصري بتجيب الديب فريزر من هناك وبيحطوا عليه العلامة بتاعتهم فقط والفرق بين الجهاز والتاني يبقي في اسم الشركة والصيانة وبعض الاختلافات البسيطة في مواصفات الموتور فقط!!!

طبعاً كانت مفاجأة بالنسبالي وبالتالي قررت اجيب فرش لانه ارخص لكني قلقت من ان يكون الموتور بمواصفات اقل خاصة ان مكتوب عليه انه بيستهلك كهرباء 27 كيلو وات في الشهر وزانوسي 45 كيلو وات
وفي نفس اليوم عملت زيارة لكارفور ولقيت هناك ماركة لفتت انتباهي هي بيكو (BEKO) والغريب انها من انتاج نفس الشركة التركي Arçelik A.Ş بس بمواصات اعلي شوية وشكل اجمل وهو بصراحة عجب زوجتي اكتر
واخدت قرار الشراء بسعر 3179 سبع ادراج فضي ضمان 5 سنوات غير شامل الكابينة والادراج والارفف
العيب الاساسي ان الجهاز مش موجود وده مجرد حجز ومنتظر يوصل خلال اسبوع وطبعا انا في الانتظار

ارجو اني اكون وصلت التجربة بامانة ومصداقية وان يكون ناس كتير استفادت

خالص التحية

مبروك مقدما

وابقي اعمل تقرير عنه
لانه مجهول للكثيرين
وانقل انطباع حضرتك عنه
كتشغيل وصوت موتور


https://www.facebook.com/bekoegypt?fref=ts

اقتباس:

---

المشاركة الأصلية كتبت بواسطة mo7a_mo7a

اولا انا سعيد جداً جداً بالتفاعل الكريم ده
وبشكر كل اللي شاركوا في الموضوع بالنصيحة المخلصة
تحياتي لكل الزملاء الافاضل


وعلشان ابشركم ... المشكلة الحمد لله اتحلت واشتريت بالفعل


ولكي تعم الفائدة اسمحولي انقل التجربة بالتفصيل علشان ناس اكتر تستفيد من التجربة دي




انا بدابة قسمت الماركات لفئتين
اولا ماركات مقبولة حختار منها:
توشيبا
زانوسي
ارستون
وايت بوينت
وايت ويل
سامسونج



ثانيا ماركات مستبعدة تماماً:
الكتروستار : السبب ان شكله مش عاجبني
كريازي: لان التقفيل سئ جداً جداً جداً ممكن يكون الموديلات الاقدم احسن لكن الحالي مش كويس ابداً
يونيفرسال: ليا صديق بيشتغل في المصنع وقالي بلاش لان الصيانة بتاعتهم مش كويسة وعندهم مشاكل كتير في الموضوع ده لدرجة ان الشركة بتبيع بعض المنتجات بدون ضمان!
ألسكا: هي شركة جيدة ومنتجاتها محترمة لكن بردو الشكل مش مقنع وكمان التكنولوجيا اقدم شوية



وبدات الخطوة الاصعب اللي هي المقارنة

أولا توشيبا:
هو كان اختياري الاول وبقالي مدة طويلة بدور عليه ومش لاقيه ابداً
ورحت فرع الشركة في ش فؤاد ومجاش يقاله اكتر من 3 شهور وموجود عند بعض الموزعين بسعر 3500 للخمس ادراج
((ولاني من الاسكندرية فكل الحلول اللي اقترحوها الزملاء عن شارع عبد العزيز ومدينة نصر والشراء الالكتروني لا تناسبني – ولهم جزيل الشكر طبعاً))

ثانياً زانوسي:
معنديش معاه مشكلة بالعكس شكله حلو جداً وشيك ومساحته رائعة وممكن اشتريه من الشركة والتوصيل مجاناً وسعره 3220 للابيض 7 درج والضمان كويس والشركة معروفة ومتجرب

ثالثاً وايت بوينت:
مش موجود كتير وهو هو نفس الزانوسي فمفيش الحاح اني ادور عليه

رابعاً وايت ويل:
ماركة مش وحشة وانا عندي منتجات ليها ومش بطالة بس تصميم الديب فريزر مش منافس وكنز شوية واقل في الحجم بسيط

خامساً سامسونج وارستون:
خرجتهم من المقارنة علشان السعر غالي وفوق الميزانية اللي انا محددها

وبالتالي التصفية الاولي نتج عنها
زانوسي


وفي يوم رحت لمعرض قريب من البيت قلت اسال علي السعر لو لقيته اقل من الشركة يكون احسن وهناك صاحب المعرض قالي متاخد ديب فريزر فرش!
بصراحة انا مكنتش اعرف انهم بيعملوا ديب فريزر
المهم اتفرجت عليه ولاحظت انه هو هو نفس الديب فريزر بتاع زانوسي ووايت بوينت ويونيفرسال وكمان تركي وارخص لان سعره 3050 للكبير 7 درج ابيض
وكمان لاحظت ان حتى الملصقات الداخلية والتحذيرية اللي موجودة علي الاجهزة متطابقة ونفس الشكل والطباعة واحدة ودي مش ممكن تكون صدفة
فلما سالت صاحب المعرض قالي اصلهم كلهم بيتعملوا في مصنع واحد في تركيا
فقررت اجيب قرار الموضوع ده وافهمه كويس
فقعدت قعدة محترمة علي النت لمدة 4 ساعات واكتشفت الاتي:
انهم كلهم (زانوسي ووايت بوينت ويونيفرسال وفرش) بيتصنعوا في نفس المصنع في تركيا فعلاً وهو اسمه Arçelik A.Ş وهو من اكبر الشركات هناك اتاسست سنة 1955 وفيها 25 الف عامل
وكل الشركات المصري بتجيب الديب فريزر من هناك وبيحطوا عليه العلامة بتاعتهم فقط والفرق بين الجهاز والتاني يبقي في اسم الشركة والصيانة وبعض الاختلافات البسيطة في مواصفات الموتور فقط!!!

طبعاً كانت مفاجأة بالنسبالي وبالتالي قررت اجيب فرش لانه ارخص لكني قلقت من ان يكون الموتور بمواصفات اقل خاصة ان مكتوب عليه انه بيستهلك كهرباء 27 كيلو وات في الشهر وزانوسي 45 كيلو وات
وفي نفس اليوم عملت زيارة لكارفور ولقيت هناك ماركة لفتت انتباهي هي بيكو (BEKO) والغريب انها من انتاج نفس الشركة التركي Arçelik A.Ş بس بمواصات اعلي شوية وشكل اجمل وهو بصراحة عجب زوجتي اكتر
واخدت قرار الشراء بسعر 3179 سبع ادراج فضي ضمان 5 سنوات غير شامل الكابينة والادراج والارفف
العيب الاساسي ان الجهاز مش موجود وده مجرد حجز ومنتظر يوصل خلال اسبوع وطبعا انا في الانتظار

ارجو اني اكون وصلت التجربة بامانة ومصداقية وان يكون ناس كتير استفادت

خالص التحية

---

الف مبروك مقدما

اقتباس:

---

المشاركة الأصلية كتبت بواسطة أبو ياسين

انا كنت فى نفس مشكلتك
و بقيت اشترى اون لاين من cairo sale بنفس السعر مع التوصيل مجانا و توشيبا موجود
الاربعة درج
توشيبا فريزر نو فروست 195لتر 4 درج gf-18h – القاهرة للمبيعات – toshiba مصر
الخمسة درج
توشيبا ديب فريزر 5درج + رف نوفروست gf-22h – القاهرة للمبيعات – toshiba مصر
اطلبهم و هيوصلو لحد البيت

---

قبل ما اشترى التوشيبا كلمتهم لآنى ساكن جمبهم معندهمش ال خمسه درج وجبته من اسواق عبد العزيز والتوصيل مجانا

الف شكر علي مباركة الزملاء وزوقهم
وان شاء الله اعمل تقرير بعد الاستلام والتجربة

اقتباس:

---

المشاركة الأصلية كتبت بواسطة mo7a_mo7a

الف شكر علي مباركة الزملاء وزوقهم
وان شاء الله اعمل تقرير بعد الاستلام والتجربة

---

يا ريت لو عملت تقرير منفصل تحط اللينك بتاعه فى الموضوع هنا

انا لا اعتراض على حاجه لاحظتها لانى بدور وعامل موضوع برضه

صحيح الوايت بوينت واليونفرسال والزانوسى زى بعض بس فى اختلاف بسيط فى قفله الباب لانه مغطى الشاشه بتاعه الحراره
وكمان الكباسات كلها واحده!!!

تالكريازى لقيت انا منه بادارج شفافه واستانلس من بره وشاشه دجتال فى الوسط وازرار لمس اول مره اشوفه دا وحش برضه؟