مشكله فى استهلاك البنزين فى الماروتى ,,

**m7nsh** · 23-10-2008 04:22 AM

السلام عليكم ياجماعه

انا كنت جبت ماروتى اليومين اللى فاتو و حصل انها كانت ماشيه بتاع 200 كيلوكده وكان التانك معدى النص يادوب بس لاحظت انه بيقل بسرعه لحد ما قرب ع الempty
وروحت فولت النهرده تانى ملا 22 لتر و كان العداد عامل 240 يعنى 10 كيلو وشويه فى اللتر !! طبعا معدل غريب ,, بس انا هقولكو حاسس انه ممكن يكون من ايه وتقولولى صح ولا غلط

انا افتكرت ان ونا بجيب العربيه قالولى فى المعرض ابقى شوف ضغط الكوتشات وكده عشان الركنه الطويله وبعدين انا كنت نسيت لحد ما كانت باينه انها خاسه فعلا فالمهم رجت اشوفها لقيتها من 7 ل 10 !! طبعا الراجل ظبطهم على 30 ولاحظت ان المشى بقى احسن بعدها

المهم حوار ضغط الكوتشات ده ممكن يكون هوالسبب و كمان البلد مليانه مطبات بغبا و الشوارع منقره جامد وحفر و ردم وقلق كمان انا لسه فى الأول و خبرتى تقريبا 0 فى الحوارات دى ,, ياريت تقولولى السبب من كده فعلا ولا ممكن يكون من ايه ؟؟و ازاى ازود معدله عن كده ؟

شكرا مقدماااااااا

**Nour_Peugeot** · 23-10-2008 05:10 AM

طبعا يا باشا الكاوتش عامل يزيد من استهلاك البنزين

**maak333** · 23-10-2008 09:16 AM

السلام عليكم
بص يا باشا معدل استهلاك البنزين معاك مش قليل ولا حاجة كده طبيعي انا معي ماروتي من حوالي 4 شهور معدلها معايا حوالي 12.5 في اللتر ومتنساش انك جوه البلد لكن لو جربت علي الصحراوي هتلقي المعدل احسن من كده بكتير وفعلا حاول دايما تظبط الضغط بتاع الكاوتش لانه مش بس بياثر علي استهلاك البنزين لكن كمان علي عمر الكوتش نفسه
وشكرا..
أبو مريم..

**waleede154** · 23-10-2008 03:07 PM

انا معايا من 5 شهور بتعمل 15 كم فى التر

**zalpany2000** · 23-10-2008 06:05 PM

زود الكاوتش ، ماشي
بس لو الموضوع استمر قولهم في صيانة الالف ممكن يكون فيه حاجه صغيرة يظبطوهالك و ربنا يبارك لك فيها بأذن الله

**m7nsh** · 25-10-2008 06:52 PM

متشكر جدا يا جماعه على ردودكو و جزاكم الله خيرا

**freespoken** · 02-11-2008 02:57 PM

انا لسه برده جايب العربيه قريب ولقيت نفس المشكله لكن رحت التوكيل عندنا هنا في اسكندرية لكن كان قفل بس لقيت فني لسه مروحش فقلتله قالي سهله انا حظبطهالك ولقيته عمل وصله بسلك من الاسبيراتير غالبا ووصلها بالبودي بتاع السيارة وعلي فكره العربيه كمان كانت بتقطع في الأول والتاني وهو سألني من غير مقوله وكمان الموتور كان عالي...........................بس مش غريبه دي؟؟؟؟ العربية زيرو

**m7nsh** · 03-11-2008 03:00 AM

طيب و من بعدها الموضوع اتظبط معاك ولا لسه برده ؟

**tamercc84** · 03-11-2008 06:08 PM

العربيه الماروتى بتيجىاصلا كهربتها عاليه وظبطتها انها تكون عاليه سنه -مش اوى- بس فيه ناس مبيفهموش فيها يقوموا موطيين الكهربا على الاخر و بكده يخلوها تقطع و كده
و لما تروح لواحد بيفهم بيعرف على طول عشان دى بتواجههم كتير و بيظبطها
دى حاجه الحاجه التانيه انا المتوسط بتعمل معايا من 14 الى 17 كيلو فى اللتر علما ان انا 60 فى المئه من سواقتى للعربيه على الطريق مش جوه البلد