مقارنه بين كيا ريو & نيو اكسنت اربى

لو سمحت يا جماعه انا محتار جدااااا بين عربيتين نيو اكسنت اربى و الكيا ريو
خصوصااا انا مقتنع جدااا ب النيو اكسنت بس خوفت منها من بعد الكلام الكتير ان العربيه خفيفه جدااا على الطريق اخرك 140 بعد كده هتكون مرعوب
وانا كنت عارف انها بتنزيل بعيب فى المساعدين الى ورا وكان لازم تروح تغيرها فى التوكيل بس مش عارف حلوها ولا لأ فى الموديلات الجديده 2015


الفكره دلوقتى عايز اخد رأيكم فى كام حاجه كده
1-هل فعلا النيواكسنت بعد تغير المساعدين بردوه خفيفه على الطريق والهوا يوديها و يجبها كده
2- هل الكيا ريو تتفوق على النيو اكسنت فى موضوع الثبات ؟
3-هل تسارع الكيا ريو وحش جدااا بالنسبه للنيو اكسنت؟؟

مع العلم انا بسافر كتير وموضوع الثبات و السرعه مهمين جدااا بالنسبالى ارجوا الافاده لو سمحت ؟

تم نقلة لقسم المقارنات .

عليك و علي التوكيل يا باشا

اقتباس:

---

المشاركة الأصلية كتبت بواسطة nfs rivals

عليك و علي التوكيل يا باشا

---

معلش يا باشا عليا وعلى التوكيل فى ايه ؟

بس يا باشا وعن تجربة توكل على الله فى الاكسنت
وبالنسبة للمساعدين اول لما تستلم العربية ان شاء الله بتغيرهم من التوكيل اتوماتك فى الضمان وبس

بص يا باشا انا معايا ريو 2014 خليجي فردي عليك هيكون فقط في نقطة الريو
1- الثبات : أنا علي الصحراوي بعدي الـ 150 وبسم الله ما شاء الله عليها ماسكة في الأرض وما فيش اي مشكلة
2- التسارع : في أوبشن في السيارة اسمه ECO ده بعدله من الطارة ( On & Off) لو لاغيته التسارع هيكون ممتاز بس أنا ما انصحك أنك تلغيه علشان بيفرق في استهلاك البنزين جداً
3- التكييف : أكتر من ممتاز
وانا تحت امرك في اي حاجة عاوزها في الكيا الريو

اقتباس:

---

المشاركة الأصلية كتبت بواسطة crazy car

بس يا باشا وعن تجربة توكل على الله فى الاكسنت
وبالنسبة للمساعدين اول لما تستلم العربية ان شاء الله بتغيرهم من التوكيل اتوماتك فى الضمان وبس

---

باشا معلش استحملنى بس انتا عارف اختيار العربيه مش سهل و الحيره ديه حاجه صعبه جداااااا

انا نيو اكسنت ااكسنت عجبانى جدااا بس خايف من موضوع الثبات ده قرأت كتير عليها معظم الناس الى بتشتكى منها بتشتكى من موضوع الثبات ده

فقولى لو سمحت العربيه عمله معاك ايه وعلى السرعات العاليه ايه نظمها فى موضوع الثبات ده بذات
وبعد الكام تقدر تخاف تمشى بيها ؟

باشا اسف عشان طولت عليك بس ارجو انك تسعدنى

لا دية ولا دية بروتون جين 2 سحب و تسارع و ثبات خرافي و اوبشنز كتييييييييييييير و تقفيل ماليزي انها اقل من الاتنين في السعر

اقتباس:

---

المشاركة الأصلية كتبت بواسطة zeko1915

باشا معلش استحملنى بس انتا عارف اختيار العربيه مش سهل و الحيره ديه حاجه صعبه جداااااا

انا نيو اكسنت ااكسنت عجبانى جدااا بس خايف من موضوع الثبات ده قرأت كتير عليها معظم الناس الى بتشتكى منها بتشتكى من موضوع الثبات ده

فقولى لو سمحت العربيه عمله معاك ايه وعلى السرعات العاليه ايه نظمها فى موضوع الثبات ده بذات
وبعد الكام تقدر تخاف تمشى بيها ؟

باشا اسف عشان طولت عليك بس ارجو انك تسعدنى

---

يا باشا اسف على ايه بس اسال وان معاك للصبح

والله معاك لحد 150 ما شاء الله فيما فوق كده مينفعش فى اى عربية
وخلى بالك موضوع الثبات الاصل فى قائد السيارة ( دى وجهة نظرى الصراحة )

ونقطة كمان الريو 1200 الاكسنت 1600 بموتور 125 حصان لا وجه للمقارنة من ناحية الموتور
بس برضه كماليات الكيا احسن بكتير من الهيونداى الحق يقال فى النقطة دى

اقتباس:

---

المشاركة الأصلية كتبت بواسطة omaradel98

لا دية ولا دية بروتون جين 2 سحب و تسارع و ثبات خرافي و اوبشنز كتييييييييييييير و تقفيل ماليزي انها اقل من الاتنين في السعر

---

مين اللى قال ان جين ثبات خرافى الصراحة محستش بكده اطلاقا عربية شكلا وموضوعا موش عجبانى ودى وجهة نظرى

اقتباس:

---

المشاركة الأصلية كتبت بواسطة omaradel98

لا دية ولا دية بروتون جين 2 سحب و تسارع و ثبات خرافي و اوبشنز كتييييييييييييير و تقفيل ماليزي انها اقل من الاتنين في السعر

---

باشا مع قريبى عربيه كويسه وفعلا بيشكر فى ثبتها وبتجرى فعلا بس خامتها من جوه مش كويسه الصراحه و كمان سعر ما بعد البيع مش كويس خالص ليها وكمان ياباشا قطع غيرها فىيها مشاكل شويه و غاليه والنقطه ديه مش متأكد منها شويه لكن الباقى متأكد منوه

-حضرتك هنتكلم كفنيين ..أيه الفرق في العفشة بين الريو و ال rb يخلي الريو أثبت. ...مفيش أي فرق الأثنين عربية واحدة ميكانيكيا بالظبط ما يعيب اﻷكسنت الجنط 14" بيقلل ثباتها

-أنا لو منك و محتاج سفر و ثبات عليك بالانسر شارك

اقتباس:

---

المشاركة الأصلية كتبت بواسطة crazy car

يا باشا اسف على ايه بس اسال وان معاك للصبح

والله معاك لحد 150 ما شاء الله فيما فوق كده مينفعش فى اى عربية
وخلى بالك موضوع الثبات الاصل فى قائد السيارة ( دى وجهة نظرى الصراحة )

ونقطة كمان الريو 1200 الاكسنت 1600 بموتور 125 حصان لا وجه للمقارنة من ناحية الموتور
بس برضه كماليات الكيا احسن بكتير من الهيونداى الحق يقال فى النقطة دى

---

الله يخليك يا كبير والله...
بس معلش تصحيح بسيط الكيا ريو 1400cc :)

بس فى حاجه هل لو حطييت فى النيو اكسنت جنوط كده هطلع بره الضمان ؟؟
وياريت لو عند حضرتك فكره عن الفئه الى بتنزل يجنط و abs تقولهالى


وربنا انشاء يكرمك على المساعده:)

اقتباس:

---

المشاركة الأصلية كتبت بواسطة toty_305

-حضرتك هنتكلم كفنيين ..أيه الفرق في العفشة بين الريو و ال rb يخلي الريو أثبت. ...مفيش أي فرق الأثنين عربية واحدة ميكانيكيا بالظبط ما يعيب اﻷكسنت الجنط 14" بيقلل ثباتها

-أنا لو منك و محتاج سفر و ثبات عليك بالانسر شارك

---

باشا مين قلك انى مفكرتش فيها ده انا هموت واجبها

بس للأسف غاليه عليا
تانى حاجه فى ناس قلتلى فى مشكله فى الكهرباء بتعتها فلازم تجبها وكيل احسن عشان متلبسش
اخر حاجه سمعت ان قطع غيرها غاليه اوووووووى

السعر الاول فكر فيه

وفكر فى الانسر شارك
اول فئه ااتو ب 134 الف حتكون احسن من الاتنين

-الشارك عربية تعيش 10 15 سنة كويسة لكن ريو و أكسنت 7 8 سنين و كفاية.

-أسعار قطع الغيار الكوري مش رخيصة بردو يعني أنا صيانة 20.000 زيت و فلاتر هواء و زيت و بنزين و بوجيهات دافع 1200 جنية. ..ما بالك بالصيانات الكبيرة يعني لو بتفكر تكمل مع التوكيل

-بردو انا عندي مبدأ هيونداي صيانتها في التوكيل على طول أحسن من هوندا بتعمل صيانة عند بلية الميكانيكي.

شوف يا سيدى اسعار قطع الغيار طبعا فى التوكيل وفى كل التوكيلات السعر غالى لكن كل حاجاتها متوفر أصلى وتقليد بره التوكيل وسعرها حلو جدا
وحاجاتها الاستيراد مترمية فى الحرفيين والوكالة

والشارك عربية تعبانة جدا
حتى مستوى انتشارها بالرغم ان الاكسنت بعدها بحوالى 5 سنين لكن انتشار الاكسنت اكتر هيطلع حد جميل ويقولك انتشارها موش معيار لا معيار طبعا
واما حكاية تعيش 7 سنين مكنش فيه عربيات هيونداى بقلها 20 سنة فى الشوارع

ومن الاخر متديش عقلك لحد وانزل واتفرج بنفسك

وبالنسبة للجنط بلاش علشان علبة الدريكسيون ميحصلش فيها مشاكل

ودى نبذه عن اسعار قطع الغيار ( من خارج التوكيل طبعا )

فلتر الهوا أصلى ب 90 ج كورى ب 40 ج
طقم البيوجهات اصلى 120 ج انجليزى كنت سألت عليه مصادفة 70 ج
فلتر البنزين أصلى 150 ج
فانوس أمامى أستيراد من 400 - 500 وسعره جديد 1000 ج وفيه صينى ب 200ج
شريط الايرباج سعرة فى التوكيل 700 ج
علبة الدريكسيون ب 2000 وحاجة ( فى التوكيل ) وبره أرخص النص تقريبا اللى هيا الموبيس
اكصطدام امامى او خلفى بره التوكيل ( 150 ج )
وفيه موضوع شامل عن الاسعار جوه وبره التوكيل

واى حاجة عن سعر قطع الغيار قولى وانا اسال عليها واجيب سعرها ان شاء الله

ولو فكرت فى اليابانى اركب يابانى بجد وهات هوندا سيتى مثلا عربية خرااافة بمعنى الكلمة والشارك جنبها 128 :)

اقتباس:

---

المشاركة الأصلية كتبت بواسطة elmo7amed

السعر الاول فكر فيه

وفكر فى الانسر شارك
اول فئه ااتو ب 134 الف حتكون احسن من الاتنين

---

للاسف هيكون قسطها غالى عليا كل البنوك دلوقتى الفايده 10 ص 10 ونص كمان

لو تعرف بنك الفايده بتاعتوه قليله ياريت تقولى بردوه ....

اقتباس:

---

المشاركة الأصلية كتبت بواسطة toty_305

-الشارك عربية تعيش 10 15 سنة كويسة لكن ريو و أكسنت 7 8 سنين و كفاية.

-أسعار قطع الغيار الكوري مش رخيصة بردو يعني أنا صيانة 20.000 زيت و فلاتر هواء و زيت و بنزين و بوجيهات دافع 1200 جنية. ..ما بالك بالصيانات الكبيرة يعني لو بتفكر تكمل مع التوكيل

-بردو انا عندي مبدأ هيونداي صيانتها في التوكيل على طول أحسن من هوندا بتعمل صيانة عند بلية الميكانيكي.

---

حضرتك معاك ال ار بى
تقدر تفدنى فى موضوع الثبات على السرعات العاليه ده لو سمحت ؟؟

وفعلا العربيه مرجيح حتى بعد تغير المساعدين؟

اقتباس:

---

المشاركة الأصلية كتبت بواسطة crazy car

شوف يا سيدى اسعار قطع الغيار طبعا فى التوكيل وفى كل التوكيلات السعر غالى لكن كل حاجاتها متوفر أصلى وتقليد بره التوكيل وسعرها حلو جدا
وحاجاتها الاستيراد مترمية فى الحرفيين والوكالة

والشارك عربية تعبانة جدا
حتى مستوى انتشارها بالرغم ان الاكسنت بعدها بحوالى 5 سنين لكن انتشار الاكسنت اكتر هيطلع حد جميل ويقولك انتشارها موش معيار لا معيار طبعا
واما حكاية تعيش 7 سنين مكنش فيه عربيات هيونداى بقلها 20 سنة فى الشوارع

ومن الاخر متديش عقلك لحد وانزل واتفرج بنفسك

وبالنسبة للجنط بلاش علشان علبة الدريكسيون ميحصلش فيها مشاكل

---

والله انا عارف انى تعبك معايااا
على فكره انا سوقت النيو اكسنت فعلا وكمان كان متغيرها المسعدين بس مجرتيش بيها العربيه كويسه فعلا لكن انا كل خوفى من الثبات فموضوع انا اشوفها انا شوفتها وركبتها كمان
بالنسبه للشارك انا ركبتها فى المعرض بس لكن مسوقتهاش ولا ركبتها حتى مع حد بس كانت مع واحد صحبى وكان بيشكرلى فيها الصراحه بردوه

بالنسبه لموضوع قطع الغيار فلو كده هيا قطع غيارها معقوله زى معظم العربيات مش غاليه اوى زى مبيقولواااا وشكراا على مجهودك فيها

بالنسبه لموضوع الجنط ده هيا مش المفروض فى فئه بتنزيل بجنط ؟؟؟
جنط كااام ده ؟

اقتباس:

---

المشاركة الأصلية كتبت بواسطة zeko1915

حضرتك معاك ال ار بى
تقدر تفدنى فى موضوع الثبات على السرعات العاليه ده لو سمحت ؟؟

وفعلا العربيه مرجيح حتى بعد تغير المساعدين؟

---

-لما المساعد القديم كان راكب ظهر العربية كان بيتنطط كأن المساعد بايظ و طري على الاخر

-بعد المساعد الجديد الدنيا أختلفت السيارة أصبحت ناشفة أكتر و التنطيط راح بس.....الركاب الخلفيين بيحسسوا بنشوفية العفشة جامد خصوصا لو الطريق مش متسفلت كويس و ده بتحسه قوي لما تبقى الشنطة مليانة و معاك 2 ورا مثلا.

-عامة بتسافر كتيير أنسى العربية دي هتقرفك لو بتحب الثبات العالي,

هي وجهات نظر فالنهاية
فرأي اميل للريو لو الاثنين دولا فقط

اقتباس:

---

المشاركة الأصلية كتبت بواسطة toty_305

-الشارك عربية تعيش 10 15 سنة كويسة لكن ريو و أكسنت 7 8 سنين و كفاية.

-أسعار قطع الغيار الكوري مش رخيصة بردو يعني أنا صيانة 20.000 زيت و فلاتر هواء و زيت و بنزين و بوجيهات دافع 1200 جنية. ..ما بالك بالصيانات الكبيرة يعني لو بتفكر تكمل مع التوكيل

-بردو انا عندي مبدأ هيونداي صيانتها في التوكيل على طول أحسن من هوندا بتعمل صيانة عند بلية الميكانيكي.

---

مين قالك ان الاكسنت كبرها 7 سنين او الريو .... الكوري علي فكره كويس وبالنسبالي احسن من تويوتا بالاخص ياريس و كورولا
صاحب بابا معاه النترا موديل 2005 وبسم الله مشاء الله مش فاتحه بؤها وماشيه 290 الف ومن الاخر اللي بيحافظ علي عربيته تأكد انها هتقعد معاه طول العمر :d
وانا تأكدت من الموضوع ده اني شفت فانتزيا كان بيتعملها عمره موتور ودي الماني ... بس ده ميحكمش ان مواتير فولكس جروب تعبانه !!!!

اقتباس:

---

المشاركة الأصلية كتبت بواسطة zeko1915

حضرتك معاك ال ار بى
تقدر تفدنى فى موضوع الثبات على السرعات العاليه ده لو سمحت ؟؟

وفعلا العربيه مرجيح حتى بعد تغير المساعدين؟

---

ههههههههه ولله انا وجاي اثناء سفري بري لمصر وكنت معدي علي السعوديه ... المهم فيه حته اسمها تبوك والحته دي كلها ملتويه و فيها منحنيات كتير .... وكنت بجري ورا واحد سعودي وراكب اكسنت rb ولله العظيم كان ماشي فوق 170 وكانت العربيه ثابته معاه اوي بس لما انا شديت معاه وعديته في الحاره المخالفه ولاحظت ان جنوطها يجي 16 او 15

العربيتين ممتازين بس انا بصراحع بميل جدا لشكل الريو

-أنا بقول اللي ملقتش حد يقوله ليا قبل ما أشتري .....في الاخر الثبات ده بيختلف من واحد للتاني

اقتباس:

---

المشاركة الأصلية كتبت بواسطة zeko1915

للاسف هيكون قسطها غالى عليا كل البنوك دلوقتى الفايده 10 ص 10 ونص كمان

لو تعرف بنك الفايده بتاعتوه قليله ياريت تقولى بردوه ....

---

بص يا سيدي لو عايز بنك فايدته اقل
عليك وعلي بنك ناصر فايدته ٦،٥ ٪
هو اينعم بنك معفن واجراءاته رخمه شويه بس اعتقد دي اقل فايده
وادي لينك موقع البنك ممكن تحسب اي قسط عربيه
بس تدخل تمن العربيه والمقدم اللي هتدفعه ومده القسط من سنه حتي ٧،٥ سنين والموقع هيقولك كل حاجه بس هو الموقع بيحسب علي اساس ٦٪ بس حاليا البنك بياخد ٦،٥٪
http://www.nsb.gov.eg/nsb/togaria/malaki.aspx

اقتباس:

---

المشاركة الأصلية كتبت بواسطة Mohamedjetta

مين قالك ان الاكسنت كبرها 7 سنين او الريو .... الكوري علي فكره كويس وبالنسبالي احسن من تويوتا بالاخص ياريس و كورولا
صاحب بابا معاه النترا موديل 2005 وبسم الله مشاء الله مش فاتحه بؤها وماشيه 290 الف ومن الاخر اللي بيحافظ علي عربيته تأكد انها هتقعد معاه طول العمر :d
وانا تأكدت من الموضوع ده اني شفت فانتزيا كان بيتعملها عمره موتور ودي الماني ... بس ده ميحكمش ان مواتير فولكس جروب تعبانه !!!!

---

-الكوري الصراحة أبو لمس بعكس Toyota و Honda مثلا و الألماني ميجيش حاجة في اعتمادية الياباني.
..قاعد مع واحد معاه BMW 320 2006 ...حسيت الفيرنا اعتمادية أكتر منها :D

اقتباس:

---

المشاركة الأصلية كتبت بواسطة toty_305

-الكوري الصراحة أبو لمس بعكس toyota و honda مثلا و الألماني ميجيش حاجة في اعتمادية الياباني.
..قاعد مع واحد معاه bmw 320 2006 ...حسيت الفيرنا اعتمادية أكتر منها :d

---

هههههههههههههههه طب ولله الكوري كويس وحبيته اوي بعد ما مشي معايا في السفر 3400 كيلو ومندلش معايا .... انا مش برتاح لتويوتا ابدا بالاخص موديلات 2008-2013 ... اما الهوندا طبعا عربيات جميله جدا جدا وثبات جميل طبعا عكس التويوتا
اما بالنسبه لاخ اللي معاه بي ام .. اكيد مش محافظ ع عربيته او اهمل فيها وطبعا البي ام لما تهمل فيه بيعمل الواجب معاك :d

اقتباس:

---

المشاركة الأصلية كتبت بواسطة toty_305

-أنا بقول اللي ملقتش حد يقوله ليا قبل ما أشتري .....في الاخر الثبات ده بيختلف من واحد للتاني

---

كلام مظبوط اوي حضرتك و حسب تعود كل واحد وفيه ناس متعوده تقفل عداد الاكسنت و بتحس انها ثابته وفيه ناس بتمشي 140 بيها وبتحس انها كويسه وفيها ناس بتمشي بيها 100 وبتحس انها ضايعه :d

اقتباس:

---

المشاركة الأصلية كتبت بواسطة crazy car

مين اللى قال ان جين ثبات خرافى الصراحة محستش بكده اطلاقا عربية شكلا وموضوعا موش عجبانى ودى وجهة نظرى

---

الجين 2 ثبات خرافي فعلا و عن تجربة
بس المهم مع إن الريو و الاكسنت نفس الشاسيه إلا إني افضل الريو

شوف شارك فئه اولى

اقتباس:

---

المشاركة الأصلية كتبت بواسطة Mohamedjetta

كلام مظبوط اوي حضرتك و حسب تعود كل واحد وفيه ناس متعوده تقفل عداد الاكسنت و بتحس انها ثابته وفيه ناس بتمشي 140 بيها وبتحس انها كويسه وفيها ناس بتمشي بيها 100 وبتحس انها ضايعه :d

---

-عامة، اﻷكسنت sub-compact مش مطلوب منها أكتر من كده عشان كده بنصح بالشارك اللي هي فئة أعلى و بردو لا تتوقع منها انها bmw فهي في اﻵخر small size sedan

اقتباس:

---

المشاركة الأصلية كتبت بواسطة toty_305

-عامة، اﻷكسنت sub-compact مش مطلوب منها أكتر من كده عشان كده بنصح بالشارك اللي هي فئة أعلى و بردو لا تتوقع منها انها bmw فهي في اﻵخر small size sedan

---

علي فكره انا بحب الشارك جدا وبحس تصميمها رياضي وشبابي بس عيبها ان شكلها هيتغير بنسبه 100% بعد سنه واعتقد الكلام ده هيحصل لاكسنت ... يبقي بلاها اكسنت و يجيب الريو احسن حاجه

شارك او ريو

الشارك ممتازه عن تجربه 5 سنوات ومصاريفها قليله الحمد لله

السلام عليكم
انا ركبت الشارك والأر بي الشارك في الوسع والثبات افضل
لكن الأكسنت في الفخامه واستهلاك البنزين وقطع الغيار افضل
وبعت الشارك بسبب قطع الغيار
وبصراحه الواحد يحتار بين الأثنين لكن لم اركب الريو
والله اعلى واعلم
والله المستعان