العربيات هترخص فى شهر يناير .............؟

**elassar2010** · 23-10-2008 06:24 PM

البلد دى عايشة على الضرائب والجمارك بس ياعنى هتفرط فى اكل عيشها وتشحت يعنى

**Karim_Mohy** · 23-10-2008 06:27 PM

يا جماعة طب ايه سبب الرخص ده؟,.....و اللي بيغلي ما بيرخصش ؟....ولا البترول اول ما يغلا يرفعوا سعره هنا....و اول ما يرخص ولا لينا دعوة؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟

**fadynabil** · 23-10-2008 06:37 PM

يا جماعة خدوا بالكو إن موضوع الأزمة الإقتصادية اللي بيمر بيها العالم دلوقتي هتلعب دور جامد
مش بس العربيات اللي سعرها هيقل حاجات تانيه كتير ومن ضمن الأمثله دلوقتي أسعار المواد الغذائية
فأنا من رأيي إن إحنا نستني نشوف إيه أخر التطورات اللي هتحصل وربنا يستر لأن الموضوع المرة دى كبير أوي وللأسف عندنا إعلام بيستهبل ويقوللك كله تمام وإحنا مش هنتأثر وكأننا عايشيين لوحدنا
بعيد عن كل العالم . .... ربنا يستر ...

**sherif Anton** · 23-10-2008 08:29 PM

كلام الاستاذ فادي صح 100%
الموضوع اكبر من مجرد رخص الاسعار الموضوع له علاقة بأزمة ركود عالمية مفيش حد هايعدي منها وهي اللي راح تتسبب في انهبار الاسعار لجميع السلع ... الانخفاض في الاسعار بدأت تظهر في قطاعات مثل الخامات الرئيسية للانشاءات وقطاع العقارات والمواد الغذائية واليكم الامثلة :
الحديد ... انخفض من 7500 جنيه للطن الى 4650 حنيه للطن
الجنيه الذهب ... انخفض من 1250 جنيه الى 900 جنيه
الأرز من 430 قرش للكيلو الى 250 قرش
الزيوت من 11 جنيه الى 8.75 جنيه للتر
الذبدة الصفراء من 29 جنيه للكيلو الى 19.80 جنيه للكيلو
البيض من 24 جنيه للكرتونه الى 14.5 جنيه
الجبن الشيدر من 38 حنيه الكيلو الى 30 جنيه
وغيرها و غيرها ... ولسه متستعجلوش كل حاجة هاترخص اكتر واللي مش مصدق ينزل ويسأل في السوق ... لكن متفرحوش اوي لان الرخص ده جاي ومعاه ركووووود يعني الناس مش هتلاقي شغل وبالتالي مش هتلاقي فلوس علشان تشتري بيها الحاجات الرخيصة دي.
واخر الاخبار العالمية ... مبيعات السيارات بأمريكا هذا الشهر صفر (0) ...
فا متستعجبوش لما يقولوا ان السيارات اسعارها في مصر راح تنزل .... بس الناس مش راح تعرف تشتريها
ربنا يستر على العالم من الازمه د