عرض للطباعة
السلام عليكم
بدايتا انا لفيت ودورت عن موضوع التلين ده وسالت وعرفت حجات كتير لكن ديما بلاقى نفس المواضيع منقوله من واحد نفس الكلام والخطوات والنصيحه
لكن الى جه فى بالى انى اسال اخوانى الافاضل اعضاء المنتدى لخبرتهم العاليه ومدى اخلاصهم فى نصيحه المستجدين فى عالم السيارات
ملحوظه اول مره اشترى زيرو
معلشى يا ريت الى هينصحنى ينصح بالتفصيل الممل مع العلم انى ساستلم السياره ان شاء الله يوم الخميس القادم:ask:
التليين المزبوط علي قديمو زي مابيقولو في اول الف
1- تجنب الزيادة المفاجئة في سرعة العربية وتجنب الفرامل المفجئة والعربية واخدة نقلة (يعني تفصل الاول)
2 ماتشغلش تكييف اول الف كيلو
3- تجنب السير لمسافة طويلة بسرعة ثابتة (معندناش في مصر المشكلة دي)
4- اهتم بتغيير الزيت والفلتر علي فترات اقل في الاول نضافة للموتور لو فية رايش من التليين
5- لو عندك عداد rpm متعديش ال3 في اول الف
الف مبروك علي العربية
:tumb:اقتباس:
المشاركة الأصلية كتبت بواسطة Sameh samy
شكرا استاذ سامح على الرد الجميل ده
بس هوا فعلا انى مشغلشى العربيه على السلانسيه لما تكون زيرو
السلانسيه ده بس لما تكون العربيه عامله عامره صح؟
لا ياريس الجديد موش بيلين علي السلانسية وفية تحذير في الكتالوجات من تشغيل العربية سلانسية فترة طويلةاقتباس:
المشاركة الأصلية كتبت بواسطة bitoo
الكلام دة مع العمرة لحد ما المروحة ترد (او السير في الجر امامي) تلين واقف لحد ماتبطل تلاقي السير او المروحة ردت عكس الاتجاة سنة صغيرة
انما انت هاتركب وتمشي علطول
واطمن العربية ملينة الناس دي موش هاتديها لحد يقرص عليها يفوتها لان العربية عليها ضمان انما احنا بنلين عشان نطول العمر الافتراضي بتاع الموتور
انا اشتريت العربية زيرو موديل 2015 من اسبوعين ولما راجعت الكاتلوج لقيتهم بيوصوا انك تتحرك بحد اقصى 70 على الخامس ومتقفلش الغيار يعنى الاول على 10 والثانى على 30 والرابع على 60 والخامس على 70 تقريبا وبعمل كده بس مش علطول يعنى كده كده مبحرقش على الغيار يعنى بغير قبل ما اوصل للرقم المطلوب بس فى الطرق الطوالى ممكن امشى على 90 وان شاء الله ناوى اغير زيت على 800 كيلو مع انى بشوف مقاسة وبلقية مظبوط ولونة فاتح وانا دلوقتى عامل 400 كيلو بس نصيحة منى اول ما تجيبها تغير الجنط بواحد اعرض لان اللى بينزل فيها جنط رفيع والكاوتش النسر المصرى وشمبر مش تيوبلس ورفع الجنط ده ممكن لا قدر الله يقلب العربية فى اى ملف ودى انا شفتها قبل كده قدامى انا غيرت الجنط عند واحد متخصص اشترى القديم بالكاوتش ب 700 جنية وركبت جنط جديد وكاوتش gb اندونيسى 175\60 ودفعت فرق 1700 جنية وبعد كده عملت كارتيرات للعجل كلفتنى 250 جنية بس شغلها جميل وبتحمى العربية فى الشتاء وفاضل بس اعمل دواسة العربية ودى مهمة علشان دواسة العربية ضعيفة شوية وتخلى بتاع الفرش يعملك لوح كونتر فى الارضية بيتقص على قدها وبعد كده يعمل المشمع علشان حركة الكراسى القلابه بيخبط فى الصاج كل مرة الشغل اللى بقولهولك ده مهم علشان تحافظ على العربية وتنسى اى شغل فيها بعد كده
مبروك يا سمسم على العربيه
الله يبارك فيك يا محمد لسه شايف ردك دلوقتى لانى فصلت النت فى البيت وعقبالك يا جميل لما ترسى على عربية
الف مبروك يا باشا ربنا يديك خيرها و يكفيك شرها
جبت بكام الكارى و منيين و مواصفاته لو سمحت كام سى سى باور تكيف الحجات دى يعنى و صيانته و قطع غيار فين لانى اول مره اسمع عنه الصراحه بس شوفت صوره كدا على السريع