لانوس99 بدوس بنزين و االعربية مش بتسحب عالسرعات البطيئة فقط .. اعمل ايه ؟؟

السلام عليكم

معلش سؤال

عندي لانوس 1999 بستعمل دايما بنزين 80 و من وقت للتاني بحط 90

عندي مشكله ظهرت ... العربية لما بتهدي عند مطب او الطريق وقف .. اجي اطلع بيها تاني و ادوس بنزين مابتسحبش خاااالص

و تفضل شوية كده و مش بتبطل مني بس هي مابتسحبش و المؤشر بتاع البنزين مش بيرفع اصلا

شوية كده و الاقيها بدات تسحب ببطئ شديد و بعد كده تمشي طبيعي و زي مايكون كانت مكتومة بحاجة و الحاجة دي سلكت

انا من حوالي 10 ايام ظهرت المشكلة و نضفت الانجكشن و العربية مشيت تمام و رجعت تاني النهاردة

هل ممكن تكون مشكلة فلتر بنزين محتاج يتغير مع الانجكشن و ايه احتمالاتي التانيه

العربية مش بتبطل .. و المشكله مش بتظهر ابدا لو العربية واخده سرعة معقوله ..

.00.0

متابع

1- بنزين 80
2- فلتر بزين
3- منظف دورة البنزين من اي بنزينة 25 + مشوار كويس
4- نظافة بوابة الايدول مهم جدا ليه علبة اسبراي كدة ب 35 تقريبا
5- ممكن تبص علي اسلاك البوجيهات
6- ممكن فلتر هوا بالمرة بيفرق جامد
ده فحدود معلوماتى
ويسلام لو عملت كله طلعة واحدة انشاء الله تفوق معاك

اقتباس:

---

المشاركة الأصلية كتبت بواسطة farafiroooo

1- بنزين 80
2- فلتر بزين
3- منظف دورة البنزين من اي بنزينة 25 + مشوار كويس
4- نظافة بوابة الايدول مهم جدا ليه علبة اسبراي كدة ب 35 تقريبا
5- ممكن تبص علي اسلاك البوجيهات
6- ممكن فلتر هوا بالمرة بيفرق جامد
ده فحدود معلوماتى
ويسلام لو عملت كله طلعة واحدة إن شاء الله تفوق معاك

---

شكرا جدااا هجرب و اقولك ان شاء الله

والله أنا مش قادر أقولك على أي إحتمال تاني ..لإني كل ما آجي أفكر في أي إحتمال تاني ..ألاقي حكاية بنزين 80 دي متصدره المشهد ..حاول كده تحط بنزين 92 مع تغيير الفلتر مع الحفاظ على تنك البنزين ما يقلش عن النص ..وإمشي عليها كده فترهوشوف إيه اللي هيحصل