هستلم ايه مع سيراتو 2014

**engahmadsamy** · 02-09-2014 10:12 PM

الإيموبلايزر هيا فعلا اللمبة الصفرا اللي بتنور في العدادات . بتبقى على شكل عربية جواها مفتاح .
اللمبة اللي بتنور وتطفي دي بتبقى لمبة الإنذار تقريباً

المفروض تستلم مفتاحين وحتة فايبر سودة كدا بتعلق عليها النمر اللي قدام عشان ماتجرحش الإكصدام بتلاقيها غالبا في درج التابلوه
وكاتلوجين واحد عربي والتاني انجليزي برضه في الدرج

والإستبن في الشنطة بيبقى معاه الكوريك ومفتاح الصواميل ودراع الكوريك ومفتاح تاني كمان

ولو الطاسات مش متركبة يبقى لازم هاتستلمهم وربنا يبارك لك فيها

**Dr . Mohamed** · 03-09-2014 12:36 AM

اللى بتنور و تطفى انذار ازاى دا مش بينطق خالص لو عملت ايه حتى
انا اعتقد انه ايموبلايزر حتى سألت فى المعرض و انا بستلم قالى كدا

بس هو بيشتغل فعلاً لما اقفل العربية بالريموت

**engahmadsamy** · 03-09-2014 01:28 AM

المشاركة الأصلية كتبت بواسطة dr . Mohamed

اللى بتنور و تطفى انذار ازاى دا مش بينطق خالص لو عملت ايه حتى :copy of new:
انا اعتقد انه ايموبلايزر حتى سألت فى المعرض و انا بستلم قالى كدا

بس هو بيشتغل فعلاً لما اقفل العربية بالريموت

تقريباً يادكتور عربيتك نفس الفئة اللي عندي على ما اتذكر .

الإنذار بتاع السيراتو بيزمر لما باب العربية يتفتح بأي طريقة غير الريموت .

جرب كدا تقفلها وتستنى 30 ثانية وبعدين افتحها بالمفتاح كأنك ماعندكش ريموت وافتح اوكرة الباب هتلاقيها بدأت تزمر .

نفس الحال لو في حرامي لاقدر الله كسر الزجاج وفتح اللوك من جوا وفتح الباب من غير الريموت . الإنذار هايشتغل برضه .

يعني إنذار ضد فتح الباب بأي طريقة غير اللي اتقفل بيها .

اتقفل بالريموت يبقى مايتفتحش غير بيه .

**Dr . Mohamed** · 03-09-2014 02:16 AM

لو قفلت بالريموت و فتحت بالمفتاح مش بيزمر خالص جربتها قبل كدا
بس مش فاكر موضوع الـ 30 ثانية دا تقريباً جربت على طول
بس لو بطارية الريموت خلصت أفتح ازاى العربية لما المفروض انها هتزمر =d

**engahmadsamy** · 03-09-2014 03:46 AM

المشاركة الأصلية كتبت بواسطة dr . Mohamed

لو قفلت بالريموت و فتحت بالمفتاح مش بيزمر خالص جربتها قبل كدا
بس مش فاكر موضوع الـ 30 ثانية دا تقريباً جربت على طول
بس لو بطارية الريموت خلصت أفتح ازاى العربية لما المفروض انها هتزمر =d

جرب ال 30 ثانية وهاتزمر معاك :d

المفتاح التاني هايقوم بالغرض وقتها وتفتحها بيه على ماتركب بطارية