فتيس النوبيرا وحش بلاش نوبيرا اوتو..معلومة غير صحيحة بالمرة ادخل و اعرف

**Nfs Rivals** · 02-09-2014 08:25 PM

فتيس النوبيرا وحش بلاش نوبيرا اوتو..معلومة غير صحيحة بالمرة ادخل و اعرف

دلوقتى لو اى زيت عربية لن و لم يتم تغيرة بعد سواد اللون و فقداء درجة اللزوجة
ومشيت بالعربية علي كدة كتير العربية مش هتقولك لاء

بس هتيجي تدور فى يوم ,, تلاقي المكنة قفشت منك لا قدر الله

من بستون لشنبر لـ بيل البستونز للسبايك

يعنى غرمت نفسك انت كدة محرك استيراد وانت عارف الاستيراد فى الفتيس و المحركات ,, بطيخة مقفولة يعنى بختك يابو بخيت

كذلك فتايس النوبيرا الاوتو

عاملة زي العيل الصغير بالظبط

كل جمعة او كل اسبوع بالظبط
تشيك علي زيت الفتيس قبل زيت المحرك

لاقيتة ناقص عن الحد التمام بتاعو

زودة بزيت حلو

زي شيل سبايركس لون اسود ب30ج
Made In Canada

او موبل يا سيدي مفيش مشكلة
ATF 320
or
220

بلاش الابرو الامريكي بتاع الباورررررررررررر
عشان دة بيطير اى فتيس

وعندك البيزول الالمانى لا يعلي عليه
4لتر ب235ج

تغيره بالعداد علي 80.000 كم

وبالعداد مع الزيت الشيل او الموبل

علي 20.000 بمشيك الكتير اوى اللهم بتقطع 500كم فى اليوم

او فى عشر سنين
هما ال20 الف كم

وتغير حتي لو الزيت احمر و اللزوجة زي العسل ,, برضو ما يغركششششششششش

وتروح لميكانيكي دماغو حلوة ,, قله عاوز اشيل السربنتينه الالمونيوم بواحدة نحاس صناعة مصري

مش الكوري ولا الصيني ولا الاستيراء

الريداتير بالسربنتينه
ب450ج بس بالتركيب بالمية الخضراء
السعودي او الاسبانى
محدش يستمعل اى نوع تانى لانه مضروب فى السوق و بيفور لك جوان وش السلندر علي المدى القريب وبيطير لك طرمبة المية وقتى

لانه مش حلو

والمية الخضراء للنوبيرا من 97 لـ2009
اوتو ومانول

المية الخضراء انت كدة بتروق عالمحرك هايعيش معاك زي الحديد مش هيقول لاء

وتغير المية الخضراء في داخلة الصيف و الشتاء
ولما المية تنقص بعد تغير طرمبة المية
دة عادى و مرات بتجيب لك وساخة و صدي فى القربة وانت بتشيك عليها صباحا

تقوم انت مغير مية تانى عشان الصدي الحلو الى كان قافش في المكنة من الطرمبة المصدية القديمة

ولما تغير السربنيتنه النحاس المصري بالريداتير المصري

بدلا من الالمونيوم الى بيصدي الى بيطير فتايس النوبيرا الاوتو

انت كدة ريحتك دماغك

وبلاش الشد مع عربيات تانية لفتيس النوبيرا لانه بيفوت بسرعة بالقرص عالفتيس ,, معلش بقي هنعمل ايه
منا لازم اعرفكم الى فيها

واخيرا احب اقولك اتمتع بالنوبيرا الوحش الاوتوماتيك

وعيش يا ملك
تحياتى

**أمجد هووز** · 02-09-2014 09:20 PM

المشاركة الأصلية كتبت بواسطة nfs rivals

فتيس النوبيرا وحش بلاش نوبيرا اوتو..معلومة غير صحيحة بالمرة ادخل و اعرف
.................................................. ...........
.................................................. ................................
وبلاش الشد مع عربيات تانية لفتيس النوبيرا لانه بيفوت بسرعة بالقرص عالفتيس ,, معلش بقي هنعمل ايه
منا لازم اعرفكم الى فيها

واخيرا احب اقولك اتمتع بالنوبيرا الوحش الاوتوماتيكوعيش يا ملك

ممكن حضرتك تعليق علي الموضوع ....
اولا العنوان بيقول انه اللي بيقول فتيس النوبيرا الاوتو وحش معلومه خاظئه ادخل وانت تعرف
دخلنا ياسيدي
لقينا حضرلتك بتقول معلومات عامه تنفع لكل الماركات عن كيف تحافظ علي فتيسك
وبرضه معلومات عامه كيف تحافظ علي موتورك
فين بقي الموضوع عن فتيس النوبيرا الاوتو اللي ها يغير الاعتقاد الخاطئ؟؟؟
لا ولادهي انه انت بدل ما تكحلها ع..... ايه رايك انه لما بسافر الغردقه او شارم بطير علي 180
وكله بيبقي ورايا انت كده عملت زي افلام المهرجانات قلت لنا الفيلم مناظر دخلنا لا لقينا قصه ولا مناظر
لينا ربنا
بس الصراحه شويه نصايح حلوه

**moko_2004** · 02-09-2014 11:16 PM

يا صاحبي بالنسبة لفتيس النوبيرا الاوتو لانها معايا بقالها 7 سنين غيرت علبة بلوف مرة و غيرت فتيس مرة
يعيبة التجميع على الاول ودة خطأ في التصميم بتاعة مش اكتر ان النسب ما بين الاول و التانى مش مظبوطة
تخيل ان الاول بتاع النوبر الاوتو بيجيب معاك لحد 70 او 75 كلم فاعتبر كأنك بتطلع على التالت كدة لو مانيوال
ولكن العربية بتجمع حلو بعد 60 الى 100
القصد انك مش بتلاقى العربية بتهب معاك لما تطلع او تأمرك مثلا لهذا السبب
النقطة التنية وزن الفتيس النوبيرا الاوتو يقرب على 250 كلج بلوة مطينة بالطين
دة بيزود وزن العربية و بيعمل حمل على المكنة و بالتالى
الحرق على المكنة مش مؤثر قوى على الفتيس طالما التبريد كويس مع انة مع الزمن بيأثر على الموتور و الفتيس
و دة في اى عربية تانية اوتو على فكرة
كل حاجة في الدنيا ليها عمر افتراضي ولانك لازم تعمل عمرة للمكنة لو حتى سليمة بعد 250 الف كلم فأنت لازم تعمل عمرة للفتيس او تغيرة بعد نفس الفترة مهما كنت بتستخدم زيوت

الصيانة مهمة جدا و خصوصا تغيير الفلتر و ليس تنظيفة مع تغيير الزيت هتفرق معاك كسحب واداء

واخيرا عن نفسي انا كنت الاول بحرق كتير و لكن بعد كدة اكتشفت ان المشي الهادى بيوصلنى لسرعات اعلى كتير و عربيتى الاوتى انا وصلت بيها 190 بالفتيس الاوتو على المكنة 1500 وقفلت الامبير اكتر من مرة على المكنة 2000 سي سي

**waga** · 03-09-2014 01:01 AM

المشاركة الأصلية كتبت بواسطة moko_2004

يا صاحبي بالنسبة لفتيس النوبيرا الاوتو لانها معايا بقالها 7 سنين غيرت علبة بلوف مرة و غيرت فتيس مرة
يعيبة التجميع على الاول ودة خطأ في التصميم بتاعة مش اكتر ان النسب ما بين الاول و التانى مش مظبوطة
تخيل ان الاول بتاع النوبر الاوتو بيجيب معاك لحد 70 او 75 كلم فاعتبر كأنك بتطلع على التالت كدة لو مانيوال
ولكن العربية بتجمع حلو بعد 60 الى 100
القصد انك مش بتلاقى العربية بتهب معاك لما تطلع او تأمرك مثلا لهذا السبب

الاستاذ moko
انا تعاملت مع عربيتين نوبيرا معايا من الزيرو يعني اول يد
الغيار الاول ينتهي لما السرعه توصل 20 يعني يدوب خطوتين القتيس بيجيب التاني
عند 40 بالظبط ينقل علي التالت 60 65 علي الرابع ماشوفتش الاول يفضل لغايه 70 او 75
الكلام ده في عربيتين نوبيرا اوتو لا غيرت بلوف ولا يحزنون هو بس العربيه الاولي واحد الله يسامحه افتي بتغيير زيت الفتيس وكان ما فيش فيه حاجه اتلخبط شويه ركبت له حاجه اسمها repair kit ورجع زي
الفل ؟؟؟

**zendo** · 03-09-2014 01:55 AM

هههههه الاول على 70 ايه الكلام ده

**blazer** · 03-09-2014 04:46 AM

بصراحه مع احترامى الموضوع و الردود فيها اخطاء
اولا مينفعش تغير الردياتير بواحد نحاس ,, معمال فقد الحراره لكلا المعدنين مختلف و الردياتيرات النحاس تنفع بس للعربيات القديمة زى الادا و الفيات القديم
ثانيا الفتيس الاوتو وزنه مش 250 كيلو ,, دا الماتور نفسه وزنه مجابش 250 كيلو ,, الفتيس غابا وزنه من 40 - 70 كيلو على اقصى تقدير

اى عربيه فتيسها اوتو 1600 4 غيارات لو حرقت على الاول هتوصل 70 والتانى 130 و الثالث 160

**hesham fawzy h** · 03-09-2014 04:52 AM

..... ..............

**agaty1st** · 03-09-2014 08:49 AM

احترامى أنا كمان للموضوع فيه اخطاء
1- مشكلة فتيس النوبيرا مش في أدائه مشكلته ان الميه بتختلط بزيت الفتيس عشان كده الفتيس بيبوظ
2- زيت موبيل 220 ده بتاع باور مش بتاع فتيس

**waga** · 03-09-2014 03:50 PM

المشاركة الأصلية كتبت بواسطة blazer

اى عربيه فتيسها اوتو 1600 4 غيارات لو حرقت على الاول هتوصل 70 والتانى 130 و الثالث 160

يا استاذي الفاضل حرق ايه علي الاول يوصل ال 70 في الاوتو؟؟؟؟؟؟؟؟؟؟؟؟؟؟
اذا كان مجرد دوسه خفيفه وانت طالع يجيب التاني والتاني لو حرقت االمتور ها يزعق شويه لغايه الاربعين وبعدين ها تحس بنقلته للتالت يا خواننا لوسمحتوا كلام علي اساس علمي وعملي

**moko_2004** · 03-09-2014 04:09 PM

المشاركة الأصلية كتبت بواسطة waga

يا استاذي الفاضل حرق ايه علي الاول يوصل ال 70 في الاوتو؟؟؟؟؟؟؟؟؟؟؟؟؟؟
اذا كان مجرد دوسه خفيفه وانت طالع يجيب التاني والتاني لو حرقت االمتور ها يزعق شويه لغايه الاربعين وبعدين ها تحس بنقلته للتالت يا خواننا لوسمحتوا كلام علي اساس علمي وعملي

لا انا ممكن اصورهالك لو تحب فعلا لما بتنقل يدوى بتحرق لحد 70 على الاول في النوبيرا الاوتو
لان الترس الاول بتاعها صغير جداواه فعلا لما تدوس بالراحة تنقل معاك عند 20 او 30 بالكتير
لكن لو دوس عنيف تنقل عند 60 او 65
و لو حركت العصاية بأيدك نقلت بأيدك يعنى
هتكمل لل70 بس الار بي ام هيكون داخل على الاحمر و هتبدا تسمع التفصيلة بتاعت المكنة

الموضوع: فتيس النوبيرا وحش بلاش نوبيرا اوتو..معلومة غير صحيحة بالمرة ادخل و اعرف

LinkBack

أدوات الموضوع

عرض

فتيس النوبيرا وحش بلاش نوبيرا اوتو..معلومة غير صحيحة بالمرة ادخل و اعرف - انشر الموضوع فى :

-

-

-

المواضيع المتشابهه

اخطب قبل ما ادخل الجيش ولا بلاش ؟؟؟

محتاج اعرف حاجه فى فتيس النوبيرا

بعد تغيير قاعدة فتيس نوبيرا اوتو - الd مش مظبوطة فى العصايه

ممكن حد يقولى اغير زيت فتيس نوبيرا اوتو و المصفاة عند مين؟؟؟

مترو موسكو ادخل وشوف ادى المترو ولا بلاش

الكلمات الدلالية لهذا الموضوع

المفضلات

المفضلات

ضوابط المشاركة