الموضوع: Note 3 ولا استنى Note 4

المشاركة الأصلية كتبت بواسطة mido_soliman

السعر دة صعب ف رائي اخره 6000 ف رأيي بالضمان ومن غير حيكون ف حدود 5300-5500
ثانيا باة حوار انة خيب ظن الناس دة اسمحلى كلام فارغ ومعظم الكومنتات دى يا ناس ابل فاناتيك او ناس مبتفهمش اصلا علشان تجرى ورا اشاعات وتتخيل طبق طائر ف ايديهم !!!
الجهاز اجدد واحسن وافخم بكل تاكيد عن النوت 3 ولو تحب اعدلك الفروق انا مستعد :)
التصميم جديد واللى يقول نفس شكل النوت3 اعتقد انه ميعرفش يعنى ايه تصميم بالمعنى اللغوى للكلمه الا باة لو كان عايز موبيل مثلث ف ايده :)
الجهاز مش ضد الميه ايوه بس هل دى ميزه اصلا !!!!! اية لزمتها مش عارف ؟؟؟؟؟
ال z2 او سونى اول من ابتكر الموضوع دة لا يخلو z من الاجهزه التلاته اللى نزلت من مشكله كبيره بسبب مباشر لطبقه عزل الميه الموجوده جواة اما سخونه مفرطه لصعوبه التهويه والتشتيت الحرارى للاجزاء الداخليه او ضعف ف الصوت اللى خارج من السماعات سواء ف حاله المحادثه او الاشعارات الصوتيه .الخ من المشاكل وكل دة علشان ايه ؟ انزل بالموبيل الميه ههههههههههههههههه الموضوع دة كوميدى جدا بالنسبالى .
الجهاز فيه بصمه وسينسور دقات القلب زى ال s5 بالظبط بس هما ف المؤتمر مجبوش سيره من باب ان دى حاجة ستاندرد يعنى ومن جهاز قديم حنقولها ليه تانى ودة اللى سبب اللبس عند الناس لحد ما جربوا الجهاز واكتشفوا ان البصمه موجوده .. اه بالمناسبه . هى البصمه دى مهمه اصلا ؟؟ ولا ليها عااااااااااااازه :) تقليد فاشل لابل وخلاص والناس بتعانى منها ف الاس5 لانها مش محصله نص كفاءه ودقه البصمه اللى ف الايفون بس اه موجوده عموما :)

رائى الشخصى دة اكتر جهاز من سامسونج انا متحمسله لانى كنت اتمنى حاجتين ف موبيل امتلكه (ملمس واحساس المعدن ف الحواف زى الايفون 5 اللى كان معايا و شاشه اموليد بروعتها زى اللى كانت معايا ف النوت 3 ) وبصراحه مكنتش اتمنى اداء اعلى من اداء النوت 3 خصوصا صاحب نسخه كوالكوم فما بالك باه النوت 4 جاى بمعالج اقوى(كوالكوم 805) وشاشه اجمل(كواد hd اموليد ) وتصميم افخم(حواف معدن مشطوفه زى ال m8 والايفون 5وضيف عليهم ملمس جلد اتشال منه الخياطه السخيفه اللى كانت ف النوت3) و كاميرا اعلى(16 ميجا بيكسل مع ois او مثبت بصرى للصوره المتحركه والثابته) و قلم ادق وبطاريه(3220) اكبر وشحن اسرع(50% ف نص ساعه حسب كلامهم و..........) من النوت 3 !!! لكن معظم اللى بيتكلم يا اما كاره سامسونج اصلا يا اما بيتكلم ع الفاضى لا شاف الجهاز ولا استخدمه !!!
على الرغم ان اللى معاه النوت 3 المفروض انه ميغيرش لنوت 4 لان النوت3 اصلا جهاز قدامه على الاقل 3 سنين اداء عالى قدام .. الا ان لو ملاك النوت 3 نفسهم اللى انا كنت منهم مسكوا النوت 4 وقارنوا حيعرفوا قد ايه ان فى اختلاف جوهرى ف التصميم واحساس المسكه و الانحناء اللى موجود عند الحواف الاربعه للزجاج الخاص بالشاشه وحيدركوا ان دى اول مره سامسونج تعمل ديزاين متعوب عليه ومتستخسرش كعادتها :)

معلومات قيمة بصراحة الف شكر
تفتكر هايكون افضل من i phone 6

المشاركة الأصلية كتبت بواسطة mastr_n

انا معايا htc وعايز اغير بصراحة لنوع تانى بس كخامات من افضل الخامات على فكرة
بالنسبة للسونى الرزيليوشن بتاع الشاشة بتاعة اقل من السامسونج وال htc ودة عن تجربة

اما موضوع المشاكل دة بيبقى حاجات فردية مش مشكلة عامة

على فكرة ممكن حضرتك تروح تزور فرع الصيانة الخاص بسامسونج 50 شارع الحجاز مصر الجديدة في اي يوم لمدة نص ساعة وتشوف فيه كام حالة فردية داخلة بمشاكل في تليفونات سامسونج جديدة فيها عيوب صناعة. انا دخلت التليفون صيانة اربع مرات وكل مرة كنت بقعد حوالي من 2 - 3 ساعات علشان اسلم التليفون طبعا من الزحمة.

المشاركة الأصلية كتبت بواسطة mastr_n

معلومات قيمة بصراحة الف شكر
تفتكر هايكون افضل من i phone 6

دة حاجه ودة حاجه تانيه
النظامين مختلفين فمقارنتهم صعبه لان كل نظام ليه زبونه
باختصار
لو بتحب ال ios يبقى الايفون الجديد من غير كلام
لو بتحب الاندرويد اكتر يبقى النوت 4 او lg g3 افضل اختيارين

المشاركة الأصلية كتبت بواسطة mido_soliman

دة حاجه ودة حاجه تانيه
النظامين مختلفين فمقارنتهم صعبه لان كل نظام ليه زبونه
باختصار
لو بتحب ال ios يبقى الايفون الجديد من غير كلام
لو بتحب الاندرويد اكتر يبقى النوت 4 او lg g3 افضل اختيارين

ياكبير الحمد للة انا شايل تليفون اندرويد من ايام لما كان الناس كبيرها تليفون نوكيا 6600 يعنى من حوالى اربع سنين تقريبا
انا عارف الفرق طبعا بين الاندرويد والابل بس انا بتكلم فى قيمة مقابل سعر وفخامة التليفون نفسة خصوصا ان i phone نازل بشاشة كبيرة
تحياتى ليك

وقد قامت شركة سامسونج يوم أمس بإزاحة الستار عن هاتفها اللوحي الجديد، “جالاكسي نوت 4″ Galaxy Note 4، خلال مؤتمر لها في برلين على هامش مشاركتها بمعرض IFA 2014 التقني بألمانيا.
ويملك "جالاكسي نوت 4" شاشة قياس 5.7 بوصة، وهو نفس قياس شاشة الإصدار السابق من الهاتف اللوحي، إلا أن سامسونج قامت بعدة تطويرات في الشاشة أبرزها استخدام شاشة Super AMOLED بدقة Quad HD، فيما حافظت على نفس تصميم الجزء الخلفي الذي يعطي إيحاء بأنه مصنوع من الجلد.
وأوضحت سامسونج أن الشاشة الجديدة تضفي للهاتف قوة عرض أكبر على مستوى درجة الوضوح ونقاء الألوان، مقارنة بالهواتف المزودة بشاشات الكريستال السائل LCD العادية المزودة بنفس دقة العرض.
وأضافت سامسونج أن الهاتف “جالاكسي نوت 4″ يجلب مميزات أخرى، منها مقاومته للمياة، ودمجه بقارئ للبصمة، وإمكانية العمل على تطبيقين في وقت واحد بنافذتين منفصلتين على نفس الشاشة بفضل ميزة تعدد المهام.
هذا، وحصل القلم الضوئي، S Pen، المميز لهواتف “جالاكسي نوت” على عدة تطويرات، حيث أكدت الشركة أن القلم يأتي بحساسية ضغط قوية عند الاستخدام تشبه تلك الموجودة في الأقلام العادية عند استخدامها للكتابة على الأوراق.
ويقدم القلم الضوئي كذلك مميزات مثل “الاختيار الذكي” Smart Select والتي تسهل باستخدام القلم إمكانية تحديد عناصر من أماكن مختلفة من الهاتف، مثل الصور والنصوص، ثم مشاركتها بسهولة مع الأصدقاء عبر عدة وسائل مثل البريد الإلكتروني، بجانب ميزة “سناب نوت” SnapNote، التي تسهل التعديل على النصوص المصورة باستخدام الهاتف.
ويضم الهاتف “جالاكسي نوت 4″ كاميرا خلفية بدقة 16 ميجابكسل مدعومة بمثبت بصري للصورة OIS، إضافة إلى أخرى أمامية بدقة 3.7 ميجابكسل مطورة لالتقاط صور “سيلفي” جيدة وواضحة، بتحسين حساسيتها للضوء لتلقط 60% ضوء أكثر، وتوسيع زاوية الالتقاط.
ويعمل الهاتف اللوحي الجديد بنظام “أندرويد 4.4.4″ المعروف اختصارا باسم “كيت كات”، وسوف يتوفر بنسختين مختلفتا المعالج، حيث سينبض داخل إحدى نسختيه معالج Exynos 5433 ذو الثمانية أنوية، الذي يعمل بسرعة 1.9 جيجاهرتز، فيما ستزود نسخة أخرى بمعالج “سنابدراجون 805″ من كوالكوم بسرعة 2.7 ميجاهرتز.
ودعمت سامسونج الهاتف بذاكرة وصول عشوائي RAM سعة 3 جيجابيت، إضافة إلى ذاكرة تخزين داخلية سعة 32 جيجابايت مع إمكانية إضافة بطاقة ذاكرة خارجية من نوع “ميكرو إس دي”، كما دعمت الشركة الجهاز ببطارية سعة 3220 ميلي أمبير/ساعة.
وقالت سامسونج أن الهاتف اللوحي الجديد مزود بخاصية للشحن السريع، تزيد من سرعة الشحن بنسبة 30%، حيث تمكن المستخدم من شحن 50% من طاقة بطارية هاتفه في نحو 30 دقيقة فقط، كما أكدت أن عمر بطارية الهاتف الجديد قد زادت بنسبة 7.5% مقارنة بالإصدارات السابقة.
يذكر أن سامسونج تعتزم توفير “جالاكسي نوت 4″ في الأسواق خلال شهر أكتوبر المقبل بأربعة ألوان هم الأسود والأبيض والبرونزي والوردي، مع عدة ملحقات خاصة منها وحدة للشحن اللاسلكي، وأقلام خاصة للاستخدام مع الجهاز من صنع شركة “مونت بلانك”، وأغلفة متنوعة للحماية، فيما لم تكشف الشركة عن أي معلومات بخصوص السعر.

شوف اخى الكريم انا لست محترفا فى موضوع التليفونات ولا اجيد فن المقارنات ولكن اتحدث من خلال تجربة فقط
ان لدى نوت 3 من اقل من سنة واستخدمه بشكل مكثف نظرا لحاجتى الى تدوين ملاحظات باستخدام القلم نظرا لطبيعة عملى كطبيب وكمان عملت له روت ورميت الضمان ورا ظهرى لانى عارف انه تليفون جيد ولن يعطل
ومنذ اسبوع ابنى اصر انه عايز يغير تليفونه وغاوى سونى z2علشان الكاميرا الخارقة 20 ميجابكسل والكلام ده واشتريته بسعر اغلى من النوت بكثير 2400 ريال سعودى وبعقد مقارنة بينهم انا شايف انه النوت افضل بكثير جدا وتليفون احترافي وعملى من الطراز الاول ووضوح شاشته افضل من السونى لانى نظرى ضعيف وجربت الفرق والسوفتوير للنوت اعلى بمراحل بمكوناته والاختيارات والامكانيات المتاحة فيه
للاسف السونى تليفون منفوخ على الفاضى شكله حلو وخاماته تبدو راقية جدا لكن لما تبدا تستعمله وده الاهم تلاقيه فاضى وبدائى جدا ولا يلبى احتياجات مستخدم حياته العملية معقدة ويعتمد على التليفون فى اشياء كثيرة
لا اعتقد ابدا انه اى حد جرب سامسونج والنوت بالذات ممكن يستحمل اى تليفون تانى مهما غلا سعره وذاع صيته
نصيحة اشترى النوت 4 وانت مغمض ولا تفكر كثيرا فما ابدعت فيه سامسونج في السوفتوير لايمكن ان يقارن باى تليفون اخر وان قصرت معك الفلوس اشترى نوت 3 ولن تندم واستفيد من التخفيضات اللى هتنزل عليه فنوت 3 سابق الانواع الاخرى بسنين ضوئية (زى البرادعى كده تقريبا)
تقبل تحياتى

المشاركة الأصلية كتبت بواسطة lonedoctor

شوف اخى الكريم انا لست محترفا فى موضوع التليفونات ولا اجيد فن المقارنات ولكن اتحدث من خلال تجربة فقط
ان لدى نوت 3 من اقل من سنة واستخدمه بشكل مكثف نظرا لحاجتى الى تدوين ملاحظات باستخدام القلم نظرا لطبيعة عملى كطبيب وكمان عملت له روت ورميت الضمان ورا ظهرى لانى عارف انه تليفون جيد ولن يعطل
ومنذ اسبوع ابنى اصر انه عايز يغير تليفونه وغاوى سونى z2علشان الكاميرا الخارقة 20 ميجابكسل والكلام ده واشتريته بسعر اغلى من النوت بكثير 2400 ريال سعودى وبعقد مقارنة بينهم انا شايف انه النوت افضل بكثير جدا وتليفون احترافي وعملى من الطراز الاول ووضوح شاشته افضل من السونى لانى نظرى ضعيف وجربت الفرق والسوفتوير للنوت اعلى بمراحل بمكوناته والاختيارات والامكانيات المتاحة فيه
للاسف السونى تليفون منفوخ على الفاضى شكله حلو وخاماته تبدو راقية جدا لكن لما تبدا تستعمله وده الاهم تلاقيه فاضى وبدائى جدا ولا يلبى احتياجات مستخدم حياته العملية معقدة ويعتمد على التليفون فى اشياء كثيرة
لا اعتقد ابدا انه اى حد جرب سامسونج والنوت بالذات ممكن يستحمل اى تليفون تانى مهما غلا سعره وذاع صيته
نصيحة اشترى النوت 4 وانت مغمض ولا تفكر كثيرا فما ابدعت فيه سامسونج في السوفتوير لايمكن ان يقارن باى تليفون اخر وان قصرت معك الفلوس اشترى نوت 3 ولن تندم واستفيد من التخفيضات اللى هتنزل عليه فنوت 3 سابق الانواع الاخرى بسنين ضوئية (زى البرادعى كده تقريبا)
تقبل تحياتى

فعلا اول ما مسكت السونى وقارنت الرزيلوشن بتاعة مع تليفون ال htc sensation اللى بيعتبر قديم نوعا ما عن السونى حسيت بفرق رهيب فى السوفتوير ودرجة نقاء الشاشة
وبما ان انا ناوى اغير من ال htc فايهكون اتجاهى للسامسونج وان شاء اللة هاجيب النوت 4 لو نزل بسعر معقول او النوت 3 حاجة من دوول
الف شكر على نصيحتك وربنا يباركلك فى ابنك وتفرح بية