عرض للطباعة
هل الواحد لما يكون قدامه اكتر من اختيار في موضوع مهم ويصلي صلاة استخارة ةيرتاح جدا لاختيار ويكون متيسر قدامه ويصلي تاني ويكون مرتاح اكتر وفي الاخر الموضوع ميمشيش بعد ما الواحد يكون تعب فيه جدا ويكون خسر الاختيارات التانية، يبقى كدا الواحد نيته كانت وحشة ولا ده ممكن يكون تخليص ذنوب ولا ايه بالظبط ؟
او ممكن حاجه تانيه خالص
الأختيار ده اتسهل علشان تبعد عن الأختيارات التانيه لانها فيها شر لك و بعد كده لانه اختيار مش مناسب وقف و ان شاء الله يكون فيه بديل تانى افضل
و مفيش حاجه اسمها خسرت الباقى لو لك نصيب فحاجه هتأخدها حتى لو الدنيا كلها وقفت ضدك و لو مش من نصيبك مش هتاخدها حتى لو الدنيا كلها واقفه معاك
الاستخاره للتيسير و الوصول للحاجه الكويسه ... كونها اتيسرت فى الاول و بعدين ممشيتش معناها ان ربنا مش رايدهالك و نصيبك مش فى السكه دى ... يعنى التعقيد ده ليه ماعتبرتوش هو نتيجة الاستخاره ؟
حضرتك صليتها ازاى؟
ع العموم المفروض تكون محدد اختيار من اللى كان قدامك وبعدين تصلى صلاه الاستخاره عشان ربنا يقولك اذا كان الاختيار ده صح ولا لأ
وحتى لو مش صح المفروض تفرح مش تحزن لأن ربنا نجاك من حاجه انت مش عارفها اصلا وبعدين انت نسيت انك استشرت ربنا العالم بخفايا الامور
ممكن تقول خطوات صلات الاستخارة ؟اقتباس:
المشاركة الأصلية كتبت بواسطة mohamed saber
متابع
[FONT=tahoma][SIZE=2]عن جابر بن عبد الله رضي الله عنهما قال: كان رسول الله صلى الله عليه وسلم يعلمنا الاستخارة في الأمور كلها، كما يعلمنا السورة من القرآن يقول: إذا هم أحدكم بالأمر فليركع ركعتين من غير الفريضة، ثم ليقل: اللهم إني استخيرك بعلمك، وأستقدرك بقدرتك، وأسالك من فضلك العظيم، فإنك تقدر ولا أقدر، وتعلم ولا أعلم، وأنت علام الغيوب، اللهم إن كنت تعلم أن هذا الأمر خير لي في ديني ومعاشي وعاقبة أمري، أو قال: عاجل أمري وأجله، فاقدره لي ويسره لي ثم بارك لي فيه، وإن كنت تعلم أن هذا الأمر شر لي في ديني ومعاشي وعاقبة أمري، (أو قال: عاجل أمري وآجله) فاصرفه عني، واصرفني عنه، واقدر لي الخير حيث كان ثم رضني به. ، قال: ويسمى حاجته، أي يذكر حاجته عند قوله: اللهم إن كنت تعلم أن هذا الأمر، فيقول مثلا: اللهم إن كنت تعلم أن سفري أو زواجي من فلانة.... إلخ خير لي في ديني... وإن كنت تعلم أن سفري.... إلخ شر لي في ديني....
[url=http://fatwa.islamweb.net/fatwa/index.php?page=showfatwa&Option=FatwaId&Id=38863]
صلاة الاستخارة واحكامها عارفها الحمد لله كويس.
بس كنت صليت استخارة قبل ما اسيب الشغل علشان اروح شغل تاني وكنت مستريح جدا للشغل الجديد وشفت صاحب الشغل في الحلم وكنا فرحانين ولاقيت نفسي في يوم وليلة بسيب الشغل القديم وبعدها بشهر واحد فقط حصلت لي مشاكل في الشغل الجديد مشفتهاش في حياتي وسبت الشغل .
فهل دي مثلا علامة على حاجة افضل ان شاء الله لازم اتعب لها الاول ولا ممكن اكون انا استاهل مثلا ولا ايه ، انا الحمد لله مؤمن بالله وبستخيره في كل اموري .
نصيب و رزق ... انت تعمل اللى عليك و الاستخاره ما هى الا سبب من الاسباب اللى الواحد بيعملها ... متزعلش على حاجه فاتتك متضمنش لو جت كانت عملت فيك ايه و متفرحش بحاجه جاتلك متضمنش هتعمل فيك ايه... بسم الله الرحمن الرحيم: لِّكَيْلَا تَأْسَوْا عَلَىٰ مَا فَاتَكُمْ وَلَا تَفْرَحُوا بِمَا آتَاكُمْ ۗ وَاللَّهُ لَا يُحِبُّ كُلَّ مُخْتَالٍ فَخُورٍ (23)الحديد
(كنت تعلم أن هذا الأمر شر لي في ديني ومعاشي وعاقبة أمري، (أو قال: عاجل أمري وآجله) فاصرفه عني، واصرفني عنه، واقدر لي الخير حيث كان ثم رضني به)
السر في ( ف ا ص ر ف ه ) و ( ثم ا ر ضن ي )
اتمني تكون ادركت
واعلم ان العمل الصالح يخفف من القضاء او يمنعه
ولنا في سوره الكهف قصص وعبر
فاكثر من الصالحات واعلم ان ربك هو الرحيم الخبير
تحياتي
Sent from my SM-N900 using Forum Runner
راضي والله بقضاء الله سبحانه وتعالى واي شر بيحصل فده من نفسي ومتاكد.
الحمد لله
اتفضل كل شئ عن صلاه الاستخارهاقتباس:
المشاركة الأصلية كتبت بواسطة hesham fawzy h
[youtube]http://www.youtube.com/watch?v=RLvQDoEC5Ew[/youtube]
تمام يا باشا بس على فكره الشر ممكن يكون خير و انت مش واخد بالك .... اللى انا متاكد منه ان اى حاجه بتحصل سواء انت شايفها كويسه ولا وحشه فهى خير ليك ربنا باعتهولك اما بيديك حاجه كوجيسه او بيحوش عنك حاجه وحشه او ابتلاء سواء بالكويس او الوحش ..... عارف القصه بتاعة لعله خير؟اقتباس:
المشاركة الأصلية كتبت بواسطة terrible_darsh
بص يا درش .....انا اوقات كتير حصلى حاجات وصليت استخاره والمهم حصل خيار انا مش عايزه وممكن اكون وقتها متضايق جدا وزعلان واقعد اصبر نفسى انى مصلى استخاره......مش عايز اقولك ان تمر ايام وتفوت ايام واكتشف ان اللى حصل دا كان انسب وافضل حل .....وان هى دى افضل طريقه .......ومن ساعتها وانا مابفرقش الاستخاره حتى لو مش مقتنع او نفسى فى الحاجه والدنيا اتعقربت بردوا ببقى متيقن ان دا انسب حاجه ليا.
قصة الوزير الذي كان دائمآ يردد عبارة
( لعله خير )
وكان هذا الوزير دومآ بصحبت الملك ولا يغب عنه ابدآ
كان يكرر عبارة لعله خير بكل نبآ يسمعه وكل جديد يلاقيه
وفي يوم من الايام تعرض الملك لحادث وقطع اصبع احدى يديه
وعندما سمع الوزير ما حدث فقال : لعله خير
وما ان سمع الملك هذا القول من الوزير الا وقد امر بسجنه
وقال له قطع اصبعي وتقول لعله خير؟
سآسجنك هنا في هذا القصر
فرد عليه الوزير لعله خير ان شاء الله
فضحك الجميع سخريه منه
وبعد عدت ايام كان هذا الملك وقافلته في طريق الى الديار
فظل قافلته ولم يعد يعرف اين اصبحوا ومشى وحيدآ بحثآ عنهم
فاعترضوه اناس من عبدة الاصنام وكانوا يبحثون عن رجل يذبحوه تقربآ للصنم ( قربان)
الذي يعبدوه
واخذوه الى قريتهم ليأدوا شعائر الذبح وعندما رأو اصبعه مقطوع فقالوا كيف نقدم لصنمنا
رجل ناقص. علها اهانة لصنمنا فتركوه يذهب
فعاد الملك الى دياره بعد ان اخلوا سبيله
فذهب يحكي قصته للوزير
فقال له الوزير قطع اصبعك وقلت لعله خير ان شاء الله
وامرت بسجني وقلت لعله خير ان شاء الله
لو لم يكن اصبعك مقطوع لكنت الان مذبوحآ عند عبدة الاصنام
ولو لم تآمر بحبسي لكنت معك واختاروني بديلآ عنك
فضحك الملك و استغفر الله وامر بالافراج عن هذا الوزير الذي عاد كما كان لا يغب عنه لحظه
عندى امثله كتير قوى فى حياتى الشخصيه لاحداث زعلتنى و كنت اتمنى حاجه تحصل و متحصلش و تمر الايام و ارجع اقول ياااه لو كانت الحاجه دى حصلت كان زمانى موصلتش لحاجات تانيه احسن .... روق كده و سيبها على الله و متقلقش
لعله خير ان شاء الله :)