مشكلة انخفاض قوة الفرامل عند السخونية العالية

**msaeedsoliman** · 03-09-2014 03:03 PM

السلام عليكم،
مشكلتي هو ان مع السفر و بعد وقت من المشي علي سرعات عالية، دواسة الفرامل يتحول الجزء العلوي فيها كله الي هوا. بمعني ان كل النصف العلوي من الدوس علي دواسة الفرامل لا يعطي اي تأثير و يبقي النصف السفلي في الدواسة هو فقط ما يعطي تأثير الفرامل. و اعتقد انها بتكون اضعف كمان من العادي بتاعها.
برجاء المساعدة.

**أحمد جودة** · 03-09-2014 03:16 PM

إكشف على دايرة الفرامل بالكامل ..... السيرفو والخراطيم
واسف عل الاستعجال وهعملك رد مفصل

**أحمد جودة** · 04-09-2014 08:39 AM

السلام عليكم ورحمة الله وبركاته

أولا تعالي نطمن الاول على دائرة الفرامل وأن مفيش تسريب زيوت من أى مكان
حضرتك هتنزل تحت العربية وتشوف خراطيم الزيت وتتأكد أنها راكبة وتمام ومفيش تسريب زيت وبردو خزنة الزيت تتاكد أن الزيت منسوبة مظبوط وبعد كدة نبتدي نفكر هل فيه مشكلة تانية حضرتك لما تكون راجع من مشوار هتزل تحط ايدك على الاربع جنوط وتشوف لو فيه واحد منهم سخن عن باقي الجنوط يبقي الفردة دي بتقفش بسبب تيل الفرامل او الطنابير أو أى شيئ أخر

وهقولك على ملاحظة عاوزك تبص على الخرطوم اللى راكب في المانيفولد وواصل للسرفو هل الخرطوم واصل تمام ولا فيه إلتواء أو متشقق

تقبل تحياتي ومتابع معاك

**aw2100** · 07-09-2014 12:37 AM

واضح انها مشكلة زيت فرامل لو ماغيرتش زيت الفرامل من فترة غيرة الاول وحط نوع نظيف dot.4 شل او توتال وحتحس بفرق كبير بس نزل الزيت القديم كله وربنا يقويك !!!