عايزه رأيكوا في الجراج

**darkangel345** · 03-09-2014 07:23 PM

السلام عليكم

ان شاء الله حشتري عربية زيرو وعايزه اشترك في جراج وبعد البحث لقيت جراجين الاتنين في نفس المنطقة فرق ما بينهم شارع واحد بس :-

الاول تحت عمارة له مدخل ومخرج وابواب ذي ابواب المحلات كده بتقفل علي العربيات الساعة 1 بليل بس الراجل قالي تسبلنا المفتاح وانا يا دوب إللي حعمله ان لو العربية قفله علي عربية عايزه تتطلع حطلع بيها من الباب ده وانزل من الباب التاني - الاشتراك 200 جنيه شهري من غير غسيل مسح بفوطه بس (قولتله لا مش عايزاك تغسلها ولا حتي تمسحها )

الثاني عبارة عن قطعة ارض محوطة بسياج سلك وإللي عرفته انها تبع وزارة الدخلية (كانت ملعب تدريب كلية الشرطة القديمة ) بس ملهاش سقف ولا حتي شجر و الشمس عليها طول النهار بس مش محتاج اسبله المفتاح ولا بيمسحها ولا يجي جمبها - الاشتراك 200 جنيه شهري

ايه رأيكم مين الافضل من وجهه نظركوا

شكرا ليكوا

**عبدالله برعى** · 03-09-2014 07:29 PM

الاول لان بدون ضوء شمس وسور بدل سور سلك

**Land_Cruiser** · 03-09-2014 07:41 PM

لو حضرتك هتخرجي بالعربيه كل يوم يبقي الجراج المغطي مش هيبقي مفيد قوي لانك هتركني العربيه في المكان اللي انت فيه اما لو كانت العربيه هتبقي معظم الوقت مركونه يبقي المغطي افضل علشان الشمس علي الاقل .
النقطه اللي مش كويسه فيه موضوع انك تسيبي المفتاح لان ده خطر و ممكن حد يطلع عليه او يتزنق في مشوار مثلا يروح واخد العربيه و رايح بيها في وقت هو عارف انك مش موجوده فيه او يعمل بيها لاقدر الله مشكله .

اعتقد ان الحل انك تحاولي مع السايس بتاع الجراج المغطي انه يشوفلك مكان كويس تركني فيه و بكده لا تضطري انك تسيبيله المفتاح حتي لو اعطيتي له مبلغ ليه هيتصرف لك في مكان من تحت الارض و هياخد باله من العربيه زياده و في حاله لو لم تكن هناك امكانيه يبقي خليكي في الجراج المفتوح أأمن

**shedoz** · 03-09-2014 07:55 PM

خلى بالك موضوع الطلوع من باب والدخول من باب عشان يطلع عربيه ده يخلى الواحد يقلق لانك ممكن العربيه تتحك لان مش هيخاف على العربيه الا صاحبها قطعه الارض ممكن تكون افضل بس حضرتك ممكن تشترى غطاء Waterproof هيحفظ العربيه من الشمس ومن التراب

**amr011111** · 03-09-2014 08:38 PM

اشترك فى جراج وزارة الداخليه
لسبب وحيد وهوه انك متسيبش المفتاح مع حد
وبالنسبه لحل موضوع الشمس

خلى السايس يعملك باكيه ويغطيها وهات سلسله وقفل بحيث لما تبقى عربيتك مش موجوده محدش بركن مكانك مش هتكلفك 200 جنيه وتبقى كده مسيبتش مفتاح عربيتك لحد وكمان حفظت ليك مكان ثابت

**S O P H O S** · 03-09-2014 09:21 PM

عن تجربة مع الجراج الي تحت خالص ده
سئ جدا فالخروج والنزول ميزته انه بعيد عن الشمس
غير كده الي برا احسن فرأي لو استخدام حضرتك يومي للعربية
مجرد رأي

**blazer** · 03-09-2014 11:38 PM

لو الجراج التانى دا أمان يبقى اوك دا افضل وممكن تعملى بايكه لنفسك و تعملى ليها سقف كمان ومش هتكلف حاجه
لان عيب الجراجات المفتوحه دى ان لو متداريه ممكن عربيات تتسرق بسهوله منها عشان مفيش بواب

**Mostafa.Mahran** · 04-09-2014 12:17 AM

الجراج الاول هتسيبى المفتاح - احتمال العربية تتحك او تتخبط اكبر - لو المطلع عالى هياثر على العربية على المدى الطويل مقابل ان العربية هتبقى نضيفة على طول و الشمس مش هتبقى ضاربة فيها

الجراج التانى مش هتسيبى المفتاح - احتمال الحك او الخبط اقل - فى مستوى الشارع مقابل ان الشمس و التراب هيبهدلو العربية

يبقى الجراج التانى افضل و تستخدمى شماسة و غطا عربية محترم يمنع التراب و الشتا