السلام عليكم ورحمه الله ..انا عندي قاعده الاسبراتير القديم اتكسرت وهو كان متبهدل شويه ومبرجل فاشتريت واحد جديد وعايز اركبه ..ياريت تعرفوني اعمل ايه بالظبط وهل الاسبراتير يركب علطول ولا اعمل فيه حاجه الاول
عرض للطباعة
السلام عليكم ورحمه الله ..انا عندي قاعده الاسبراتير القديم اتكسرت وهو كان متبهدل شويه ومبرجل فاشتريت واحد جديد وعايز اركبه ..ياريت تعرفوني اعمل ايه بالظبط وهل الاسبراتير يركب علطول ولا اعمل فيه حاجه الاول
انتظر حتي يرد عليك الاعضاء ومتتسرعش علشان تقسيمة الكهرباء عندك متطلغبطش
أعتقد هتفك القديم بسهولة وتركب مكانه الجديد ولاحظ وجود جزء بارز فى نهاية الاسبراتير لازم تركب الجديد فى نفس
إتجاة القديم وهتحتاج تتأكد أن الاسبراتير مظبوط
ودي طريقة إعادة تقسيم الموتور
إرفع العربية من ناحية العجلة اللى تحت كرسي السواق
فك بوجية رقم (1) للبستم رقم (1) من جهة بكرة الكرنك.
خلي العربية فى وضع المور وشد الهاند بريك
وتحط مفك طويل مكان البوجية خلي حد يلف العجلة المرفوعة فى إتجاة السير لحد ما البستم يوصل لاعلي نقطة وهتلاحظها لما المفك يبتدي يطلع من مكانة واحدة واحدة
فى الاسبراتير هتلاقي الاربع كابلات مترقمين 1234 أو abcd
هتوصل البوجية اللى ظبطنا علية للطرف رقم واحد وبس كدة
هتربط باقي الاطراف بترتيبهم وتبربط الاسبراتير مش للاخر ربما تحتاج تحركة كام مللي
وتتوكل على الله تدور العربية وتبتدي تظبط كهربا من جديد
تقبل تحياتي ومتابع معاك
انا كنت ركبت اسبراتير جديد بنفسى من 6 شهور وشيلت القديم وركبت الجديد من غير اى تقسيم جديد, هو فيه بس فى كعب الاسبراتير شفه بارزه لازم تركب مكانها ودور العربيه ولو ما اشتغلتش اقلب اتجاه الشفه البارزه دى 180 درجه و يبقى ده الوضع الصحيح للاسبراتير, خلاصة اللى انا عايز اقوله من خلال خبرتى المتواضعه ان هما فقط احتمالين اللى انا شرحتهم دول مالهمش تالت
هتشيل الاسبراتير القديم وتركب الاسبراتير الجديد
هتعمل علامه علي القاعده بتاعت الاسبراتير بالمفك "الي بيركب فيها الاسبراتير وعلامه تانيه علي الاسبراتير القديم وتعمل في نفس المكان علي الاسبراتير الجديد وتركب وتوصل الاسلاك
الف شكر يارجاله على مساعدتكم بس للاسف بتاع قطع الغيار بعتلي الاسبراتير الجديد من غير قاعده ورجعتله امبارح ملقتش عنده قاعده ورجعتله الاسبراتير ولفيت ساعتين لحد مالقيت قاعده جديده ولما روحت ركبتها وركبت الاسبراتير القديم وحاولت ادور ومرديتش تدور ابدا وبعد ساعات من المحاولات لقيت سلوك الاسبراتير الي طالعه م الملف الى جواه اتقطعت كلمت الكهربائي وقالي هاته يوم السبت هفكه واعمله سلوك جديده ..انا الوقتي مش عارف ارجع اجيب الاسبراتير الصيني تاني جديد ولا اصلح الي معايا ده الي هو الاصلي ؟؟
ملف الاسبرتير حصلت معايا كثيرا عادى بيتغير وسعرة فى حدود 30 جنية وممكن انتا تركبة بنفسك اى حد بتاع قطع غيارةاسكودا اسئلة على ملف الاسبريتير انا اشتريته وركبتة فى البيت بنفسى والحمد لله تمام* خلى بالك بلاش الكهربائى يلعب بيك ويقولك حنلفة وكدا اشترى جديد اوفر واضمن***
هذا الملف يقوم بتوليد اشارات كهربائية نتيجة دوران الجزء الداخلى للاسبرتير قطب مغناطيسى بدورانة داخل الملف ينتج عن ذالك توليد اشارات كهربائية ويتم تقطيعها بواسطة الجزء المعدنى المثبت اعلى الملف على شكل نجمة هذا الجزء الذى يقوم بجعل التيار الكهربائى متردد حسب عدد اللفات ومن هنا يتم تقطيع التيار الكهربائى لتكون على شكل نبضات او اشارات متقطعة حسب دوران الجزء العلو وحسب دوران القطب الداخلى المغنطيس ومن هنا يمكن حساب عدد لفات الموتور هذه هى وظيفته فقط حساب عدد لفات الموتور ولاكن علاقته بعلبة الكهرباء هى تكامل الدائرة فقط حيث اننا نعلم ان علبة الكهرباء عبارة عن دائرة متكاملة مغلقة واى قطع فيها تتوقف تماما حتى ولو لم يكن له علاقة بتوليد شرارة البوجيهات والله اعلم هذا ما فكرت فيه وربما تكون فكرتى خطء***
بالأختلاف مع عم صبحى
وظيفة ملف الأسبراتير اساسية وهو التحكم فى المشط الألكترونى اللى بيتحكم فى البوبينه بدورة لانتاج الشرارة الكهربائية المسئولة عن دائرة الأشتعال وهو بديل للابلاتين فى الأسبراتير العادى بمعنى هو عبارة عن مفتاح on off ذو حساسية عالية جدا وبيتم تكبير الامبير فى المشط الالكترونى للتحكم فى البوبينه علشان كده اى خطأ او ضعف فى الدائرة بيحصل ضعف او تاخير للشرارة وبالتالى بيبرجل العربية ارجوا انى اكون وضحت فكرة عمل دورة الأشعال الألكترونى !!!!