مشكلة غريبة بكباس التكييف بتاع البوينتر

السلام عليكم ورحمة الله

العربية اللي اشترتها صاحبها كان مغير الكباس بواحد بتاع اوبل
مؤخرا العربية سربت الفريون كله والصنايعي قالي انه عيب كباس
وانه كده خلاص ملهوش حل ولازم يترمي مع انه كان شغال تلاجه فوق الممتاز وقطع فجأة
مش عارف بقى كلامه صح ولا غلط
بس هو كيس العربية ومفيش اي تسريب من المواسير ولما بدأ يشحن فريون سمعنا صوت تصفير من عند الكباس
المهم بيقولي ارمي ده خلاص وهاتلك واحد ياباني جديد تمنه 1400 جنيه وبالتركيب كله كله 2300
انتوا ايه رأيكم هل فعلا الموضوع عملي ولا اجيب حاجه استيراد ولا ده نصب ولا ايه؟؟
العربية بوينتر 2007

اقتباس:

---

المشاركة الأصلية كتبت بواسطة semi

السلام عليكم ورحمة الله

العربية اللي اشترتها صاحبها كان مغير الكباس بواحد بتاع اوبل
مؤخرا العربية سربت الفريون كله والصنايعي قالي انه عيب كباس
وانه كده خلاص ملهوش حل ولازم يترمي مع انه كان شغال تلاجه فوق الممتاز وقطع فجأة
مش عارف بقى كلامه صح ولا غلط
بس هو كيس العربية ومفيش اي تسريب من المواسير ولما بدأ يشحن فريون سمعنا صوت تصفير من عند الكباس
المهم بيقولي ارمي ده خلاص وهاتلك واحد ياباني جديد تمنه 1400 جنيه وبالتركيب كله كله 2300
انتوا ايه رأيكم هل فعلا الموضوع عملي ولا اجيب حاجه استيراد ولا ده نصب ولا ايه؟؟
العربية بوينتر 2007

---

ارمي و بدل و ريح بالك من الهري بس اشتري استيراد

أنا راكب أختها و عملتها معايا ، كل دة كلام فاضى ، أوعى ترمية التكيف سليم 100 / 100 ، الكلاتش هوة اللى بايظ و يمكن البلية كمان ، لو انت من اسكندرية روح لعماد المصرى تليفون : 01009471117 ، صلحلى التكيف و غير الحاجتين دول و بعد الشحن كلفت 800 جنية و تكيفها الأصلى استحلة حتلاقية ، بالتوفيق .

اقتباس:

---

المشاركة الأصلية كتبت بواسطة import

أنا راكب أختها و عملتها معايا ، كل دة كلام فاضى ، أوعى ترمية التكيف سليم 100 / 100 ، الكلاتش هوة اللى بايظ و يمكن البلية كمان ، لو انت من اسكندرية روح لعماد المصرى تليفون : 01009471117 ، صلحلى التكيف و غير الحاجتين دول و بعد الشحن كلفت 800 جنية و تكيفها الأصلى استحلة حتلاقية ، بالتوفيق .

---

الكلام ده مظبوط اوى ... ومش هيتكلف معاك ال ٨٠٠ جنيه كمان ... وعلى فكره الكلتش بيتصلح لانه مش بيضرب كله ... الكلتش عباره عن ملف نحاس وفى أوله عاملين زى فيوز كده نظام سيلكونات فحضرتك بتسيح الشمع اللى عليه وبتوصله مباشر لان السيلكونات دى بتكون ضربت ... وباذن الله هيرجع يشتغل معاك زى الفل ومش هيكلفك غير شحن الفريون والمصنعيه ... وباذن الله بسيطه

اقتباس:

---

المشاركة الأصلية كتبت بواسطة import

أنا راكب أختها و عملتها معايا ، كل دة كلام فاضى ، أوعى ترمية التكيف سليم 100 / 100 ، الكلاتش هوة اللى بايظ و يمكن البلية كمان ، لو انت من اسكندرية روح لعماد المصرى تليفون : 01009471117 ، صلحلى التكيف و غير الحاجتين دول و بعد الشحن كلفت 800 جنية و تكيفها الأصلى استحلة حتلاقية ، بالتوفيق .

---

متشكرين يا عم ... هو فعلا كلامي انا فاضي
معلش انا اسف يا ريس ما كنتش اعرف ان حضرتك مهندس في مصنع فولكس
انا لسه حالا قاري البروفيل بتاعك .. الصراحة حاجه مشرفه جدا ان يكون معانا مهندس من فولكس

على اي حال الكالتش فعلا بيتغير كلامك صح .. بس حضرتك عرفت منين ان الكمبريسور سليم ؟؟
ما جايز كلامي يطلع صح و الكمبريسور خربان

على كل حال من واقع التجارب انا قلت يترمي ... لان فيه ناس ماتعرفش الراجل اللي بيصلح ده و راحت عند ناس معندهاش ضمير .. و فك و تركيب و شحن غاز .. ولقو نفسهم دفعوا رقم اقرب لكمبريسور استيراد .... في الاخر الكمبيرسور اللي اتصلح ما كملش شهر شغل .