بعد صيانة الـ70 ألف الدورية، ارتفاع شديد في الحرارة
السلام عليكم،
عملت صيانة الـ70 ألف الدورية في كيا السبع زهراء المعادي، وتقريبا في أول مشوار التكييف طلع هواء نار والحرارة ارتفعت لـ90%
الحمد لله وقفت على طول، 10 دقايق والحرارة نزلت فاخدتها لأقرب محطة بنزين.
قولتلهم العربية بتسخن، بصوا قالوا الردياتير مفهوش مية، وقدامي العامل زود تقريبا 9 لتر مياة في الردياتير!
بعد ما خلص شكيت ان فيه تسريب كشف وقالي مفيش تسريب!
قولتله العربية لسة جاية من الصيانة قالي هي ناقصة مية بس!
كملت المشوار وروحت والحرار كويسة جدا
أنا رايح النهاردة السبع أشوف السبب، بس حد واجه موقف مشابه؟