-
قربة الميه مليانة للاخر
السلام عليكم و رحمة الله
العربية عندي عملت معايا حركة مش فاهمها لسه قريب كنت مغير جوان وش سلندر و مغير طبب الموتور لانها خلطت ميه علي زيت
الحركة انها لما تسخن القربة بتبقي مليانة علي اخرها ميه من الريداتير ولما ابطل العربية المية تخرج من فايز القربة.
يعني انزل اشتري حاجة الاقي كوباية ميه مدلوقة تحت العربية :Copy of majd(4):
ايه سبب المشكلة و ايه الحل؟؟؟؟
-
المشكلة دي سببها بسيط جدا .. وغالبا هو ده اللي خلى العربية تجيب جوان وش السلندر
غطا الرادياتير عايز يتغير !!!
http://www.team.net/www/morgan/tech/...atorCap-2b.jpg
غطا الرادياتير المفروض إنه يحافظ على ضغط المية عند مستوى معين جوه الرادياتير علشان الضغط له تأثير على درجة غليان المية (الضغط العالي بيرفع درجة الغليان)
ولو زاد الضغط عن المستوى ده البخار بتاع المية بيخرج من الغطا ويروح القربة.
ولما حضرتك تطفي العربية المية بتبرد والضغط بيقل جامد (زي فكرة برطمانات المربى).... ولو المية اللي طلعت دي ما رجعتش.. ممكن لما تيجي تشغل العربية تاني تكون المية ناقصة زيادة عن اللزوم والعربية تسخن..
علشان كده بيبقى الغطا فيه فتحة صغيرة بتفتح بس لما الضغط يقل .. وتبدأ تشفط المية من القربة تاني
http://oljeep.com/rad/FSJRadiatorsan...s/image010.jpg
http://ww2.justanswer.com/uploads/hm...210756_cap.gif
باختصار.. فتحة رجوع الفائض في غطا الرادياتير مسدودة.
هو حضرتك غيرت الغطا مع تغيير الجوان؟؟
...
-
مشكلة غريبة ربنا فعونك جرب الغطا فعلا
-
السبب طلع غطا اللريداتير بايظ. الجلدة واقعة منه شكرا
Content Relevant URLs by
vBSEO 3.6.0 PL2