الموضوع: الاعيب معارض السيارات والوكلاء - خلي بالك

عاوزين تاني نرجع للنصاب الكبير البائع ((الا من رحم ربي ))
البائع النصاب اتكلمنا عليه ولسه مطول معانا برضه شويتين لانه بيبقى نصاب بدرجة بائع
انت طبعاً بتدخل المعرض ايوة ياباشا اامر والله انا عاوز العربية كذا الى مش موجودة وعليها حجز .... تيجي سبوبة جديدة ( over price ) اوفر برايس وديه كلها لعب ما لهاش قيمة معينة احيانا بتبقى كلها مضروبة في جيب البائع او البائع بيزود عليها مصلحته او الشركة او التوكيل تخليها رسمي وليك نسبة في الزيادة الى تجيبها 50% مثلا ده لو بيمشي رسمي وبيطلع ايصالات وفواتير شاملة المبالغ ديه بالظبط
من الاخر هتدفع تمن العربية يبقى بتاخد ايصالات سداد معتمدة بالكلام ده وبتستلم فاتورة مع العربية بكامل المبلغ وما تديش البائع فلوس في ايده وما تقبلش ايصالات غير رسمية منه والايصالات تكون باسم المكان وتسال على فواتيرك وتدفع في الحسابات او الخزنة مباشرة ويستحسن لو ليك حساب في بنك روح اعمل شيك مقبول الدفع باسم الشركة او المعرض او المفوض القانوني

عاوز نصيحة اخيرة ما تحجزش عربية او تدفع فلوسك في عربية مش ادامك

- الخصم برضه البائع ممكن يجيبلك خصم على تمن العربية ويضرب توقيعك ويضرب فرق السعر في جيبه عشان كده اتأكد من الفواتير والمبالغ الى فيها واستلم ايصالات مختومة وعلى ورق رسمي وسدد بنفسك واستلم بنفسك
- الهدايا العينية ما تقرفش نفسك بيها ما تدفعش 200 الف في عربية وما تركزش غير في الدواسات والفواحة والشماسة الهدية والميدالية بيتجابوا جملة ب 60 جنيه من التوفيقية ..... انزل التوفيقية وجيب الحاجة وارحم نفسك من الاكراميات الى هتدفعها بالغصب ....هتلاقي بتاع المبيعات بيقولك انا جبتها على حسابي او على مسئوليتي وكلك نظر والعمال الى هيوصلهالك في العربية ومش هيسيبك تمشي غير بالاكرامية المحترمة الى يديك حاجة بره العربية اعرف انه هيقلبك بجد ... انت جاي تشتري وصاحب العربية كسبان والبائع كسبان فكتر خيرك ووفر فلوسك الى برضه لسه هيقلبوك فيها تاني وهقولك ازاي

البائع لسه مكمل معانا شوية والجاي التأمين وبعده البنك والتقسيط :)

لك الاجر والثواب واستمر على بركة الله