الاعيب معارض السيارات والوكلاء - خلي بالك

**ابن حلال** · 05-09-2014 09:55 PM

نكمل حاجة تانية المفروض انها بتبقى واضحة بس برضه الناس بتقع فيها
ناس كتير بتدخل تتفرج على عربية وتعجبها ويقرر يشتري
طيب انا عاوز اخلص من عربيتي الاول ... هنا طبعاً البائع النصاب ((الا من رحم ربي )) هيتبرع ويقوله يافندم احنا عندنا ادارة للمستعمل استني اكلملك المسئول الى بيبقى في الحقيقة تاجر سيارات مستعمل مظبط مع البائع بالعمولة برضه وطبعاً حساب عربيتك الى هتبيعها هيبقى اقل من السعر المتعارف عليه في السوق بقيمة مكسب التاجر + عمولة البائع طيب ليه ؟؟؟
ليه تخلي حد يبيعلك عربيتك لتاجر
بيعها بنفسك ولو مستعجل روح للتاجر مباشرة على الاقل هيبقى قللت العمولة الى هتتعمل عليك

راعي ان بيبقى في ناس ما تعرفش حاجة ابداً عن العربيات غير السواقة ومش مهتمة بتفاصيل البيع والشراء وبيبقوا فعلاً اجمل ضحية للنصب في المعارض والتوكيلات
مصمم وعاوز تبيع عن طريق المعرض او التوكيل يبقى روح لمكان فعلاً عنده ادارة مستعمل وهتتعامل معاهم رسمي

حاجة كمان ناس كتير بتلجاً للنمر التجارية وديه برضه بيطلع فيها مصالح والعداد بيحسب باليوم وبرضه الحساب شيء وهو هيحاسبك بشيء تاني ... هتستلم العربية اعرف ان هتاخد اقرار استلام هتمشي بيه عادي جداً لغاية الترخيص تقريباً معاك 48 ساعة او 72 ساعة .... ما فيش داعي انك تلجأ للنمر التجارية الا في الضرورة القصوى واستعوض ربنا في المصلحة الى هتتعمل عليك

**Omar Mahmoud** · 05-09-2014 10:11 PM

الكلام ده كله بيحصل فعلا
والدي كان شغال في السعودية في معرض اسمه الجميح و ده توكيل لجينرال موتورز بس ماكانش من البياعين و حكالي علي حاجات زي دي و المصيبة كمان إن ده توكيل يعني قطع غيار اصلية و نضيفة و مضمونة لأ بيشتروا قطع غيار عادية من اللي هي بتتباع في محلات قطع غيار عادية و ساعات قطع غيار مضروبة.النصب شغال زي الفل.

**عصام غنايم** · 05-09-2014 10:21 PM

متابع

لأنى شوفت بعينى حاجات من دى كتير

بارك الله فيك وجعله فى ميزان حسناتك

**D . a .\ AYMAN** · 05-09-2014 10:41 PM

بارك الله فيك وحفظك منهم ومن أمثالهم وأعانك عليهم

**s7oda** · 05-09-2014 10:54 PM

ربنا يجعل الناصيح والمعلومات دي في ميزان حسناتك لانك بجد افدتنا

**ahmed0maged** · 05-09-2014 11:40 PM

متابع

**Eng.M_Mousa** · 05-09-2014 11:47 PM

يا نهار ابيض يعني الواحد يخاف من الزيرو اكتر من المستعمل
جزاك الله خيرا علي هذا الموضوع الرائع

**kar!m** · 06-09-2014 12:52 AM

ربنا يكرمك و يجازيك خير

**nagy wassef** · 06-09-2014 12:58 AM

اهم حاجة تفضل زى مانت فى شغلك و ماتضغفش
اننت ربنا معاك و تاكد ان حقك هتاخده فى يوم من الايام علشان ربنا مابيسبش حد
السرقة مش شطارة...... اسهل حاجة السرقة
لكن الصعب انك تنجح منغير ماتخالف ضميرك
ربنا معاك و يوفقك فى حياتك

الموضوع: الاعيب معارض السيارات والوكلاء - خلي بالك

LinkBack

أدوات الموضوع

عرض

-

-

-

-

المواضيع المتشابهه

معارض السيارات

طريقة جديدة لبيع السيارات المستعمله (معارض تقسيط السيارات المستعمله)

من يحمي المستهلك المصري من جشع بعض تجار السيارات والوكلاء؟

معارض تأجير السيارات

(مهم) أخيراً تكلم مصنعون السيارات والوكلاء في مؤتمرهم الصحفي يوم الاحد 4/1/2009

الكلمات الدلالية لهذا الموضوع

المفضلات

المفضلات

ضوابط المشاركة