الارض بتاعة والدى هيتنصب عليها و مش عارف اعمل ايه

**Ahmed.Magic** · 04-09-2014 07:11 PM

السلام عليكم جميعا
بدون مقدمات كتير فى ارض باسم والدى بتاعتنا فى مدينة نصر و هو اول مالك ليها و مسجله فى الشهر العقارى ووالدى عايش و الحمدلله من فتره حصل مناوشات عند الارض ناس بتيجى تبلطج على الغفير و تقوله الارض دى بتاعتنا و بعدين ابتدوا يتصلوا بينا يهددونا بالقتل انا رحت سالت فى الشهر العقارى المحامى قالى انها متقدم عليها طلب صحه بيع و نفاذ لكن لسه ما اتسجلتش و لا حاجه طبعا انا كنت مش فاهم حاجه قلتله ازاى يعنى قالى القانون للاسف بيسمح لاى حد معدى فى الشارع انه يدخل يقدم طلب فى الشهر العقارى على العقار بتاعك و الطلب ده بيفضل سنه قابله للتجديد انت خلاله ما تقدرش تبيع لان الى هييجى يشترى هيلاقى فى طلب قبله فمش هيعرف يسجل و هيرفض يشتريها منك او هيخسف بيها الارض فى السعر المهم رحت لمحامى قالى هخلصلك الموضوع ده و عمل بلاغ فى النيابه و رفع دعوى استرداد و بعت انذار للشهر العقارى على يد محضر و كل ده و الشهر العقارى مش عاوز يشيل الطلب المهم الدنيا هديت شويه عند الارض لما عملنا كده و بعدين بعدها بشويه طلعلونا بواحد تانى غير الى مقدم الطلب بيقول انه معاه توكيل من والدى و برضه بلطجه على الغفير و يطلعوه من الارض و اروح ارجعه تانى و حرقة دم و الشرطه تقولك يبقى الوضع على ماهو عليه و هما بيبتزونى و عاوزين فلوس كتير و انا رافض المبدا اصلا انى ادفعلهم عشان مش عاوز حد غيرى يقع فيهم المهم دلوقتى عملنا بلاغ برضه فى مباحث الاموال العامه و حوارات كتير و كل يوم نيابه
سؤالى بقى انا دلوقتى لو عاوز ابيع فعلا ماقدرش؟ و ازاى اكون موثق عقارى فى اكبر مؤسسه لتوثيق العقارات فى مصر و بفلوس كتير و يتعمل عليا الشغل ده كله؟ انا بجد مش فاهم...

**mostafa3000** · 04-09-2014 07:30 PM

حضرتك اعمل لها رخصة مباني

**Ahmed.Magic** · 04-09-2014 07:42 PM

المشاركة الأصلية كتبت بواسطة mostafa3000

حضرتك اعمل لها رخصة مباني

شكرا لردك
بس دى هتفيدنى فى ايه فى الموضوع ده؟ و بعدين انا فى الاساس عاوز ابيع

**mostafa3000** · 04-09-2014 07:46 PM

المشاركة الأصلية كتبت بواسطة ahmed.magic

شكرا لردك
بس دى هتفيدنى فى ايه فى الموضوع ده؟ و بعدين انا فى الاساس عاوز ابيع

عارف انك ناوي تبيع
الترخيص يفيدك أنة هيحولها من ارض فضاء يسهل البلطجة عليها الي ارض لها تراخيص بناء اي مبني مستقبلي
وحضرتك لما تيجي تبيعها هتاخد ثمن السوق الحالي للأرض زائد تكلفة التراخيص بمكسبها

**khaled_yassin** · 04-09-2014 07:54 PM

بلد تيييييييييييييييييت

**Ahmed.Magic** · 04-09-2014 07:55 PM

المشاركة الأصلية كتبت بواسطة mostafa3000

عارف انك ناوي تبيع
الترخيص يفيدك أنة هيحولها من ارض فضاء يسهل البلطجة عليها الي ارض لها تراخيص بناء اي مبني مستقبلي
وحضرتك لما تيجي تبيعها هتاخد ثمن السوق الحالي للأرض زائد تكلفة التراخيص بمكسبها

وانا ازاى هابيع اصلا و الطلب ده موجود؟ و اشيله ازاى؟

**mostafa3000** · 04-09-2014 08:12 PM

انت معاك سند الملكية باسم والدك ودا كافي جداً لاستخراج التراخيص
بعد صدور الرخصة هتتحول لأرض مباني لها رخصة في الحي باسم مالكها
وبكدة أوراقك كلها هتبقي سليمة

**الاسد المهاجر** · 04-09-2014 09:13 PM

مش هعرف افيدك بس هقولك علي حاجه
في ارض عندنا كلها زباله ولاوي جت ناس نضفتها وصرفت عليها وصحابها ظهرت وخدت الارض حصل كده حوالي ٣ مرات والحمد لله لسه مع صاحبها

اعمل زي ما الاعضاء قالت واوعي تدفع جنيه لبلطجي

**drcobra** · 04-09-2014 11:01 PM

ربنا معاك

**DR/WAFEK** · 04-09-2014 11:49 PM

حاول تبنيها لو معاك فلوس او تجيب مجموعه من اصحابك وقرايبك وياسلام لو فيهم مستشارين او ظباط وحاول انك تيجى من نحيتك شويه بحيث تشجعهم على الاستثمار معاك ويبقوا يقابلونى ولاد الكلب دول لو طالوا حاجه