الموضوع: محتاج مساعدتكم فى شراء سيارة مستعملة فى حدود 50000

خبراء ايه!!!!!!!

انت طالب مواصفات عربية جيب او دودج وعايزها ب50 الف وكمان بلاش كوري ولا صيني ولا اسيوي عدا الياباني

يعني حضرت بتتكلم ف تويوتا ومازدا ومتسوبيشي وعليهم البي ام دبليو والمرسيدي والاوبل (الماني) وطبعا البيجو والستروين والرينو (فرنساوي)

دا كله عربيات محترمة بجد بس الفلوس والموديل والحالة هي اللي بتحكم مع طبعا قطع الغيار والصيانة

ربنا يوفقك

بروتون ساجا موديل ٢٠١٠ اوتو تعمل في حدود ٥٥ الف وماليزي ١٠٠٪

المشاركة الأصلية كتبت بواسطة moftakesegy

مضايقكم اوى كلامى ؟؟

انا مش شايف فية اى شىء صعب فى كلامى

و سألت كذا ميكانيكى اليوم و عندى اختيارات كتير و اكيد طبعا محتار

فية ميتسوبيشى الكريستالة
تويوتا عيون
و بعض موديلات bmw
و اوبل فيكترا و أسترا
و رينو ميجان

و كلهم اوتوماتيك

و على العموم شكرا لكل واحد رد

و أنا غلطان أنى أزعجت سيادتكم و عطلتكم عن الرد على استفسارات الأعضاء اللى عندهم جيب و دودج

بجد والله انا زعلت من ردك لانك اخدت الموضوع اننا ب........

لا طبعا مش كدا خالص بس حبيت ارد بطرقية طريفه شوية وتجذب اللي هيقرأ وانت بصراحة طالب حاجات وامكانيات عاليه بجد واتمنى من ربنا اننا جميعا يكون عندنا الجيب والدودج عادي بنفس فلوسنا لو رحت السعودية او الامارات هتركب احسن من كدا مليون مرة

اما بالنسبة للعربيات اللي انت كتبتها

الكريستاله دي عربية كاربراتير (سحب سئ مع التكييف وعربية وطاية على المطبات) واللي حالتها حلوة هتلاقي سعر مبالغ فيه بدرجة كبيرة جدا وعلى فكرة اوبشنها قليل

الكورولا عيون (بصراحة مش بعرف فيها مش هقدر اقول رأئي)

بعض موديلات البي ام في كل حاجة انت قلت عليها بس اقل عطل او مشكلة او عربية فيها شوية شغل الدنيا هتكون كحلي معاك بجد

اما الاوبل فكترا والاسترا انت مش كتبت الموديل عموما الفتكرا لو تسعينات اوعى تشتريها الاوتو بتاعها 2000 سي سي لو حصل مشكلة ف الفتيس احتمال تعمل العربية بروزا اما موديلات الفينات هتلاقي السعر يمكن يوصل 60 وتعدي على حسب الحالة

واخيرا الرينو ميجان عربية اوبشن تمام وحلوة بس قطع الغيار نار ومش اي ميكانيكي يحط ايده فيها يفضل يفضل التوكيل

شفت بقى انك انت حتى مش لاقي حالة بالمواصفات اللي طلبتها كل حاجة ناقصها حاجة

عموما اتمنى انك متزعلش مني او من اي حد رد هدفنا كله اننا نستفاد من بعض

على فكرة انا لو مكانك وهشتري بالمبلغ دا

هجيب نوبيرا موديل عالي 2005 اوتو (متسمعش كلام اللي يقولك فيها مشاكل عفشة او فتس انا ركتبه سنتين وكل حاجة فيها تتعمل تمام تعيش معاك تمام)

او كيا شوما او سبكترا موديلات 2003 2004 اوتو (ومحدش يقولك قطع غيار غاليه او مش موجودة دا ميعرفش حاجة هي القصة كلها انه احتمال مش يلاقي ف اول محل او تاني محل بس هيلاقي ف تالت محل كدا كدا الحاجة موجودة)

والكيا ليها الافضلية