الموضوع: العربية راحت ولا تقولى فين جهاز الانظار ولا تقولى فين جهاز gps

حسبي الله و نعم الوكيل فيهم و في اللي سايبنهم يسرقوا. انا مش عارفة اخرة سرقة السيارات دي ايه. و لغاية امتي اللي يركن يدعي يرجع يلاقي عربيته و كمان بتتسرق من تحت البيت. ان شاء الله تلاقيها. بلغ و خلاص حتي لو قالوا لك ابقي ادفع للحرامي لان لو مشي بيها ممكن من المواصفات يمسكوه بيها زي ما حصل لجارتي. سيارتها اتسرقت من القاهرة و اتصلوا بيها و بعد مناقشات كانت الفديه عاليه و بطلوا يتصلوا و فقدت الامل لكن وجدوا العربيه في الاسكندرية لانه كان ماشي من غير نمر و سبحان الله كان رايح يفكها فاتمسك بالصدفه لانها كانت مبلغة عن المواصفات و قالوا لها في القسم اتفاهمي مع الحرامي لو اتصل. لكن كن حذر لان فيه احيانا ناس بتروح تدفع الفدية بياخدوها و مش بيرجعوا العربية و ممكن كمان يئذوا صاحبها. ادعي كثيرا و صلي قضاء حاجة و اكثر من الاستغفار. قل :اللهم يا جامع الناس ليوم لاريب فيه اجمع بيني و بين ضالتي و اتلو صورة الضحي و ان شاء الله ترجع لك بدون مشاكل